Xafiiskii UNPOS ee Soomaaliya ee Mahiga oo 3-da June isku Bedeleya Howgalka
UNSOM ee Nicholas Kay
 Iyadoo
2 Bisha June ay ku egtahay Hawshii uu qaban jiray Xafiiskii Siyaasadda Qaramada
Midoobay ee Soomaaliya UNPOS ayaa la filayaa in Maalinta Berri ah oo bishu tahay
3-da Juun 2013 Xafiiskaas Xafiiskii bedeli lahaa laga furayo Soomaaliya.
Xafiiskan Cusub ee UNSOM oo hawshii uu Xafiiskaasi hayay bedelayay ayaa
Doorkiisa waxaa loo qaybiiyay illaa Afar Qaybood oo waa weyn.
Xafiiskan ayaa waxaa wax qabadkiisa ka mid ah inuu gacan ka gaysto Abuuridda iyo
Kicinta Siyaasadeed ee istaraatiiji lagu heli karo Xasilooni iyo Nabadeyn oo ay
ka mid tahay inuu soo abaabulo qaybaha kale ee Qaramada Midoobay iyo Caalamkaba
isagoo taageeri doona Ajandaha Nabadda Amniga iyo Dhismaha Qaranka Dawladda
Federaalka Soomaaliya.
Sidoo kale Xafiiskan wuxuu Taageero Siyaasdeed siinayaa Dawladda Federaalka iyo
hawlgalka Midowga Afrika oo ay ku jiraan Nabadeynta dib u dhiska Dalka Hay’adaha
Dawladda Xagga Maamulka.
Hawl galka Xafiiskan ayaa waxaa kaloo ka mid ah sidii diiradda loo saari
lahaa arrimaha ay ka midka yihiin dhex dheexadin taageero loo fidiyo dadaalka
dib u heshiisiinta dawladda ee mudnaanta leh ee ugu muhiimsan sida is bedel lagu
sameeyo laguna dhisayo Hay’adaha Soomaaliya ee Amniga iyo Garsoorka iyagoo la
siinayo talooyin Farsamo.
Xoghayaha guud ee Qaramada Midoobay ayaa 29kii Bishii abril ee Sanadkan Nicholas
Kay oo u dhashay Boqortooyada ingiriiska oo ah Dibulumaasi Waaya aragnimo u leh
Afrika u magacaabay inuu noqdo Ergeygiisa gaarka ah ee Soomaaliya iyo Madaxa
UNSOM kaasoo Hoggaamin doona isku xirka hawlaha Qaramada Midoobay.
Ka sokow Magaalada Muqdisho waxaa Xafiiskan UNSOM laga furayaa Magaalooyinka
Baydhaba iyo Hargaysa iyo Garoowe iyadoo Mustqbalkana lagu fidin doono
Magaalooyinka waa weyn ee Soomaaliya hadii lahelo Amaan la isku haleyn karo.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | June 2, 2013
| 
Daabaco
Boggan | Print
