Daabaco Boggan | Print

Hayadda HARO oo Degmada Wadajir ka Qaybisey Deeq ay soo Dhiibeen Walaalaha Soomaaliyeed ee Waqooyiga Ameerika

Hayadda Humanitarian Afrikan Relief Organization (HARO) oo inta badan Gacansiisa Dadka tabaaleysan ayaa waxaa Horaantii Bisha Ramadaan Ka bilowdey qaar ka mid ah Gobolada Soomaaliya Mashruuc ay ugu Magacdartey Afurinta Dadka Masaakiinta ah ee aan heli Karin wax ay ku afuraan , wuxuuna ahaa Mashuuraacan mid ay horey ay Hayadda u sameyn jirtey marka la gaaro Bisha Ramadaan.

Iyadoo ka Duuleysa Hayadda HARO Aragtidaas ay hore u qaadatay waxay Mashuucaas ka fulisey Bisha Ramadaan qaybo ka mid Magaalada Muqdisho waxay DegmadaWadajir ee oo ka mid ah Degmooyinka Gobolka Banaadir ka qaybisey Raashin noocoyo kala duwan kuwaas oo isugu jirey Bur , Bariis , Sonkor , Saliid iyo Timir , waxaana Mashuurcaas ka faaideystey Qoysas aad u fara badan kuwaas oo ku jira Xerooyin Barakacayaal ah oo ku yaal Magaalada Muqdisho .

Intii ay socotey Qaybinta Deeqadaas Gargaarka ah ayaa waxaa Kormeerayey Xubno ka socdey Hayadda HARO kuwaa oo u kuurgalayey sida loo qaybinayo Deeqdaas , sidoo kale waxay eegayeen in Deeqadaas ay gaartey dadkii loogu talagaley ee aadka u tabaaleysnaa kuwas oo laga soo ururiyey Xerooyin Barakacayaal ah oo ku yaal Degamada Wadajir

Masuuliyiin ka tirsan Hayada oo Saxaafada ku la hadlayey halkii laga qaybinayey Deeqdaas ayaa waxay sheegeen in Deeqdaas ay ka timid Walaalaha Muslimiinta ee Soomaalida ah kuna Nool Waqooyiga Ameerika kuwaas ay sheegeen in ay ugu Talagaleen in dadka Soomaaliyeed ay ku Afuraan inta lagu Guda jiro Bisha Barakeysan ee Ramadaan , sidoo kale waxay sheegeen in aysan Deeqadaan ahayn Deeqdii ugu horeysey ee ka timid Walaalaha Maslimiinta Soomaaliyeed ee Waqooyiga Ameerika.

Dadkii loo qaybiyey Deeqdaas ayaa waxay ugu Mahadceliyeen Walaalahooda Soomaaliyeed ee ku Nool Waqooyiga Ameerika waxayna kula dardaarmeen in ay halkaa ka sii wadaan gacantii iyo Caawinaada ay siinayaan Walaalhooda Soomaaliyeed ee ay isug Darsameen Colaadaha, Abaaraha iyo Cudurada waxayna Deeqdaas Qaybinteeda ku Dhamaantey Sidii loogu talagalely.

W/D Amiin Yuusuf Khasaaro

E-Mail amiinkhasaaro@hotmail.co.uk

E-Mail amiinkhasaaro@yahoo.co.uk

Faafin: SomaliTalk.com | July 28, 2013

Kulaabo bogga www.SomaliTalk.com © www.SomaliTalk.com