Cali Khaliif Galayr, Cali Maxamed Geeddi iyo Cumar Cabdirashiid oo Beeniyay
in ay Inqilaabayaan Dowladda Xasan Shiikh
 Wararka
ka imaanaya Magaalada Nairobi ee Dalka Kenya ayaa sheegaya in Habeenkii Xalay
ahaa Munaasibad Afur ah oo ay ka qayb galeen Siyaasiin Soomaali ah iyo kuwo kale
ay ka dhacday Magaaladaas.Munaasibaddaas Afurka ah oo ay ka soo qayb galeen Rag
hore Ra’iiusl Wasaarayaal uga soo noqday Xukuumadihii ku meel gaarka Soomaaliya
ayaa ahayd mid sidoo kale ay ku sugnaayeen siyaasiin kale oo qaarkood Ajaaniib
ahaa.
Cali Khaliif Galayr, Cali Maxamed Geeddi iyo Cumar Cabdirashiid oo Sedaxdoodaba
hore Ra’iisul Wasaarayaal uga soo noqday Xukuumadihii ku meel gaarka Soomaaliya
ayaa ugu caansanaa Siyaasiinta dhinaca Soomaalida.Munaasibaddaas Afurka kaddib
ayaa Waraysi ay siyaasiinta qaarkood Warbaahinta ayay kaga hadleen fikirkooda
iyo aragtida ay ka qabaan Xukuumadda Federaalka Soomaaliya.
Dr Cali Khaliif Galayr oo markii u horeeyay hadlay ayaa sheegay inaysan jirin
wax Afgembi ah oo uu la damacsan yahay Xukuumadda Federaalka Soomaaliya ruuxii
cabsidaasi ay ku jirtana uu Niyaddiisa ka saaro
Cali Maxamed Geeddi oo isaguna markiisa hadalka qaatay ayaa si cad u beeniyay
warar Beryahan dambe Saxaafadda ay wad waday kaasoo ahaa in Siyaasiin uu ka mid
yahay ay Abaabulayaan Inqilaab ay xilka kaga qaadayaan Xukuumadda Federaalka
Soomaaliya ee uu Hogaamiyo Xasan Shiikh.
Su’aal la weydiiyay Geedi oo ahayd Dhaliisha ay u hayaan Xukuumadda uu
hoggaamiyo Xasan Shiikh Maxamuud ayuu sheegay inuusan jeclayn inuu hor dhaco
balse ay sugayaan inta ay u dhamaanayso Muddo hal Sana ah.Dr Cali Khaliif Galeyr
oo wax laga weydiiyay Damaciisa Siyaasadeed iyo inuu Xilka mar kale isu soo
taagayo sanadka 2016ka ayuu sheegay in Siyaasadda aan laga bixin isagoona ku
gaabsaday in Ilaaheey Caafimaad ku gaarsiiyo.
Si kastaba Siyaasiintan ayaa si Cad u beeniyay wararkii la isla dhex maray
khaasatan Dr Cali Maxamed Geeddi oo soo hadal qaaday kulan uu Shiikh Shariif
kula yeeshay magaalada kanbala ee dalka Ugandha oo uu sheegay inuu Xor yahay
Muwaadin Soomaaliyeedna uu yahay isla markaana uusan Xabsi Guri ku jirin halka
uu doonana uu tegi lana shiri karo ciddii uu doonayo.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | July 16, 2013
|
Daabaco
Boggan | Print
