Col. Barre Hiiraale oo Sheegay in Isaga iyo Shabaab ay Hal Cadow Wada
leeyihiin.
Barre
Aadan Shire oo ka mid ahaa Raggii Sheeganayay Madaxweyninimada Maamulka
Jubbaland oo Saxaafadda qaarkeed la hadlay ayaa sheegay in xiligan uu ku sugan
yahay Duleedka Magaalada kismaayo waliba qiyaas Magaalada u jirta Illaa Shan
Kiilo Mitir. Barre Hiiraale ayaa intaa ku daray in halkaas uu ka wado abaabul
Ciidan dhawaana uu doonayo in maadaama Magaalada Kismaayo Dagaal looga soo
saaray inuu isaguna Dagaal ku qabsado.
Col. Barre Hiiraale ayaa ku Eedeeyay Ciidamada Kenya in ay Garabsiinayaan kuwa
Axmed Madoobe in ay dagaal kaga soo saareen Magaalada Kismaayo sidaa drteedna uu
haatan isu diyaarinayo sidii dib ugu noqon lahaa Magaalada Kismaayo isla
markaana meesha uu uga saari lahaa Ciidamada Kenya iyo kuwa Axmed Madoobe
Hoggaamiyahan ayaa ka hadlay in Degaanada uu iminka abaabulka ka wado in ay ka
arrimiyaan Dagaalyahanada Xarakada Shabaab isagoona hoosta ka xarriiqay in isaga
iyo Xarakada Shabaab ay leeyihiin Hal Cadow oo ah kuwii ka soo saaray
MagaaladaKismaayo.
Barre Aadan Shire ayaa ku hanjabay inuusan joojin doonin Dagaalka uu doonayo
inuu ku gaaro Magaalada kismaayo isagoo dhanka kalena xusay in Xarakada Shabaab
iyo Ciidankiisu aysan u dhaxayn xiligan wax dhibaata ah. Barre Hiiraale ayaa
Ciidamada Kenya ku Eedeeyay in Raggii kale ee isku Fikirka ahaayeen ay ka
Masaafurisey Magaalada Kismaayo taasina ay muujinayso sida Xukuumadda Kenya ay
ula safatay mid ka mid ah dhinacyadii ku Dagaalamayay Magaalada Kismaayo.
Si kastaba Barre Hiiraale iyo Ciidamo uu wato ayaa dhawaan laga saaray Magaalada
Kismaayo ka gadaal markii dagaal soconayay muddo Seddax Maalmood ah uu ka dhacay
Gudaha Magaaladaasi.sidoo kale Sannadkii 2012 ayaa waxaa Ciidamada Kenya
Magaalada Kismaayo ka saareen Ciidamadii Xarakada Al-Shabaab dagaal qaatey muddo
Sannad ah.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | July 5, 2013
|