“ Waxaan Rabaa Inaan Kuu Sheego, Garsoorka Waligiis Ma Soo marin 4.5 iyo
3.5…” Gudoomiyaha Maxkamadda Gobolka Bannaadir Avv. Xaashi Cilmi Nuur oo Wareysi
Xasaasi Ah Siiyey Somalitalk (26/6/2013 - Jabuuti)
Gudoomiyaha Maxkamadda Gobolka Bannaadir Avv. Xaashi Cilmi Nuur oo wareysi gaar
oo dhinacyo kala duwan taabanaya siiyey somalitalk mar uu transit ku ahaa dalka
Jabuuti isagoo ku sii jeedey dalka Faransiiska ayaa waxaa uu ka Hadley u
jeedadda safarkiisa, waxa ay soomaaliya ka faa’ideyso siminaar dhinaca garsoorka
ah oo lagu qabtey dalka Faransiiska islamarkaana looga hadlayey shuruuc ku
saabsan lacagaha la is-daba marsiiyo, daroogadda, lacagaha laga helo daroogada
iyo burcad badeeda.
 Ayaa waxaan kaloo wax ka weydiiyey Garsoor 4.5, lagu soo xuley xukunka uu fuliyo
sida ansax ku noqon karo, garsoorka maamul goboleedyada Puntland iyo maamulka
Somaliland shaqada ay hayaan waxa ay yihiin, xukunadda ay fuliyaan ma yihiin
kuwo garsoorka sare ee dowladda federaalka soomaaliya la socota, maraakiibta
shisheeye ee ka buuxa badda Soomaaliya sharciga ay ku joogaan iyo dilalka
wariyayaasha, shekh-siyaadka muhiimka ah, islamarkaana aan wali loo soo qaban
hal ruux iyo su’aalo kale oo muhiim ah.
“Waxaan u socdaa siminaar khuseeya garsoorka soomaaliya oo lagu qabanayo dalka
faransiiska, wuxuuna socon doonaa 8-maalmood, waxaana ka soo qaybgalaya
garsoorka soomaaliya qaybihiisa kala duwan sida xubno ka kala socda Muqdisho,
Garoowe iyo xubno kale oo ka imaan lahaa Hargeysa oo arrimo farsamo ay u
baaqdeen, Aduunka waxaa ku soo kordhey dembiyo aan hore loo aqoon oo cusub oo
waaweyn sida wax is-dabamarsiinta, mukhaadaraadka, burcad badeeda ” Ayuu tiri
xaashi.
Maamuladda ka jira dalka soomaaliya intooda badan waxa ay fuliyaan xukuno, ma
yihiin kuwo garsoorka sare ee dowladda federaalka soomaaliya la socota ayaan
weydiiyey waxaa uuna ku jawaabey “wax kasta oo bani’aadam aduunka joogo, lama
oran karo boqolkiiba boqol waa sax, laakiin go’aanadaas ay fulinayaan iyo
xukunadaas ay sameynayaan waa kuwo sharci ku dhisan oo qaanuuni ah oo kuwii
goboladda iyo wadanka uu lahaan jirey ah, wax-yaabaha dal daloolada ah ee ka
jira soomaaliya meel kasta saameyn ayey ku yeelanayaan, laakiin ilaa iyo xad waa
xukuno sharci ku dhisan oo ay fulinayaan”.
Waxaa kale oo aan weydiiyey sidey sharci ku noqonayaan haddii dowladii
federaalka ahayd aysan la socon oo aysan ka amar qaadaneyn, Wuxuuna ku jawaabey
“ waxa jira ee qaanuunka ah iyo wixii mukhaalafo ah waa kala duwan yihiin, dalka
soomaaliya waa soomaaliya, qaanuun ayuu leeyahay, sharci ayuu leeyahay, dhamaan
shuruucdaas wixii lagu fuliyo waa qaanuuni”.
Maxaad is-dhaantaan maamulada kale ee dalka ka jira, mar haddii uusan jirin kala
sareyn, sow laba dowladood oo magacii soomaaliya ka socoto oo kale ma ahan,
Ayaan weydiiyey “maya addiga haddii aad raadineyso dowlado hal ka badan, anniga
ma ogi, laakiin waxaan ogahay hal dowlad oo qaanuunkeeda iyo sharcigeeda leh oo
soomaaliya la yiraahdo keliya ayaan ogahay”
Garsoor 4.5, lagu soo xuley sidee xukunka uu fuliyo ansax ku noqon karaa, ayaan
weydiiyey Gudoomiyaha, waxaa uuna ku jawaabey “ waxaan rabaa inaan kuu sheego,
garsoorka waligiis ma soomarin 4.5 iyo 3.5, waxaa weeyaan, hay’adaha kale sida
baarlamaanka iyo xukuumadda weeyaan, laakiin garsoorka waa professional, waxaa
weeyaan shaqadaas qofkii qaban karto oo aqoon u leh ayaa la xushaa, Annagu waan
ka nabad qabnaa haddaanu nahay bahda garsoorka, mana buuxin karo qof
professional ah shaqadiisa qof kale ma buuxin karo, shaqada aan qabano waa shaqo
hal koox ay taqaano cid kalena sooma faragashan karto”.
Wareysiga Oo Dhameystiran Halkan Ka Daawo.
Maxamed Macallin Cismaan (All-man) Somalitalk Jabuuti.
fatxumaalik@hotmail.com
Faafin: SomaliTalk.com | July 1, 2013
|
Daabaco
Boggan | Print
