Daabaco Boggan | Print

Shiikh Cabdulaahi Sagal “ Weligey ma Noqon Shiico Mana Noqon Doono,Shiikhii igu Tilmaamey waxaan ka Rabaa Caddeyn Buuxda “

Shiikh Axmed Xuseen “Shiikh Cabdulaahi Sagal waa Shiikh aan Aqoon Durugsan u leeyahay Warka laga sheegey waa mid aan Sal iyo Raad lahayn”

Waxaa Waqtiyadaan dambe Shacabka Soomaaliyeed ay Hadal Hayeen in Xarumo lagu Faafiyo Mad-Habta Shiicada laga furey Magaalada Muqdisho waxaana Warkaan uu ka soo yeerey Mid ka mid ah Culimada Soomaaliyeed ee Fadhigiisu yahay Magaalada Nairobi ee Dalka Kenya oo lagu Magacaabo Shiikh Maxamed Cabdi Umal, islamrkaana Sheegey in Ardey fara badan loo Diro Xarumahaasi si ay u Bartaan Mad-Habta Shiicada waxaana uu Shiikhu Farta ku fiiqey in arrintaan uu Hormuud u yahay mid ka mid Culimada Casharada Diiniga ah ka Bixiya Talefishinka Qaranka Soomaaliya waxaana uu Shiikh Umal Sheegey in arrintani ay Cawaaqib keeni hadaan loo Guntan in laga hortago .

Shiikh Cabdulaahi Sagal oo ah Shiikha lagu Sheegey in uu Hormuud uu ka yahay dadka qaatey Mad-Habta Shiicada oo isaga Naf Ahaantiisa nagala Soo Xiirey Magaalada London ee Dalka Ingiriiska oo uu haatan ku sugan yahay ayaa si Kulul u beeniyey Warka soo yeerey Shiikh Maxamed Cabdi Umal oo ka mida ah Culimada Soomaaliyeed kaasoo sheegey in Muqdisho ay ku yaalaan Xarumo lagu faafiyo Mad-Habta Shiicada waxaana uu Shiikh Sagal uu sheegey in uusan weligiis noqon kana mid Noqon doonin Dadka qaata ama ku Qanaca Mad-Habta Shiicada oo ay haystaan Dad Badan oo ku Nool qaar ka mid ah Dunida Muslimka,

“Shiikh Umal Isku Jaamacad baanu ahayn arrintaan markii ay ka soo yeertey Bishii Juun 14 –keeda 2013 ayaa la Xiriirey Shiikh Umal waxaana ku iri “Waxaan kaa doonayaa Shiikhow Caddeyn buuxda,markii aan ka waayey Caddeyntaas ayaa waxaan Go’aansadey in arrintaan u soo Badhigo Shacabka Soomaaliyeed iyo Warbaahinta, si aan u Cadeeyo in aan ahayn Shiico”ayuu yiri Shiikh Cabdulaahi Muxumed Sagal

waxaa kale oo nala soo Xiriirey Shiikh Axmed Xuseen oo ku sugan Magaalada London ee Cariga Ingiriiska isla Markaana sheegey in uu Aqoon Durugsan u leeyahay Shiikh Cabdulaahi Sagal oo lagu Tilmaamey in uu qaatey Mad-Habta Shiicada , waxaana uu sheegey in Warka laga faafiyey Shiikha uu yahay mid aan Sal iyo Raad toona lahayn islamarkaana Warkaasi uu u Muuqdo mid la doonayo in lagu hor istaago Dacwada uu Shiikha ka wado Talefishinka Qaranka Soomaaliya.

“Waa Shiikh aan wax badan ka Aqaanno gaar ahaan Aqoontiisa Dhinaca Diinta marka waxaan aad ula yaabey in maanta lagu Tilmaamo in uu yahay nin Shiico ah, sidaa darteed dadkii uu ka soo yeerey Warkaas waxaa looga baahan yahay iney la yimaadaan Caddeyn Buuxda “ayuu yiri Shiikh Axmed Xuseen oo intaa ku darey “ Waa Xadgudub aad u weyn oo meel looga Dhacayo Sharafta Shiikh Cabdulaahi Muxumed Sagal, waana Dacaayad Raqiis ah oo ay faafinayaan dad Doonaya in ay iska Hor keeneen Shacabka iyo Culimada Soomaaliyeed ee Har iyo Habeen u taagan Dacwada fidinta Diinta Islaamka “

Sidoo kale Maxamed Cabdi oo ka mid ah Howlwadeenada Wasaarada Warfaafinta ayaa sheegey in uu aad ula yaabey in Shiikh Cabdulaahi Sagal laguTilmaamo in uu yahay nin Shiico ah, wuxuuna intaa ku darey in uuna Cambaareynayo Shiikh Maxamed Cabdi Umal oo uu sheegey in uu Warkaan ka soo yeerey isagoo ku Sifeeyey Shiikh Cabdulaahi Sagal in uu Qaybka qaatey faafinta Diinta Islaamka taasoo ay si aad uga Dheregsan yihiin qaar ka mid ah Ummada Soomaaliyeed kuwaas Casharada Diinta si aad uga Dhageysta ama uga Daawada Talefishinka Qaranka

Arinta Shiiceynta la Xiriirta waxay u Muuqtaa mid Culimada Soomaaliyeed khilaaf hor leh ka Dhex Abuureysa oo aan Hore loo arag waxayna Dad badan ku Abuureysa Walaac Dhinaca Diinta ah maadaama ay Soomaalida oo Dhami yihiin dad haysta Hal Mad -Hab oo Sunni ah waxaana arrin yaab leh Noqoneysa Soomaalida oo Waqtiyadaan dambe uu ka dhex jrey Khilaaf Xoogan oo Dhinaca Diinta ah ayaa tani waxay Bog Cusub u Fureysaa sii kala Fogaanshaha Dhexdooda ah iyadoo Culimo kala Hogaamineyso.

W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk

Faafin: SomaliTalk.com | Aug 27, 2013

Kulaabo bogga www.SomaliTalk.com © www.SomaliTalk.com