Daabaco Boggan | Print

Machadka Somali Computer Institute (SOCOMIN) ee Barashada Computerka oo ay ka Qalin Jabiyeen Dafcadii 38 aad

Waxaa Hotelka Muqdisho ee Magaalada Muqdisho lagu qabtey Xaflad si Heer sare ah loo so Agaasimey kuna saabsaneyd Qalin jabinta Dafcadii 38 aad oo gaareysa 130 Ardey kuwaas oo Machadka SOCOMIN ka Bartey Casharo la xiriira Dhinaca Computerka ,waxaana ka qayb galey Masuuliin ka tirsan Shirkadaha Isgaariisnta , Maamulka Dugsiga Indhoolayaasha ee Al-Nuur Macalimiinta wax ka dhiga Machadkaas , Waalidiin, iyo Ardeyda Wax ka barta Machadkaas iyo Marti Sharaf kale.

Ugu Horeyn wax halkaas ka hadley Maamulaha Guud ee Machadkaas Nuur Xaashi Muumin , waxaana uu si aad ah ugu Dheeraadey Mar Xaladihii uu soo marey Machadkaas, isagoo sheegey in Machadka ay ka Qalin Jabiyeen Ardey fara badan oo qaarkood maanta Dhameystey Jaamacadaha Dalka Gudihiisa iyo Dibadiisa waxaa uu intaa uu ku darey.

“Machadka in uu Muddo dheer soo jirey Waxaa kuu Cadeynaya Dafcadii 38 aad ee maanta ka qalin jabinneysa taasoo ku tusineysa in Machadka muddo dheer uu soo Shaqeynayey ayna ka Qalin jabiyeen Ardey aad u fara badan kuwaa oo qaarkood Macalimiin Dhinaca Computeka wax ka dhiga Jaamcadaha iyo Dugsiyada lagu Barto Cilmiga”

Maamulaha Machadka SOCOMIN ayaa waxaa uu kula Dardaarmey Ardeydii ka Qalin jabisey Machadka in ay halkaas ka sii wadaan Waxbarashooda si ay meel sare uga gaaraan sidoo kale waxaa uu u soo jeediey inAqoontii ay halkaas ka Kororsadeen uga Faaideeyaan Dadka kale ee aan Fursada u helin in ay Wax Bartaan iyo kuwa kale ee Shaqooyinka ku Mashquuley.

Masuuliyiintii ka soctey Shirkadaha Isgaarsiinta ee halkaas ka Hadley ayaa si aad u soo dhaweeyey sida uu Machadka uu uga dhex Muuqdo Dhinaca Waxbarashada gaar ahaan Dhinaca Computerka , sidoo kale waxa ay u soo jeediyeen Maamulka Machadka in ay sii laba laabaan Howlahoda ku aadan Dhinaca Waxbarashada maadaama Xiligaan Aaladda wax lagu Bato ay tahay Cilmiga Computer taasoo Bulshada u Fududeyneysa in uu si sahal ah u Barto Cilmiyada Kale.

Machadka Somali Computer Institute (SOCOMIN waxaa Dhidibada loo Aasey Sanadihii Sagaashameeydii waaana Mudadaas dheer ee uu jirey Machadka waxa ka Qalain jabiyey Ardey aad u fadar badan , waxaana Machadka uu jirey uu ku soo Shaqeeyey Marxalado aad u adag Maamulkana Machadka uusan marnaba u istaagin Waxbarashadiisa taasoo lagu tilmaami karo in ay u Dhabar Adeegaan in Ardeyda wax ka Barata Machadkaas aysan ka Istaagin Waxbarashadooda , waxaana Dhamaan Ardeydii Dafcadii 38-aad la Gudoonsiiyey Shahaadooyinkoodii ay muddo u soo samrayeen, waxaana Ardeydii Qalin Jabisey , Maamulka , Macalimiinta iyo Shaqaalaha SOCOMIN halkaan Hambalyo uga Diraya Weriye Cabdinaasir Xirsi Iidle oo ka mid ahaa Dafcadii 2aad ee ka Qalin jabisey Machadkaas

W/D Amiin Yuusuf Khasaaro

E-Mail amiinkhasaaro@hotmail.co.uk

E-Mail amiinkhasaaro@yahoo.co.uk

Faafin: SomaliTalk.com | Aug 24, 2013

Kulaabo bogga www.SomaliTalk.com © www.SomaliTalk.com