Ururka Bisha Cas ee Iran oo Howlo Samafal ka Fuliyey intii lagu Guda jirey
Bishii Barakeysneyd ee Ramadaan
Markii ay dalka uu ka Dilaacdey Abaartii 2011 ayaa waxaa Dalka Soomaaliya u soo
Gurmad Hayado fara badan iyo qaar ka mdi ah Wadamada Caalamka , waxaana Hayadihi
u soo Gurmadey ka mid ahaa Ururka Bisha Cas ee Iiraan , waxayna Guud ahaan dalka
oo dhan ka sameyeen Barnaamijyo Samafal oo dadka Abaaraha loogu Gargaarayo
kuwaas oo isugu jirey Qaybinta Noocyo kala duwan oo Raashin ah oo ay siineysey
Dadka Barakacayaasha ee ku Jira Xerayaha , Agoonta , iyo Dad iyagana Tabaaleysan
, sidoo kale waxay Fureen Xarumo Dadka lagu Quudiyo, iyo Xarumo Caafimaad oo
lagu Daweeyo Haweenka iyo Caruurta.
Intii lagu Guda jirey Bishii Ramadaan ee Barakeysaneyd ayaa Ururka Bisha Cas ee
Iraan waxaa Magaalada Muqdisho, iyo qaar ka mid Gobolada ka bilaabey Howlo
Samafal oo loogu Gargaarayo Dadka aan Haysan wax ay ku Afuraan kuwaas oo Ururka
Bisha Cas ee Iiraan u fidiyey Garagaar aad u balaaran , waxaana Dadka la siiyey
Gargaarkaas ay isugu Jireen dad ku jira Xerooyinka Barakacayaasha, Agoon,
Isbitaalka Martini iyo dad kale oo Dhibaateysan
Ururka Bisha Cas ee Iiraan ayaa intii lagu Guda jirey Bishii Barakeysneyd ee
Ramadaan waxay Qaybiyeen Raashin isugu jirey Bariis iyo Kaluun , waxaana ka mid
ahaa Goobihii ay ka qaybiyeen Gargaarkaas Balaaran Naafada Xoogga Dalka ee
Isbitaalka Martiini , Xarumo Ogoon oo ku yaal Magaalada Muqdisho, Xerooyin
Barakacayaal ah ku yaal Gobolka Banaadir , iyo Gobolka Shabeelada Hoose gaar
ahaan Magaalada Afgooye .
Dadka ka Faaideystey Gargaarkaas ay Bixisey Ururka Bisha Cas ee Iraan intii lagu
Guda jirey Bisha Barakeysan ee Ramadaan waxay gaarayaan Kun iyo Afar Boqol oo
Qoys ( 1400 Qoys ) Dadkaas oo ahaa Dad aad ugu dhibaaateysnaa si aad ahna ugu
Baahnaa Gargaarkaas maadaama Bisha ay ahayd Bishii Barakeysaneyd ee Ramadaan,
waxayna Dadkii la siiyey Gargaargaas ay si aad ah ugu Mahadceliyeen Ururka Bisha
Cas ee Iran (IRCS ), waxayna u soo jeediyeen Ururkaas in ay halkaas ka sii
wadaan Gacansiinta Walaahooda Soomaaliyeed ee ay isugu Darsameen Abaaraha,
Colaadaha iyo Cudurada.
Ururka Bisha Cas ee Iran waxaa lagu Tiriyaa Hayadaha fara ku Tiriska ah ee sida
weyn ugu soo Gurmadey Shacabka Soomaaliyeed Xili ay ku jreen Abaar aad u
daran,waxayna Masuuliyiinta Ururka Bisha Cas ee Iiran ay noo sheegeen in
Soomaaliya u joogaan sidii ay u Caawini lahaayeen Walaalahooda Soomaaliyeed ee
ha noqoto Dhinaca Caafimaadka ,Daryeelka Agoonta , u Gargaarida Dadka ku jira
Xeryaha Barakacayaasha kuwaas oo ku kala Sugan Guud ahaan Dalka
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | Aug 13, 2013
|