Hooyo Amran oo Sheegtey in Ciidamo ku Labisan Dareyska Dowladda ay Xoog ku
Kaxaysteen, islamarkaana lageeyey oo lagu Kufsadey Xero ay Degen yihiin Ciidamada
AMISOM
(Dhacdo Xanuun Badan)
Hooyo leh Afar Caruur oo mid ay Nuujineyso Magaceeda ku sheegtey Amran ayaa
iyadoo oo Miyir La’ waxaa la keeney Isbitaalka Xayaad ee Magaalada Muqdisho ka
dib markii Ciidamo ku labisan Dareyska Ciidamada oo ku sugnaa Agagaarka
Isbitaalka SOS ay Joojiyeen maalinkii Koowaad ee Ciidul Fidriga markii lagu
Amrey in ay qaado Niqaabka ama Indha Shareerka , markii ay iska qaadey ayaa lagu
yiri waxaa laguu qabaa Dacwad ee waa in aad Ciidamadaan raacdaa,hase yeeshee
Amran waa ay diidey , waxaana Xoog lagu saarey Gaari oo ay sheegety in markiii
la saarayey Indhaha laga Xirey si aysan u ogaan halka loo wado.
Amran oo markii Talefishinka SOMALI-CHANNEL uu Wareysanayey ay ilmo mararka qaar
ka soo daadaneysey , waxaana Xiligaas la Wareysanayey ag fadhiyey Walaasheed oo
iyana ka Muuqatey Walwal iyo Walbahaar , waxayna amran sheegtey , in markii
Gaariga laga soo dejiyey iyadoo indha ka xiran lagu tuurey qolkii , ka dibna
waxay sheegtey in Cirbad lagu dhuftey taasoo sababtey in ay Miyir Doorsoonto.
Hooyo Amran ayaa waxay intii ay Suuxsaneyd lagula kacay Fal Kufsi oo marka ay
soo Naaxdaba hadana lagu dhufanayey Cirbad kale ,iyadoo Daboolka ka qaadey in
Ciidamo ku Labisan Dareyska Ciidamada iyo kuwa Amisom ay kula kaceen Fal Kufsi
iyo Faraxumeyn , waxayna Amran ay reekeeda ka maqneyd maalinkii Ciida ee
Khamiista iyo maalinkii Jimcaha , waxayna Eheledeeda Sheegeen in Galabnimadii
Jimcaha lagu soo tuurey halkii laga Afduubey ee Degaanka SOS halkaas oo la
sheegey in ay Degenayaaen Ciidamada Dowladda ,waxayna Qiyaas ku bixiyeen Ehelada
Amran in halka la geeyey ee lagu fara Xumeeyey Gabadhooda ay ahayd Xerada Maslax
oo Degen yihiin Ciidamada Amisom.
Amran iyo Walaasheed
Hooyo Amran ayaa Dhaqtarkii baarayey waxaa uu sheegey in si Khasab ah lagu
Faraxumeeyey,waxaa Xiligaas lagu dhameeyey Dhowr faleebo oo dib u soo Celiya
Awoodeedii ,waxayna Ehelada Gabadhaas ay ka Codsadeen Dowladda Federaalka in la
baaro Kiiskaas Anxandarada ah sidoo kale waxay ka Codsadeen Hayadaha Xaquuqda
Aadanaha in ay Gacan ka geystaan Dhibka loo geystey Gabadhooda
Amran oo jiiftay cisbitaalak Xayaad
Cabdirisaaq Jaamac Cilmi (Black) oo ka mid ah Madaxda Telefihinka Somali
–Channel oo ka mid ahaa Wariyayaashii Wareystey Gabadhaas markii ay ku Sugneyd
Isbitaalka Xayaat ayaa ii sheegey in uu cadeymo Buuxa uu ka heysto Dhaqatarkii
Baarey Gabadhataas oo sheegey in si Khasab ah loo Furaxumeeyey laguna Kufsadey ,
sidoo kale waxaa uu sheegey Dhaqatarku in markii loo keenayey Hooyo Amran ay
ahayd qof Miyir la’ oo aan waxba kala garaneyn .
Dowlada Federaalka iyo Ciidamada AMISOM ayaa weli ka Hadal Eedeymahaan loo soo
jeediyey ,sidoo kale waxaan isku daneyney in aan raadino Dhinacyadaas balse waa
ay nagu adkaatey iyadoo Falalka Kufsiga uu Waqtiyadaan dambe uu ku soo badanayey
Magaalada Muqdisho , waxaa Bishii hore Hooyo la damacay in la Kufsado ay
Xoogeeda Isaga dhicisey Ninkii damcay in uu kufsado balse Dhaawac uu ka soo
gaarey oo haatan u jiifta mid ka mid ah Isbitaalada Muqdisho
 Falkaan Naxariisdarada ah waxaa
uu imaanayaa in sidoo kale Maalintii labaad Ciida Gabar Soomaaliyeed ay Kooxo
Gaari Madow ah wata islamarkaana Hubeysan ay Xoog ku ka xeysteen Xili ay
mareysey Xaafadda Wadajir ee Gobolka Banaadir waxayna Gabadhaas iyadoo Miyir la’
oo aan hadli Karin dib loogu soo celiyey Gurigeeda taasoo welwel iyo Murugo ku
abuurtey Waalidkii Dhaley Gabadhaas
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | Aug 11, 2013
| 
Daabaco
Boggan | Print
