SOMALITALK.COM
w w w . S o m a l i T a l k . c o m
SOMALITALK - WARBIXIN

Dr. Cabdiraxmaan Daqare Oo Fariin u Diraya Dowladda Dhexe Iyo Maamul Goboleedyada Dalka

C/raxmaan C/laahi Dhubad (Daqare) oo ka tirsanaa Bulshada Rayidka ah kana mid ahaa Xubnihii Bulshada Rayidka ahaa ee ka qeyb galay Road Mapkii Dalka looga saaray KMG ee Garoowe 1 iyo Garoowe 2 , kana tirsanaa Golihii Ansaxinta Dastuurta, horayna uga mid ahaan jiray Xildhibaanaddii Golaha Deegaanka G/Banaadir , ayaa fariin u diray Madaxweynaha iyo Maamul Gonoleedyada Dalka iyo Shirweynaha Midowga Yurub iyo Soomaaliya ee dhawaan uga furmi doona Brussels kaas oo lagu magacaabay New Deal .Xiriirka cusub ee yurub iyo Somaliya.

Sida ku qoran Cutubka 5 aad ee Dastuurka KMG ee hada jira Qodobkiisa 48aad wuxuu sheegayaa in qaab Dhismeedka Dowladda Federaalka ah ee Soomaaliya uu yahay 3 Qaybood oo Nidam Dowladeeed ah Dowladd Dhexe , Dowlad Goboleed iyo D/Hoose .

Waa muhim dastuuri ah in la dhamaystiro dhismahaas Dowladeed ee Dalku leeyahay si deg deg ah

Sidaas darteed waxaan Madaxda Dowladda Dhexe ee Somalia Madaxtooyada Baarlamaanka iyo Golaha Wasiirada, Dowlad Goboleedyada iyo dhamaan Shacab weynaha Soomaaliyeed u soo jeedinayaa in Shirweynaha Soomaaliya iyo Midowga Yurub la horgeeyo Qorshe cusub kaas oo ah, in Soomaaliya laga caawiyo Dhismaha Maamul Goboleedyada Dalka iyo Dhismaha Maamulka Caasimadda ee Muqdisho,si horumar deg deg ah loo gaaro mudo kooban

Waxaan ula jeedaa in si cad loo qeexo loo soo Bandhigo Siyaasada Arimaha Guddaha iyo Qaab Dhismeedka Tirada Maamul Goboleedyada Soomaaliya, si loo fahmo meesha aan ka nimid iyo meesha aan u socono,loogana baxo jawiga Cakirnan ee hada jira gaar ahaan 10,Gobal ee Koonfureed ee burburku sida wayn u saameyay marka laga reebo Somaliland iyo Puntland, Tusaale inay qaabkaan noqdaan Maamul Goboleedyadu Soomaaliyeed.

  • 1-Dowladda Goboleed Somaliland
  • 2-Dowladd Goboleedka Puntland
  • 3.-Dowladda Goboleedka Gobolada Dhexe Galgaduu,Hiiraan iyo Sh/Dhexe .
  • 4. Dowladda Goboleedka Baay Bakool iyo Sh/Hoose
  • 5. Dowladd Goboleedka Jubbaland
  • 6. Maamulka Caasimadda Muqdisho G/Banaadir Xarunta Dowladda Dhexe .

Qorshahaan waa qaabka ugu wanaagsan ee isku raaci karaan Maamul Goboleedyada Dalka 2 Gobol iyo wixii ka badan , sida uu qabo Dastuurka hada jira.

Hadii aad si fiican u fiiriso qorshahaan ma jiro qof Qoys ama Qabiil ay Faa’ida gaar ah ugu jirto , sidoo kale ma jirto qof Qoys ama Qabiil ay Qatar gaar ah ku tahay, dhamaan Muwaadiniinta soomaaliyeed way wada deganyihiin 5 Maamul Goboleed iyo Caasimadda Muqdisho .

Waxaa Waajib ah in Dagaal Culus lagu qaado Jeermiska Dhaliya Qabiilka, kaas oo horay u burburiyay Qaranka , hadana la baxay hal ku dhigyo cusub sida u dhashay iyo ku dhashay , hadii aan sanamkaas qabyaalada ah aan dagaal culus lagu qaadin ma heli doono qaran .

Waxaan soo jeedinayaa in 6 Bilood Gudahood lagu dhaqan geliyo qorshahaas samaynta Maamul Goboleedyada , sidoo kale waxaan soo jeedinayaa in la horgeeyo Saaxibadda Soomaaliya, loona Codsado Qorshahaan Marshal Plan la mid ah Tii Maraykanka uu ku Badbaadiyay Yurub.

Sidoo kale waxaan soo jeedinayaa Madaxweynaha iyo Ra’isul Wasaaraha ay ka kala yimaadaan Koonfur iyo Waqooyi.Sidoo kale in Kaalmadda Dhaqaale iyo Mucaawinooyinka Dalka loo qeybsado si Caddaalad ah wax walbana lagu saleeyo tirade dadka .

Ugu dambayntii waxaan soo jeedinayaa in 2016 Dalka laga qabto Doorasho Xor ah one man one Void, inta ka horaysana la dhamaystiro Nidaamka Dowladda Dhexe D/Goboleedyada iyo D/Hoose.

Mahadsanidiin.

Dr.C/raxmaan C/laahi Dhubba

Dhubbad@yahoo.com

Tel 00252615576222


Faafin: SomaliTalk.com | Aug 6, 2013

 

Kulaabo bogga www.SomaliTalk.com © www.SomaliTalk.com

 

Qaadka Quba


Xukuumada Federaaliga ah ee Soomaaliya waxay aqoonsan tahay sharciga qaran ee badaha Law No. 37. ee qeexaya dhererka xadka badda “territorial water” ee gaaraya 200 mayl-badeed iyo continental shelf . Waxay dawlada Soomaaliya ogolaatay xeerka badaha aduunka ee ay wax ka saxiixday 24kii Luuliyo 1989 ayadoo aan ka tanaasulin sharciga qaran.
akhri....



Wasiirka Horumarinta Caalamiga ah ee Norway: "Soomaaliya waxay si waadix ah beesha caalamka ugu sheegtay in Xuduud-Badeedka ay la wadaagto Kenya aan la isla meel dhigin..."



Norway oo Waftigii Baarlamaanka ee Booqday Oslo usoo dhiibtey Dukumiinti lagu Burburinayo Sharciga Badda Soomaaliya ee Law No. 37



Waa Maxay Faraqa u Dhexeeya Dhul-badeedka (Territorial Sea) iyo Aagga Dhaqaalaha (EEZ)?


 

Copyright © 2013 SomaliTalk.com All rights Reserved.;