Gudoomiyaha Olonnbikada Soomaaliya Cabdullaahi Axmed Tarabi oo Somalitalk
Wareysi gaar ah oo dhinacyo kala duwan taabanaya siiyey mar uu transit ku ahaa
dalka Jabuuti ayaa waxaa uu ka Hadley ujeedada safarkiisa, qorshaha gudiga
Olonbikada Soomaaliya xiligan, sababaha keenay in ay liidato tayadda Is-boortiga
soomaaliyeed, dhaqaalaha soogala gudiga Olonbikadda soomaaliya, sababihii loo
aas aasey gudiga Olonbikadda soomaaliyeed xiligii dowladd la’aanta ay ka jirtey
dalka soomaaliya, xubnihii aas aasey, Taariikh-diisa Is-boorti iyo xiliga uu ku
biirey gudiga Olonbikada soomaaliyeed.
Gudoomiyaha waxaa uu si faah faahsan uga Hadley arrimo badan oo ku saabsan
Is-boortiga soomaaliya, guulihii ay gaareen mudadii dowladd la’aanta ka jirtey
dalka soomaaliya, caqabadihii la soogudboonaadey mudadii ay xilka is-boortiga
soo wadeen ayaa isagoo qaar ka mid ah arrimahaasi ka hadlaya waxaa uu yiri
“Gudiga Olonbikadda soomaaliya waxaan ku biirey 1997-dii, xogh-haye ayaan ka
noqdey… Sababaha loo aas aasey gudiga Olonbikadda soomaaliya, waxay ahayd laba
arrimood, 1- arrin waxay ahayd mid gudaha ku saabsan oo is-dhex gal dadka
soomaaliyeed looga raadiyo shacabka soomaaliyeed maadaama ay colaad ay jirtey,
kana qayb qaadano wax-yaabaha lagula dagaalamayo qabyaaladda, Woodh looriizamka
iyo ka qob qobida bulshada.
Tan labaadna waxay ahayd, dibaddana inaan ka noqono niman calan sideyaal ah oo
meel kasta oo laga taagayo calamadda adduunka inuusan calankeena meesha ka
baaqanin oo aan ka qayb-galno oo Ummaddii soomaaliyeed inay jirto oo wali dadkii
qaar uu ruuxoodu nool yahay inaan caalamka tusno, taasina waan ku guuleysaney”.
Sidoo kale mar uu ka hadlayey xilalka Dowladda, Kan Xiriiradda, Goboladda iyo
gudiga Olonbikadda Soomaaliya ka dhexeeya ayaa wuxuu yiri “…Waxaan ku heshiiney
xilkii aan hayney Sanooyinkii faraha badnaa ee wadanka dhibaatadda ka jirtey oo
gudiga Olonbikadda iyo xiriiradda keliya ay ahaayeen waxa keliya ee meesha
taagan, Ummadda soomaaliyeed ay keligood indhaha ku hayeen, maanta haddii ay
dowladd rasmi ah timid inay xilka la wareegaan wax-yaabihii aan ku wada hadalney
ayey ka mid yihiin…”
Daabaco
Boggan | Print
Gudoomiyaha Olonnbikada Soomaaliya Cabdullaahi Axmed Tarabi oo Somalitalk
Wareysi gaar ah oo dhinacyo kala duwan taabanaya siiyey mar uu transit ku ahaa
dalka Jabuuti ayaa waxaa uu ka Hadley ujeedada safarkiisa, qorshaha gudiga
Olonbikada Soomaaliya xiligan, sababaha keenay in ay liidato tayadda Is-boortiga
soomaaliyeed, dhaqaalaha soogala gudiga Olonbikadda soomaaliya, sababihii loo
aas aasey gudiga Olonbikadda soomaaliyeed xiligii dowladd la’aanta ay ka jirtey
dalka soomaaliya, xubnihii aas aasey, Taariikh-diisa Is-boorti iyo xiliga uu ku
biirey gudiga Olonbikada soomaaliyeed.
