Fadhigii Barlamaanka Federaalka Soomaaliya ee Maanta oo Hor Istaagey Mooshin
ay u soo Gudbiyeen Qaar ka mid ah Xildhibaanada Barlamaanka.
-
 Qaar
ka mid ah Xildhibaanada oo ay ka muuqtey Caro weyn ayaa waxay sheegeen in
Baarlamaanka uusan dhexdhexaad ka ahayn arrimaha Siyaasada Soomaaliyeed
waxayna sheegeen in Mooshinkaas ay dib u soo celin doonaan...
April 27, 2013 - Kalfadhiga Labaad ee Barlamaanka Federaalka Soomaaliya oo
isugu yimid Fadhigoodii caadiga ahaa ayaa ka dhacay Xarunta Golaha Shacabka ee
Magaalada Muqdisho,.Fadhiga oo uu shir Guddoominayay Guddoomiye ku Xigeenka
Koowaad ee Barlamaanka ayaa ajandhayaasha hor yaalay waxaa ka mid ahaa Mooshin
qaar ka mid ah Xildhibaanada ay ka keeneen Shirkii Xukuumadda Federaalka
Soomaaliya iyo Somaliland ay ku yeesheen Dalka Turkiga.
Guddoomiye ku xigeenka Koowaad ee Barlamaanka Mahad Cawad oo ugu horeynba
halkaa ka hadlay ayaa sheegay in Mooshinka ay soo gudbiyeen Xildhibaanadan ay
tahay in wax laga weydiiyo laanta Fulinta iyadana ay hadasho laakiin aysan ahayn
arrin inta Barlamaanka la hor keeno laga doodayo.
Guddoomiye ku xigeenka ayaa tilmaamay in la sii wado ajandhayaashii kale ee
Baarlamaanka hor yiilay iyadoo midkan la keenayna aan laga hadli karin isla
markaana uusan Barlamaanku ka doodeyn. Qaar ka mid ah Xildhibaanadii Mooshiinkaas
soo gudbiyay ayaa dhaliilay qaabka Dawladdu ula tacaamushay Maamulka SomaliLand
Qaar ka mid ah Xildhibaanada oo ay ka muuqtey Caro weyn ayaa waxay sheegeen in
Baarlamaanka uusan dhexdhexaad ka ahayn arrimaha Siyaasada Soomaaliyeed waxayna
sheegeen in Mooshinkaas ay dib u soo celin doonaan, hase yeeshee Waxaa la filayaa
in 2-da Bisha May uu Madaxweynaha hor imaan doono kaasoo wax laga weydiin doono
heshiiska Dowlada Federaalka iyo Soomaliland.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | April 27, 2013
| 
Daabaco
Boggan | Print
