Hayadaha Qaramada Midoobey iyo Bulshada Rayidka oo Kulan Hordhac ka yeeshey
Shirka London
Waxaa Xarunta UNDP ee Magaalada Muqdisho ka dhacay kulan hordhac u ahaa Shirka
la filayao in uu Dhawaan ka dhaco Magaalada London , waxaana Kulankaas ka
qaybgaley Xubno ka socdey Hayadaha Qaramada Midoobey ee Qaabilsan Dhinaca
Baniaadanimada, Hayadaha Samafalka ee ay leeyihiin Dadka Soomaaliyeed kuwaas oo
ka shaqeeyaha Gudaha dalka, Xubno ka socdey Wasaarada Arrimaha Gudaha ee
Dowladda Soomaaliya, Bulshada Rayidka, Hayadaha Turkiga Ururka Islaamka (OIC iyo
Dibolomaasiyiin ka socotey Safaaradda Turkiga , waxaana Kulankaas Diirada lagu
saarey Sidii dardar loo gelin lahaa Arrimaha Baniaadanimada Xaqiijinta Aminiga
iyo Soo Kabashada Soomaaliya .
![](xamar2.jpg)
Xubnhii ka socdey Qaramada Midoobey ee ka qaybgaley Kulankaas ayaa soo jeediyey
in Gargaarkii Hayadaha Qaramada Midoobey ee ay siin jirtey Soomaaliya loo baahan
yahay in la Kordhiyo , sidoo kale Masuuliyiintii ka socotey Wasaarada Arimaha
Gudaha ayaa u sheegey Hayadaha Samafalka ee ka qayb galey kulankaas in
Soomaaliya ay ka dhalatey Dowlad rasmi ah , sidaa Darteed Hayadaha Samafalka
looga baahan yahay in ay Xiriir la soo sameeyaan Dowlada Faderaalka si loo
jaangooyo Habka loo wajayo Arimaha Baniaadanimada iyo Dib u celinta dadka
Barakacayaasha ee ka soo Hayaamey Deegaanadoodii
Raxmo Xasan Axmed oo ka soctey Hayad lagu magacaabo Gargaarka iyo Horumarinta
Soomaaliya ayaa waxay halkaas ka jeedisey warbxin dheer oo ku aadan Kormeer la
xiriira Xog raadin ay ku soo mareen Koofurta iyo Bartamaha Soomaaliya,
Soomaaliland iyo Puntland kaasoo ugu kuur galayeen qaabka ay u shaqeeyan
Hayadaha Samafalka kuwada Gudaha iyo kuwa Caalamiga ah , Baahidooda iyo
Caqabadaha ka horyimaada marka ay ku jiraan Howlahooda dhinaca Baniaadanimada .
“Ururkeena waxaa la aas-Asey Xiligii ay Abaaraha ka jireen Soomaaliya , waxayna
Xaruntiisa ku taalaa Magaalada London marka Kormeerkeena waxaa uu la xiriirey
sidii Warbxin Dhameystiran oo dhinac walba laga fiiriyey oo la xiriirta Dhinaca
Baniaadanimada aan ugu Gudbin lahayn Shirka 7 May ka dhaca Magaalada London ee
looga hadlayo Arimaha Soomaaliya “ayey Tiri Raxmo Xasan Axmed oo sheegtey in
intii ay ku Guda jireen Sahankooda aysan la kulmin wax Caqabad Waxayna Hayadaha
iyo dadka kale ee ay Xogta ka raadinayeen ay ahaayeen kuwa si wanaagsan noo soo
dhaweeyey islamarkaana wixii jireyna si Saraaxad leh noogu waramey.
Kulankaas ayaa markii la soo Gabagabeeyey laga soo saaray Qodobo Dhowr oo la
xiriira sidii ay Hayadaha Samafalka ay u dardargelin lahaayeen arrimaha
Baniaadanimada maadaama Soomaaliya ay soo Kabsaneyso sidoo kale waxaa ka mid
ahaa sidii Warbxin Dhameystiran loogu Gudbin lahaa Shirka la filayo in uu ka
dhaco Magaalada London ee Cariga Ingiriiska kasoo ku saabsan Arrimaha
Baniaadanimada
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | April 26, 2013
|