W.Maaliyadda oo saaka dalka dib ugu soo noqday kana war bixiyey shirkii
IMF-ta ee Washington ka dhacay
 Khamiis,
25, April, 201. Wasiirka Maaliyadda iyo Qorshaynta Dowladda Federaalka
Soomaaliya Mudane Maxamuud Xasan Sulaymaan iyo wafti uu hogaaminayo ayaa saaka
dalka dib ugu soo laabtay ka dib markii uu ka soo qayb galeen shirkii Hay’adda
Lacagta Aduunka IMF oo ka dhacay magaalada Washington ee dalka Maraykanka.
Hay’adda Lacagta Aduunka IMF ayaa horaanta bishaan shaacisay in ay aqoon
santahay dowladda Soomaaliya, ayna wada shaqyn buuxda la yeelan doonto
Wasaaradda Maaliyadda ee Soomaaliya si dib loogu dhiso hanaankii maaliyadeed ee
dalka.
Wasiirka ayaa saxaafada kula hadlay garoonka diyaaradaha ee Adan Cade, isagoona
faahfaahin ka bixiyey kulamadii uu la soo qaatay madaxda Hay’adda Lacagta
Aduunka (IMF)
“ Magaalada Washington waxaa uga soo qayb galnay shirkii sanad laha ahaa ee
Hay’ada Lacagta Aduunka, waana markii ugu horaysay oo Soomaaliya ka qayb gasho
mudo 22 sano ah, taasina waxay yididiilo weyn u tahay horumarka baaxada leh oo
ay rabto in ay ku talaabsato dowladda Soomaaliya” ayuu yiri Wasiirku.
Siidoo kale Wasiirka ayaa sheegay in wasaaradiisu ku howlantahay sidii dib u
habayn loogu samayn lahaa ilaha dhaqaalaha ee dowladda si loo helo nidaam
maaliyadeed oo hufan, taasina ay wax weyn ka tari karto in dowladdu ay hesho
kaalmooyin caalami ah.
Wasiirka Maaliyadda ayaa intii uu xilka hayey waxaa uu dadaal dheer u galay
sidii wada shaqayn dhan kasta ah u yeelan lahaayeen dowladda Soomaaliya iyo
beesha caalamka, wuxuuna ku guulaystay in Soomaaliya ay xubinimadeedii Hay’adda
Lacagta Aduunka (IMF) ay dib ula soo noqoto, kana qayb gasho shirar caalami ah.
wmaaliyaddasom@gmail.com
Faafin: SomaliTalk.com | April 26, 2013
|
Daabaco
Boggan | Print
