Daabaco Boggan | Print

Madaxweynaha DFS oo Itoobiya kaga qayb galaya Shir loogu magac daray "Tana Forum"

Madaxweynaha Dawladda Federaalka Soomaaliya ayaa tegey Itoobiya si uu uga qayb galo shirka loogu magac darar " Tana Forum." Waxaana safarkaas warsaxaafadeed ka soo saaray xafiiska MDFS, uwarsaxaafadeedkaas oo u qornaa sidan:

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta qudbad ku aadan dhanka amaanka ka jeediyay furitaanka Shirka Tana Forum.

Madaxweynaha waxaa kala qeyb galayo shirkan R/Wasaare ku Xigeenka ahna Wasiirka Arimahha Dibadda Marwo Fowzia Yusuf Haaji Adam, iyo Wasiirul Dowlaha Madaxtooyadda Mudane Faarax Sh. C/Qaadir.

“Africa waa in ay kalsooni muujiso una istaagto ka hor-tagida danbiyadda qorsheysan. Danbi waa danbi cid walbo oo geysato waa isla mid.Qiil ma laho, waana in lagula dagaalamo qaab military iyo qaab siyasadeed.” Saas waxaa yiri Madaxweynaha Jamhuuriyadda Federaalka Soomaaliya.

“ Waxaan aaminsanahay in dhamanteen amnigeena guud uu ku jiro deris nabad iyo amni wanaagsan leh. Anaga deris-keena wuxuu isku haleyn karaa Soomaaliya oo nabad iyo amni ah.”

“Waxaan ognahay in Burcad badeeda ay dhaqaalaha aduunka wax u dhintay. Beesha Caalamkana waxey wadaan ka hortagidda Burcad Badeedda. Laakin waxaa muhiim ah in la ogaado in arinkaas uu suurta gal noqon karin haddii aan la helin Soomaaliya oo nabad ah.”

Ugu danbeyntii, Madaxweynaha ayaa wuxuu kula dar-daarmay madaxda Afrika in Afrika ay masuuliyad iska saarto amnigeeda. Dowladda Soomaaliyana ay dadaal ugu jirto in amnigeeda gudaha sugto taasna ay dowladda u tahay muhiimaddeeda Kowaad.

--

Communication Office
Office of the Somali President
Mogadishu, Somalia.

Madaxweynaha DFS oo Ka Qeb-Galayo Shir looga hadlayo Amniga Qaaradda Afrika

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo ayaa caawa ka degay Magaaladda Bahar Dar, ee dalka Itoobiya si uu uga qeyb galo furitaanka Shirka Tana Forum.

Madaxweynaha waxaa safarkaan ku weheliyo R/Wasaare ku Xigeenka ahna Wasiirka Arimahha Dibadda Marwo Fowzia Yusuf Haaji Adam, iyo Wasiirul Dowlaha Madaxtooyadda Mudane Faarax Sh. C/Qaadir.

Shirkaan ayaa waxaa diiradda lagu saari doonaa arrimaha amniga ee Qaaradda Africa iyo sidii looga hortagi lahaa amni daradda ka taagan Qaaradda.

Madaxweynaha ayaa waxaa lagu wadaa in uu qudbad ka jeediyo kulankaan, oo ay isugu imaan doonaan Madaxda dalalka Afrika iyo hey’adaha daneeyo Amniga.

Ugu danbeyntii sida aad la socotaan dowladda ayaa waxey ka dhigatay muhiimadda Kowaad amniga. Kulankana wuxuu u noqon doono fursad ay dowladda Federaalka Soomaaliya kusoo bandhigto aragtiida ku aadan amniga.


Communication Office

Office of the Somali President
Mogadishu, Somalia

Halgankii Dr. Raabeh

Faafin: SomaliTalk.com | April 20, 2013

Kulaabo bogga www.SomaliTalk.com © www.SomaliTalk.com