Dr. Cumar Cusmaan Raabeh oo ku Geeriyoodey Qaahira
Dr. Cumar Axmed Malow oo ku magac dheeraa Dr. Cumar Cusmaan Raabeh ayaa
Arbacadii April 17, 2013 ku geeriyoodey magaalada Qaahira ee dalka Masar, sida
uu SomaliTalk.com soo gaarsiiyey Maxamed Xaaji oo ku sugan Qaahira.
Inaa Lillaahi Wa inaa Ileyhi raajicuun. Allah ha u naxariisto.
Dr. Cumar Cusmaan Raabeh waxa uu ahaa muwaadin Soomaaliyeed, halgamaa
Soomaaliyeed, nin ay ku dheer tahay midnimada Soomaaliyeed, qoraa ummadda wacyi
geliya, waxaana bahda SomaliTalk oo uu xubin ka ahaa ay geeridaas uga
tacsiyadaynayaan dhammaan ummadda Soomaaliyeed, iyo ehelkii iyo qaraamadii Dr.
Raabeh.
Allah janatul fardowsa haka waraabiyo marxuumka.
Waakan dhambaalkii Tacsida ahaa ee aan ka helay Maxamed Xaaji:
Assalamo Aliakom, Walaal Salaan kadib, Magacaygyu waa Max,ed Xaaji. Waxaan ahay
nin reer Qaahira ah. Waxaan ka xumahay in aan akhbaar naxdin leh kuu sido adiga
iyo ummada Soomaaliyeed.
Waxaa maanta (April 17, 2013) magaalada Qaahira ku geeriyooday Allaha u
Naxariistee Dr. Omar Osman Raabi, oo ah qoraa, macalin iyo barbaariye
Soomaaliyeed oo dadyow badan oo Soomaaliyeed uu uga dhignaa Aabahood oo kale.
Waxaan la socdaa in aad adiga qof ahaantaada aad qoraaaladiisa iyo dadaaladiisa
aad faafin jirtay; sidaa awgeed ayaa kaaga tacsiyeynaayaa geerida Professor-ka.
Dhamaanteenna samir iyo Iimaan allaha inaga wada siiyo.
Faafin: SomaliTalk.com | April 18, 2013
| 
Daabaco
Boggan | Print
