Guddiyada Cadaalada iyo Garsoorka iyo Guddiga Amaanka oo Baarlamaanka
Warbxino ka Dhageystey
Fadhiga Baarlamaanka oo maalmahanba waday dhagaysiga Warbixino ay soo
gudbinayeen Guddiyada Baarlamaanka ayaa Arbacadii waxaa warbixinadooda la
dhagaystay Guddiyda Baarlamaanka ee Cadaaladda iyo Garsoorka. Ugu horeynba waxaa
halkaa warbixino ka soo jeediyay Guddiga cadaaladda oo u jeedkiisu ahaa ahaa
warbixino ay ka soo diyaariyeen Xabsiga dhexe ee magaalada Muqdisho.
Guddiga cadaaladda ee Baarlamaanka ayaa sheegay in ay booqdeen Xabsiga dhexe ee
Magaalada Muqdisho isla markaana ay ku arkeen xaalad aad u liidata oo ay ku
sugan yihiin Maxaabiista ku jirta Xabsigaas.
Guddiga ayaa warbixintooda ku daray in ay jiraan Maxaabiis aan xukanayn oo
xabsigaas isaga xiran halka intaana ay ku dareen in Maxaabiista qaarkood ay la
xanuunsanayaan Cuduro kala duwan.
Waxaa sidoo kale Warbixin laga dhageystey Guddiga Amniga iyo arrimaha Gudaha
iyagoo soo qaaday qaraxyadii ka dhacay qaybo ka mid ah dalka sida qarax Bishii
Janaayo ee Sanadkan xarakada Shabaab ay ka fuliyeen Gudaha magaalada Muqdisho.
Guddiga ayaa warbixinadooda ku daray iska hor imaadyo u dhaxeeyay Ciidamada
dawladda iyo Xarakada Shabaab oo ka dhacay qaybo kala duwan ee Gobolada dalka.
Dhagaysiga Warbixinadaas kaddib ayaa fadhigii la soo gabagabeeyay iyadoo ay
harsanaayeen laba Guddi kale oo Arbacadii ku qornaa in la dhagaysto
warbixinadooda Gudiyadaas oo kala ahaa Guddiga Beeraha iyo Xanaanada Xoolaha iyo
Guddiga Maaliyadda ,waxaana la fillayaa in Khamiista iyana Warbixitooda
ladhageysto.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | April 18, 2013
| 
Daabaco
Boggan | Print
