Warar Goos Goos ah oo ku saabsan Soomaaliya
Gudoomiyaha Gobolka Hiiraan oo Sheegay Inaan Laga harayn Fal Toogasho oo
Ciidamada itoobiyaanku Shalay ka gaysteen Magaalada beled Weeyne.
Iyadoo maalinimadii shalay Askar ka tirsan Ciidamada Itoobiyaanka Fal Toogasho
ah ay ka gaysteen Magaalada Beled Weyne ayaa waxaa arrintaa ka hadlay
Guddoomiyaha Maamulka dawladda ee Gobolka Hiiraan.
Cabdi Faarax laqanyo Guddoomiyaha Maamulka Dawladda federaalka Soomaaliya ee
Gobolkaas ayaa sheegay in wax si aad ah looga xumaado ay tahay Falkii toogasho
ee Shalay ka dhacay Masjid ku yaala magaalada Beled Weyne Toogashadaas oo uu ku
dhintay Hal Ruux oo Rayid ah halka Seddax kalena ay ku dhaawacmeen.
Laqanyo ayaa sheegay in aysan ka harayn isla markaana ay baarayaan Toogashadii
Askarta Itoobiyaanku ay ka gaysteen Masjidka xilli halkaa loo joogay Salaadda
khudbada Jimcaha Mudane Laqanyo ayaa hoosta ka xarriiqay in aysan garanayn
sababta keentay in Dad u taagan Salaad Rasaas la isaga furo isagoona sheegay in
arrintaas ay u marayaan Dariiq kasta oo xitaa heer Caalami gaarsiisan.
In ka Badan Labataan Sano Kaddib Hay’adda IMF oo Oggolaatay Xubinimada
Soomaaliya.
Go’aan ka soo baxay Xafiiska hay’adda Lacagaha Adduunka ee IMF ayaa lagu
aqoonsaday Xubinimada Soomaaliya oo muddo Laba iyo labaatan Sano ka maqneyd
Xubinimada Hay’addaas. Go’aankan ayaa lagu sheegay in Hay’addu aqbashay in
Soomaaliya ay dib ugu soo noqoto Xubinimadii Hay’adda Lacagaha adduunka ee IMF
Go’aankan ka soo baxay IMF ayaa lagu sheegay in Soomaaliya xiligan aan la
amaahineyn wax lacaga ah iyadoo taasina loo aaneeyay Lacagaha lagu leeyahay
Soomaaliya oo gaaraya illa Sedax Boqol iyo Konton Milyan oo Doolar. Go’aanka
ayaa xusay in Soomaaliya looga fadhiyo in ay bixiso Lacagahaas lagu leeyahay
intaas kaddibna loo Oggolaan doono in la siiyo Lacago kale oo Ammaah ah.
Arrintan ayaa waxaa ka hadlay Guddoomiyaha bangiga Dhexe ee Soomaaliya
Cabdisalaan Hadliye Cumar oo sheegay in ay socdaan wada hadalo u dhaxeeya
Soomaaliya iyo Xafiiskaas. Hadliye ayaa intaa ku daray in Bangigu haatan ka
shaqaynayo sidii Soomaaliya looga cafin lahaa ama looga saamixi lahaa Lacagahaas
Deymanka ah ee hore loogu lahaa Soomaaliya.
Somaaliland oo sheegtey in aysan Gorgortan ka geli Doonin Gooni isku Taagooda
.
Iyadoo dalka Turkigu ay ku kulmeen Madaxweynaha dawladda Federaalka Soomaaliya
iyo Madaxweynaha Maamulka SomaliLand ayaa arrimahaas waxaa faahfaahin dheeraad
ah ka bixiyay Wasiirka Arrimaha Dibadda ee Somali land Maxamed Cabdullaahi
Cumar.
Wasiirka arrimaha Dibadda SomaliLand oo ka mid ah Xubnaha shirkaas ka qayb
galaya ayaa sheegay in arrimaha laga hadlayo ay ka mid yihiin sii socoshada
Shirkii labada dhinac kal hore ay ku yeesheen Magaalada Londdon. Maxamed
Cabdullaahi Cumar ayaa sheegay in shirarka labada Dal ay yihiin kuwo sii socon
doono taasoo suurta gal ah ayuu yiri in ay qaataan muddo dheer.
Wasiirka ayaa farta ku fiiqay in wada hadalada labada dhinac ay u dhacayaan qaab
laba Dal sida Jamhuuriyadda Somali land iyo Dawladda Federaalka Soomaaliya.
Mar uu ka hadlayay shirka Bisha soo socota ka furmaya Magaalada Londdon iyo
aragtidooda ayuu sheegay Mr Cumar in Shirkaasi mowqifkooda ay hore uga dhiibteen
haatana uu ku celinayo Mowqifka Soomaali Land ee Shirkaas.
Wasiirka arrimaha Dibadda ee Soomaali Land ayaa sheegay inaysan Shirkaasi ka
qayb galayn sababtuna ay tahay in aanay waxba ka khuseyn Somali land shirkaas oo
sida uu sheegay u gooni ah Soomaaliya. Maxamed Cabdullaahi Cumar ayaa sheegay in
shirkaas looga hadlayo dib u habaynta Ammaanka Soomaaliya iyo ka hadalka iyo la
xisaabtanka Deeqaha Soomaaliya la siiyo.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | April 13, 2013
| 
Daabaco
Boggan | Print
