»Doorashada Canada, Soomaalidu ma ka qaybqaadan doontaa?

Daabaco Boggan | Print

17-kii Biishii Maasro ayay ahayd markii Dowladdii lagu soo dhisay Magaalada Nairobiy intii ay soo dhaafin halkaasi ayaaa khilaafkoodii ugu horeeyay uu halkaasi ka bilowday, kaddib markii ay ku heshiin waayeen in dalka la keeno ciidamo ka socda oo hunb ka dhis ku sameeya dalka, hase yeeshee dowladihii qaban-qaabiyay shirkaasi lacag badana ay uga baxday awoodayna in ay Dowladda ku cadaadiyaan in iyadoo heshiis ah ay ku laabato dalka, balse taasi ma aysna dhicin Dowladdiina waxay kala degtay Muqdisho iyo Jowhar, qolo walba iyadoo ciidda ka cesho Garka is leedahay ayaa waxay abaabuleen barnaamujyo ay markaasi is lahaayeen shacabka ku soo jiita, waxaana dhacday in kooxa Muqdisho ay abaabuleen in ay uruuriyaan ciidamo, waxayna isugu geeyeen duleedka Magaalada Muqdisho, dhowr bilood markii ay halkaasi ku xareysnaayeen ayaa loo waayay wax mushaar ah, nin ka mid ah dadka ku nool Magaalada Muqdisho ayaa wax ka weydiiyay sida uu u arko uruurinta ciidamadaasi, iyo ganacsata gacanta ay ka gaysanayaan, waxa uuna yiri “Ciidamo kuma dhismaan baaqule, darmo iyo Dhar laga soo uruuriyay xaafadaha Magaalada Muqdisho ee ciidamadu waxay ku dhismaan qorshe dowladeed”.

Sidoo kale waxa ay abaabuleen kuna dhawaaqeen in ay dhisayaan maamulka Gobalka Banaadir, waxayna Wasiirada hubeysan ay horey ugu doodi jireen in C/llaahi Yuusuf iyo kooxdiisa ay ku tunteen sharciga, hase yeeshee 31-kii qodob oo ay dhigteen kuna heshiiyeen in lagu dhaqo Maamulka Gobalka Banaadir ayaa iyigii nafsad ahaantoodii ka hor yimid, taasina waxay keentay in ay kala boodaan, sidoo kale Kooxda Jowhar waxay iyan abaabuleen barnaamujyo fara badan oo ah in ay ciidamo ka soo uruuriyaan Gobalada Dalka, hase yeeshee ciidamadaasi labo jeer ayay gadood sameeyeen iyagoo ka cabanaya mushaar la’aan iyo daryeel xumo, Iyadoo intaasi ay jirto ayaa Madaxweynaha iyo Guddoomiyaha Baarlamaanka waxay mar kasta ku dhawaaqayeen in howlihii Dowladda ay si wanaagsan u socdaa, balse marka runta loo hadlo waxay labadoodub ahaayeen kuwo la lug jiidayay. Heshiiska ay haatan gaareen Madaxweyne C/llaahi Yuusuf Axmed iyo Guddoomiyaha Baarlamaanka Sharii Xasan Shiikh Aadan waa mid ku yimid markii ay wada shaqeyn ka waayeen xubnihii Dowladda ee u sugnaa Muqdisho iyo Jowhar, haddii aan soo qaadanyo Madaxweyne C/llaahi Yuusuf waxa ay eedeeyntii ugu weyneyd uga timid ninkii martida u ahaa, sidoo kale Madaxweynaha heshiiskaani waxaa ugu jira faa’iidooyin fara badan waayo, Beesha Caalamka ayaa mar kasta ku cadaadinayay in uu heshiis la gaaro kooxda ka soo horjeeda si ay u fulaan ballanqaadyo fara badan oo dhinaca dhaqaalaha ah.

Guddoomiyaha Baarlamaanka isna waxay dharbaaxadii ugu xumeyd ka soo gaartay markii ay Qaahir isugu tageen isaga iyo Guddoomiye ku xigeenkiisii Max’ed Cumar Dhalxa waxaana la laalay afartii xubnood ee uu guddoomiyuhu soo qoray oo ka mid noqon lahaa Golaha Baarlamaanka ee Jaamacadda Carabta, hase yeeshee Guddoomiyaha Baarlamaanka waxa uu sheegay mar la wareystay in uu arrintaasi tanaasul ka sameeyay. Cali Khaliif Galeyr oo Ra’isul Wasaare ka noqday Dowladdii Carta oo wax laga weydiiyay heshiiska dhex maray Madaxweyne C/llaahi Yuusuf iyo Guddoomiyaha Baarlamanka Shariif Xasan Shiikh waxa uu yiri “labadooduba waxa ay ka xoroobayaan Hogaamiye kooxeedyo aan la garaneyn waxa ay doonayaan”. Madaxweyne C/llaahi Yuusuf Axmed ayaa waxa uu isna yiri “Xabsigii Xamar arkay, Xabsigii Adis-Ababa arkay, laakiin Kii ugu xumaa waxaa kala kulmay Jowhar”, waxaa halkaan kaaga caddaanaya in Labada  Mas’uul ay u afduubnaayeen Hogaamiye kooxeedyo. Haddaba Su’aasha la is weydiinayo waxa ay tahay heshiiska ay gaareen Madaxweynaha iyo Guddoomiyaha Baarlamaanka ma noqon doonaan mid ay u hogaansamayaan Raggii ay ka soo kala tageen ee ku kala sugan Muqdisho iyo Jowhar, oo caqabad isku aha, caqabadna ku ah Bulshada Soomaaliyeed, marka ay timaado dhinaca Dowladdnimada, sidaa darteed heshiiska, Madaxweyne C/llaahi iyo Guddoomiye Shariif Xasan mid lagu saleyn karo in ay soo taabteen Xeerada salkeeda.

W/D: Amiin Yuusuf Khasaaro
E-Mail; amiinkhasaaro@hotmail.com 

Afeef: Aragtida qoraalkan waxaa leh qoraaga ku saxiixan

• Mareykanka oo si Tartiib-Tartiib ah nooga Aarsanaya: -Qore: Amiin Yuusuf Guji...

• Xaggee Mareysaa Cayaartii xiisaha badneyd ee Jowhar iyo Muqdisho! -Qore: Amiin Yuusuf Guji...