»Doorashada Canada, Soomaalidu ma ka qaybqaadan doontaa? »Maxaad ku Xasuusataa Dhacdooyinkii Sannadka 2005

Daabaco Boggan | Print

Dowladda Mareykanka oo la og yahay in ay tahay dowlad aad u xoogan, haddana waxay inta badan ku doodaa in ay tahay Dowlad u danqata dadka dhbaateysan, iyadoo taasi jiro ayaa sanadkii, 1992-dii waxaa dalka Soomaaliya yimid Ciidamo uu horkacayay Mareykanka oo tiradoodu gaareysay ilaa 60,000 oo askari, kuwaas oo Soomaaliya u yimid in ay badbaadiyaan dadkii ku waxyeeloobay abaar saameysay koonfurta Soomaaliya, waxaana waqtigaasi dadka Mareykanka ku sii qulqulayay dad badan oo Soomaali ah oo halkaasi ka raadsanay nolol dhaanta midda ay ku jiraan, waxayna Xeero iyo Fandhaal kala dhaceen markii 3-diid October 1993-dii ay dagaal foodda is dareen taageerayaashii Allaha na xariistee Gen. Max’ed FAarax Caydiid iyo ciidamadii Mareykanka, wuxuuna dagaalkaasi socday mudo dhowr saacadood ah, waxaana Mareykanka looga dilay 18 askari, hase yeeshee Mareykanku ma uusan fiirin shacabkii fara badnaa ee Soomaaliyeed ee  ku dhintay dagaalkaaasi, ee wuxuu mar kasta eegayay 18-ka Askari ee looga dilay dagaalkaasi, iyadoo 5-tii 1993-dii Magaalada Muqdisho bartamaheeda lagu dilay 24-askari oo Bakistaaniyiin ah, balse Dowladda Bakistaan dib uma eegin 24-kaa Askari, oo waxaa kaga qiima badneyd in ay badbaadiyaan shacabka Soomaaliyeed, iyadoo mar la wareystay sarkaal Bakistaan ah uu sheegay in aysan marnaba Soomaaliya u raacaneyn dilka Askartooda,

 Dagaalkaas markii uu dhacay ayaa madaxweynihii Mareykanka ee xiligaasi Bill Clinton waxa uu ku dhawaaqay in si halhaleel ah u soo baxaan ciidamada Mareykanka, waxaana goob joog ahaa xiligaasi, in wiil yar oo Baalashle ah oo Askari Mareykan ah kabaha u casseyn jiray ayaa subixii ay baxayeen Ciidamada Mareykanka ayaa wiilkii yaraa waxa uu ku dhegay Askarigii Mareykanka ahaa markiiba Joornaaliistiyashii ayaa ku soo yaacay, iyadoo askarigu markaa uu iska filqayay horeyna u cararay isla markaana fuulay Dooni halkaasi taagneyd, waxayna Weriyashii markiiba wareysteen wiilkii yaraa, waxa ay weydiiyeen waxa uu ka sameeyay Askarigu, waxa uuna ku jawaabay “Lacagtii aan kabaha ugu caseeyay ayuu igala fagaday”.

Markaas ayaa waxaan ogaaday in Mareykanku uu bilaabay in uu ka aasarasado shacabka Soomaaliyeed, maadaama lacagtaa uu cunigaa shaqeystay uu askirigaasi kala fagaday, Soomaalidu waxay tiraahdaa “Meyd waxaa u dambeeyay qofkaa la sii sido”, Waxaa shacabka dhegahooda weli ka yeeraya dilkii foosha xumaa oo ay kula kaceen ciidanka Booliiska ee Gobalka Ohio wiil Soomaaliyeed oo lagu magacaabo Naasir Shariif, waxaana dilkaasi la dhihi karaa waa mid gardaro ah oo aan geed loogu soo gaban, maadaama wiilkaasi uu ahaa wiil wadada iska marayay, waxaana ka xumaday shacabka Soomaaliyeed ee ku nool dalka Mareykanka oo iyagu ka dhigay Gobalkaasi Banaanbax, waxayna dalbanayeen in maxkamad la soo taago sarkaalkii ka dambeeyay dilka Wiilkaasi Soomaaliyeed.

Labo todobaad ka hor ayay ahayd markii Gabar Soomaaliyeed iyana Gaari ay lahayd walaasheed la jiirsiiyay, waxayna u dhimatay dhaawicii soo gaaray, ilaa iyo haddana cid loo qabtay dilkaasi ma jirto.

Sidoo kale warar ayaa waxay sheegayaan in C/qaadir Xirsi Yamyam iyana shilkiisa, shacabkooda intii badan ay far ku godayaan, waxayna leeyihiin waxa uu ahaa mid si bareer ah gaariga loo jiirsiiyay.

Waxaa ka horeeyay dilal fara badan oo loo gaystay dad Soomaaliyeed oo ku nool cariga Mareykanka, waxayna u badnaayeen rag ku shaqeysta Takaasida, qaarkood meydkooda ayaa laga helay gaariga dabadiisa, kuwo kalana inta loogu dhex yimid ayaa lagu dilay, ilaa iyo haddana ciidanka Booliiska cid ay u qabteen dilalkaasi ma jiraan, marka laga reebo waan baareynaa, ama waan ku raad joognaa.

Shacabka Soomaaliyeed ee ku nool cariga Mareykanka ayaa haatan wal wal iyo walba haar la soo dersay waxayna qaarkood ay ku tirinayaan falalkaan dilka ah ee isdaba jooga ah oo in uu yahay mid Mareykanku ku aarsanayo 18-kii Askari ee lagu dilay Magaalada Muqdisho meydkoodana lagu jiiday dariiqyada Magaalada Muqdisho, hase yeeshe waxaan anigu aaminsanahay in aarsiga Mareykanku bilowday markii Askirigii Mareykanka ahaa uu Cunigii Baalashlaha ahaa kala fagatay lacagtii yareyd ee uu shaqeystay, isku soo wada duuboo Mareykanka waxaa uga fadhinaa in Dadka Soomaaliyeed ee lagu dilo Mareykanka ay haatan ka badan yihiin 18-kii Askari, marka Mareykanka waxaan ka codsineynaa in ay naga tartiibiya aarsiga sida xowliga ah u socda,Xaqiiqdii markan waxay taagan tahay in Mareykanka daalac loo raacdo,  Mareykan ha ogaado in wixii haatan ka dambeeya in aan la xisaabtami doono , si wanaagsanna, waxaan u soo jeedinayaa in uu ula dhaqmo dadka soomaaliyeed ee u soo magangalay.

W/D: Amiin Yuusuf Khasaaro
E-Mail; amiinkhasaaro@hotmail.com 

Afeef: Aragtida qoraalkan waxaa leh qoraaga ku saxiixan

• Xaggee Mareysaa Cayaartii xiisaha badneyd ee Jowhar iyo Muqdisho! -Qore: Amiin Yuusuf Guji...