 Salkeedii
waa la soo xaaray : Quurisgu qiil ma uu lahan!
Munaasabad si qiimo badan loo soo
agaasimay ayaa waxaa isugu yimid culamau diin, salaadiin, odayaal,
abwaano, indheer garad, aqoonyahan, gancasato, dhaliyaro iyo....
Guji... |
 XAFLADII
GUNAADKA KOOBKII NABADA EE C/QAADIR YAXYE OO LA QABTAY
Waxaa Hoteelka Nabadda (Peace Hotel) ee Magaallada
Muqdisho ka dhacday xaflad aad u heer sarreysay oo lagu soo
geba-gebeynayay Koobkii Nabadda ee Marxuum C/qaadir Yaxye, kaasoo
Guji... |
Xaggee Mareysaa Cayaartii xiisaha badneyd
ee Jowhar iyo Muqdisho!
Qaybtii 12 aad
 W/D:
Amiin Yuusuf Khasaaro
E-Mail
amiinkhasaaro@hotmail.com
Muqdisho, Soomaaliya
Ciyaartu waxay noo
mareysay iyadoo Cabdalla Deeroow si aad ah u qoomay ugana carooday markii si
hoose ay u wada hadleen ciyaartoyda kala ah Maxamed Dheere iyo Yuusuf
Indho-cadde, wuxuuna wada hadalkooda ku tilmaamay mid sii xumeynaya habsami u
socodka Ciyaarta.
Ciyaartu bartanka
ayay socotaa, Kubadda waxaa wata Maxamed Dheere wuxuuna si xirfadeysan ugu
tuuray saaxiibkiis Kabtanka Kooxda C/llaahi Yuusuf Axmed, Kubadda oo ahayd hal
mar taabasho (One tough) waxa uu u dhiibay C/risaaq Jurille, hase yeeshee si
lama filaan ah waxaa meel dhexe uga soo dusay Maxamed Qanyare oo yiri “Kubaddan
I dhaafi meyso”, wuxuuna u sii dhiibtay Muuse Suudi, kaddibna Muuse inta laad
xoog badan qabadsiiyey ayuu madaxa u saaray Jinni Boqor, Jinni Boqor meeshii
Madax laga rabay in uu ku teesteeyo, waxa uu saartay xabadka, lana soo degay,
damcayna in uu la sii dhaqaaqo hase yeeshee waxaa ku soo baxay oo kubaddii ka
reebtay Maxamed Dheere, intuu qalqalay ayuu dib ugu celiyey Goolhaye Cabdi
Qaybdiid.
Wax la isku hayo weerar iyo
rogaal celis oo qolo walba is leedahay kooxda kale gush ayaa xiriirka K/Cagta
CAF waxa uu isugu yeeray kulan kaa dhacayay magaallada Qaahira waxaana dhacday
in Xiriirka CAF uu qolo walba u soo diray Visa uu kag qayb galayo kulankaasi
looga hadlayo horumarinta Isboortiga. Waxa magaallada Qaahira isugu wada
tegay laba Wafdi oo ay kala hoggaaminayeen Kabtanka kooxda Muqdisho Shariif
Xasan Sh. Aadan iyo Maxamed Cumar Dalxa. Mas’uuliyiintii CAF ee ku sugneyd
Qaahira ayaa si aad ah ula yaabay labada Wafdi Isboorti ee ka socda
Soomaaliya.
Dhex-dhexaadin kaddib ayaa
labadii Wafdi loo oggolaaday in ay fariistaan shirka CAF oo uu hor kacayay
Kabtan Shariif Xasan Sh. Aadan, hase yeeshee mushkilad iyo dhibaato waxay
dhacday markii Xiriirka CAF uu go’aamiyey in 4-tii xubnood ee ka socotay kooxda
Jowhar ay xubno ka noqdaan xiriirka K/Cagta ee CAF taasoo si aad ah uga
careysiisay Kabtan Shariif Xasan Sh. Aadan oo ku tilmaamay in xiriirka CAF uu
caddaalad darro iyo dhinac u xaglin sameeyey.
Mid ka mid ah taageerayaasha
kooxda Muqdisho ayaa waxa uu ku calaacalay “Arrintani waa mid ay ka dambeyso
Dowladda Masar oo garab siineysa kooxda K/Cagta Jowhar”, waxaana uu intaa sii
raaciyey taageerahani “CAF waxaaba ka fiican FIFA oo iyadu si rasmi ah u
aqoonsatay saddexdii xubnood ee XIriirka Soomaaliyeed ee K/Cagta u aqoonsatay
guddoomiyeyaal, si wanaagsanna ugu marti qaadday magaallada Zurich ee dalka
Switzerland”.
Kabtan C/llaahi Yuusuf Axmed
ayaa looga gacan haatiyey kulan ciyaareed ka dhacayay magaalalada Sanca ee dalka
Yemen oo ay isugu imaanayeen ciyaartooy ka socotay Xiriirka K/Cagta Geeska
Africa ee CECAFA, waxaana kulankaasi uu ahaa mid uu C/llaahi Yuusuf ku doonayay
in uu taageero dhinaca qalabka iyo lacagba kaga helo, waxaase cambaareeyey
xubnaha ku sugan magaallada Muqdisho oo ku tilmaamay in suuqii kala iibsiga
ciyaartoyda (Transfer window) uusan weli furmin, iyagoo sheegay in marka uu
furmo suuqa kala iibsiga ciyaratoyda ay iyagana dhinacooda taageere raadsan
doonaan.
Aan dib ugu soo laabanno
garoonka ciyaaratii waa lagu halgamayaa, inkastoo ciyaartu mareyso 3-2 oo ay ku
gacan sarreyso kooxda Jowhar, hase yeeshee weli waxaa dagaallamayaa ciyaartoydii
kooxda Muqdisho oo iyagu doonaya in ay iska soo gudaan goolkaasi, ciyaartana ka
dhigaan 3-3, waxaa kubaddii soo jiiday Sh. Jaamac oo ah nin Kuusan oo Baalka
bidix ka ciyaaara, lambarka 2-aadna u wata kooxda Muqdisho, mar kasta dhiniciisa
inta badan lagama soo xaroodo, waana nin feejigan oo ciyaartoyda iska tiiriya,
mararka qaarkood wuxuu soo Koroosaa kubbdo qal-qal iyo halis geliya goolka
kooxda Jowhar, hase yeeshee waxaa madaxa ku soo saara Difaaca Jowhar Maxamed
Dheere oo isagu mar walba bixiya kubbadaha hawada sare maadaama uu yahay
ciyaaryahan dheer, balse taageerayaasha Muqdisho ayaa waxay ku qaylinayaan
“Shiikh Jaamacoow Kubadda aad soo Korooseysid ha noqoto mid hoos ku socota!!!”.
Sh. Jaamac si aad ah ayuu u
maqlayay hadallada ay ku dhawaaqayaan taageerayaasha kooxda Muqdisho ee
Tarbuunka garoonka saaaran, waxaana mar kale kubbado uu si wanagsan u soo
qaabeeyey soo dhex dhigay Diilinta 18-aad ee kooxda Jowhar, hase yeeshee waxaa
si fudud u soo bixiya difaaca kooxda Jowhar oo iyagu ku mintidaya in ciyaarta ay
ku soo geba-gebowdo 3-2.
Taageerayaasha labada kooxood
ayaa is fiir-fiirinaya iyagoo si aad ah uga war sugaya natiijada ay ku dhammaan
doonto ciyaartan iyo waqtiga ay dhammaanayso.
La soco
Sabtida soo socota.....
W/D Amiin Yuusuf
Khasaaro
E-Mail amiinkhasaaro@hotmail.com
Faafin: SomaliTalk.com | Jan 1,
2006
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2
| 
Daabaco
Boggan | Print
"Arrintan
argagixisada ee markale la wadwado (la hadal hayo),
Soomaaliya kama jiraan kooxo argagixiso ah, arrintan
waa mid la dhoodhoobeen kuwa u malaynaya in ay isku
maldahaya 'la dagaalanka argagxisada,' si loo maqlo
oo loo taageero. Soomaalidu waa dad Muslim ah,
Waxaana ku faraxsanahay in aan nahay dad Muslim ah.
Haddii ay jiraan Argagixso, Ciidamada Maraykanka ee
jooga Jabuuti, Nairobi iyo Muqdisho qudheeda ayaa
heli lahaa. Sidaas daraadeed waxaa haboon in inta la
hawl galo, la isku dayo in dadka la hawlgeliyo oo
xaqiiqo ahaa la keeno wax ka bedelan xaalada hadda
jirta ee laga yaabo in ay dad ka fa'iidaysanayaan."
Sidaas waxaa yiri Cali Khaliif Galayr |
"Waxa
uu sheegay (Galaydh) in aan argagixiso jirin (Soomaaliya),
laakiin waa jiraan. Waa la xaqiijiyey, waa
ladaabacay. Koox qaramada Midoobey aha ayaa soo
saartay warbixin - waxaa jir warbixin qaramada
midoobey oo shegeysa in ay argagxiso ka jirto (Soomaaliya).
Taas waxaa ka horeysey Markii la qarxiyey
safaaradaha Maraykanka ee Kenya iyo Tansaaniya iyo
markii la qarxiyey Hotelkii Mombasa, waxaa la
muujiyey in qaar kamid ah kuwii ka dambeeyey
falalkaas in ay soo mareen Soomaaliya ama waxay ku
carareen Soomaaliya. Sidaas daraadeed waxaa jira
cadaymo ku filan." Sidaas waxaa yiri Wakiilka
Soomaaliya u fadhiya Qaramada Midoobey Ambassador
Dr. Elmi Ahmed Duale |
"Wadanka
(Soomaaliya) waa ubucda ay ku kobcaan argagixisada
caalamiga ah" sidaas waxaa yiri Cabdullahi Sheekh
Ismaaciil oo ah Wasiirka Arrimaha Dibadda ee Dawlada
Federaalka KumeelGaarka ah ee Soomaaliya, isagoo
sida warku u dhigay, Soomaaliya ku eedeeyey in ay
Xarun u Tahay Ururada Argagaxisada, sida ay qortay
AFP, oo intaas ku dartay in wasiirka Arimaha dibada
ee Soomaaliya uusan faahfaahin magaca, tirada iyo
nooca xarunta argagxisada ee ka jirta dalkiisa, waa
sida warku u dhigaye. Soomaaliya oo ah dal ku yaal
bariga afrika oo 14-kii sano ee ugu dambeysey aan
lahayn dawlad si rasmi ah u shaqaysa, ayey tiri AFP
