Barnaamijkii Radio Xoriyo
30
September. 2005
-
Dagaallo cadowga lagu
jabiyay.
-
Mucaaradka Itoobiya oo
bannaanbixii loo diiday
.
-
Meles Zenawi oo la
kulmay Wafti ka socda
Kaniisadaha Aduunka.
-
Barnaamijkii xog-warran
ee aanu ku eegaynay
xaladaha kusoo kordha gumyasiga
Itoobiya .
======================
Ciidammada xoreynta
Ogaadeenya iyo kuwa cadowga
Itoobiya ayaa dagaallo
culculus iskaga horyimid
meelo kala duwan oo ka mid
ah dalka Ogaadeenya. Sidii
caadadu ahayd waxaa
dagaalladaas lagu naafeeyay
ciidammada cadowga ee sida
qasabka lagu keenay dalka
Ogaadeenya. Dagaalladii u
denbeeyayna waxay u dheceen
sidatan:
10/09/2005 dagaal ka dhacay
Qarruud, oo ka tirsan
degmada Godey, waxaa
ciidammada cadowga ee saama
la-luudka ah lagaga dilay 1
askari, 3 kalana waa lagaga
dhaawacay.
11/09/2005 dagaal ka dhacay
Haar-Dhagax, oo ka tirsan
degmada Fiiq, waxaa cadowga
hororka ah lagaga dilay 7
askari, waxaa sidoo kale
lagaga daawacay 9 askari oo
kale.
22/09/2005 dagaal culus oo
ka dhacay Dhagax-qorane, oo
u dhaw Ceelka Bullaale,
waxaa ciidammada gumaysiga
Itoobiya lagaga dilay 40
askari. Waxaa kaloo lagaga
dhaawacay 30 kale.
Dagaalkani wuxuu ahaa mid ay
ciidammada gumaysigu isaga
yeedheen meelo kala duwan,
iyagoo filayay in goobtaas
ku sugnaayeen madaxda
Jabhadda Waddaniga Xoreynta
Ogaadeenya, hase yeeshee
waxaa sutida u dhigay oo jab
iyo halaag ba’an ciidammada
geesiyiinta ah ee xoreynta
Ogaadeenya.
24/09/2005 dagaal ka dhacay
meesha lagu magacaabo
Neef-Ku-Celiye, oo ka tirsan
gobolka Doollo, waxaa
ciidammada gumaysiga lagaga
dilay 9 askari, 10 kalana
waa lagaga dhaawacay.
Mucaaradka Itoobiya oo
bannaanbixii loo diiday .
Xisbiyada mucaaradka ah ee
Itoobiya ayaa sheegay in
xukuumadda keligii taliye
Meles Zenawi ay ka diiday
codsigoodii ahaa in loo
oggolaado bannaanbax ay
qabtaan maalinta axadda ah.
Xisbiyada mucaaradka ah ayaa
xukuumadda Zenawi ku
eedeeyay inay meel kaga
dhacday xuquuqdii dastuuriga
ahayd, waxayna sheegeen inay
oggolaanshaha bannaanbaxa
mar kale codsan doonaan,
hase yeeshee ay hadda
joojinayaan bannaanbixii ay
taageerayaashooda ugu
baaqeen inay isugu soo
baxaan maalinta axadda ah.
Berhanu Nega oo ka tirsan
madaxda sarsare ee
isbahaysiga CUD ayaa sheegay
in mucaaradku ayna
dadwaynaha ugu baaqaynin
bannaanbax aan la oggolaanin,
hase yeeshee wuxuu diidamada
xukuumadda ku tilmaamay mid
aan tallaabo aan sharci
ahayn oo ka soo horjeeda
xorriyada isu imaatinka ee
dastuurka ku cad.
Dhawrkii maalmood ee la soo
dhaafay waxay xukuumadda
keligii taliye Meles Zenawi
xabsiga u taxaabtay dad
badan oo ka mid ah
taageerayaasha xisbiyada
mucaaradka ah, kuwaasoo ay
ku eedaysay inay inqilaab
diyaarayeen, hase yeeshee
xisbiyada mucaaradka ah ayaa
diiday eeddaas
taageerayaashooda loo
xidhxidhay.
Xisbiyada mucaaradka ah ayaa
doonaya inay xukuumadda
Zenawi kala hadlaan
musuqmaasuqa dooarshada lagu
sameeyay iyo khaladaadkii
sida ulakaca ah loogu
sameeyay go’aan ka gaadhida
cabashooyinkii mucaaradka.
Xisbiyada mucaaradka ahi
waxay soo jeediyeen in la
sameeyo xukuumad ku
meelgaadh ah oo loo dhan
yahay, taasoo soo diyaarisa
doorasho cusub.
Berhanu Nega, oo ka tirsan
guddiga fulinta ee is-bahaysiga
CUD, ayaa sheegay in dadka
xabsiga loo taxaabay ayna ku
jirin kuwo isku dayay inay
qorsheeyaan falal
nabadgelyada wax u dhimi
karta oo xukuumadda lagaga
soo horjeedo.
Meles Zenawi oo la kulmay
Wafti ka socda Kaniisadaha
Aduunka.
Sida ay qortey Wakaalada
waraka ee Itoobiya waxaa
maalintii Arbacada Magaalada
Adis Ababa kulan ku
dhexmaray wafti uu
hogaaminayo wadaadka lagu
magacaabo Samuel Kobia oo ah
Xoghayaha Kaniisadaha
Aduunka iyo Melez Zenawi.
Ujeedada booqashada
wadaadkan wuxuu qayb ka ahaa
sidii xal loogu heli lahaa
xalaada sii murgeysa ee u
dhaxeysa maamulka kaligii
Taliye Melez Zenawi iyo
Kooxaha Mucaaradka ee ka
cabanaya natiijadii ka soo
baxdey doorasho ku sheegtii
ka dhacdey wadanka Itoobiya
bishii May ee sanadkan.
Hadaba, waxaa aad looga
cabsi qabaa in talada
wadanka Itoobiya faraha ka
baxdo ama dhaco dagaal gacan
ka hadal ah, ka dib markii
koxaha mucraadku
go’aansadeen in aysan aqbali
doononin natiijooyinka
doorashada , isla markaana
aysan ka qayb qaadan doonin
baarlamaanka dhoodhoobka ah
ee hawlgalkiisa bilaabi
doona bisha October 10,
2005.
Si kastaba ha ahaatee
Itoobiya oo ka mid ah
wadaamadii aasaasey ururka
Kaniisadaha Aduunka ayaa
waxaa muuqata in isha keliya
ee hadhay ee
dhex-dhexaadinaysa Melez iyo
kooxaha Mucaardku inay tahay
wadaadada ka socda
Kaniisadaha.
Dhex-dhexaadinta Melez iyo
kooxaha mucaardka ayaa waxaa
aad isagu dayey Midowga
Yurub iyo Xarunta Madaxweyne
Carter, balse iridaasi waxay
soo oodantay markii Melez la
marsiin waayey in xal laga
gaadho waxyaabaha la isku
khilaafsan yahay, isaga oo
si ka baxsan nidaamdka
diblomaasinimada jawaab uga
bixiyey warbixintii Midwoga
Yurub ka soo saarey
natiijadii doorashada
Itoobiya oo uu ku tikaamey,
mid "qashin ah"
BARNAAMIJYADA KALE EE
XORRIYO HALKAN KA DHEGEYSO
Radio Xoriyo
30 September. 2005
Axmed Gaal-Eri
radioxoriyo@ogaden.com
raadioxoriyo@yahoo.com
Radio Xoriyo waxaad ka
dhegaysan kartaa Mawjadda 19
MB ee dhererkeedu yahay
15670 KHZ, Maalmaha
Talaadada iyo Jimcaha 7:
30PM waqtiga Afrikada Bari