Baaq uu soo saaray ururka
darwiish devolopment youth
forum{D.D.Y.F}
BAAQ KUSOCDA UMADA
SOOMAALIYEED!!!!!
Baaqan wuxuu kasoo baxay
xafiiska gudoomiyaha D.D.Y.F
Abdirizak A.ali kaneec.
Soomaaliya waxay qarka u
saarantahay meel haddaan
hadda wax laga qaban aan
Soomaalidu kasoo kaban
doonin Qarniyaal. Sababtaas
awgeed ayaa waxay bilawday
barnaamij ku jihaysan
ummadda Soomaaliyeed
meelkasta oo ay joogto.
Barnaamijkaas oo ah mid
ummadda Soomaaliyeed oo dhan
u furan. Si dhexdhexaad ahna
uga hadlaya xaqiiqada jirta
iyo khasaarooyinka ku soo
fool leh Soomaaliya haddii
aan laga gaashaaman.
Yoolka ugu weyn ee
qorayaasha higsanayaan waa
badbaadada jiilka cusub iyo
kuwa soo socda. Ilaah ayaa
wax badbaadiya. Waxaa
laynooka baahanyahay ficil.
Dhammaan dhallinyarada da'da
yar ee hadda ku dhaqan
Soomaaliya mahelin
waxbarasho rasmi ah. Waxayna
muddo dheer kusoo dhexjireen
goob colaadeed. Taasi waxay
kuu muujineysaa in khasaare
aad u ballaarani halkaas
kasoo socdo. Waxaan
dhumineynaa jiil, waxaa
taasi sababeysaa in aan
kaharro dhammaan adduunka
intiisa kale.
Waxaa burburay dhaqankii soo
jireenka ahaa ee Soomaalida
kaas oo kusalysnaa diinta
Islaamka. Taasi waa dhibaato
u baahan xalkeeda. Waxaa
burburay aqoontii iyo
kaydkii ummadda u dhexeeyey.
Waxaana adag kasoo kabashada
arrimahaas.
Soomaalidu waxay ahaan
jireen dad aad u xeeldheer
oo fekerkoodu sarreyo,
waxayna ahaan jireen dad
firfircoon oo kadhiidhiya
waxyaabaha khasaarada
maguuraanka ah sababi kara.
Waxaana habboon in markale
ay Soomaalidu dib u soo
celiso arrimihii wanaagsanaa
ee lagu aqoonjirey.
Waxay u muuqataa in
dhibaatada badankeeda ay
sabab utahay Soomaalida oo
katagtay asalkii. Waxaan
asalka uga jeedaa diinta
rasmiga ah ee Islaamka.
Soomaalidu waxay soo
tijaabisey xeerar badan.
Haddii xeerarkaas aan wax
kaxusno waxaa kamida:
Diimoqraadiyadda,
shuuciyadda, xeerka qoyska,
iyo dawlad la'aan. Waxaa u
dhiman in ay tijaabiso
diinta Islaamka. Waana midda
keliya ee Soomaalidu ku
badbaadi karto.
Waxaan kusoo gabagaynayaa
aan niyadsami u qaadanno
asalka, colaadii horena ku
beddello wanaag. Arrintaas
iney suurta galtahay waxaad
tusaale u soo qaadataa
labadii qabiil ee dagaalka
aadka u darani kadhexeeyey
ee Aws iyo Khasraj markii ay
qaateen diinta islaamka
waxaa Ilaah dhexdhigay nabad
iyo barwaaqo.
Waxaana ugu baaqayaa
qofkasta oo Soomaali ah in
uu ka qayb qaato dib u
dhiska waddanka si niyad ah
Baaqan waxa soo saaray
abdirizak A.ali kaneec
Gudoomiyaha ururka D.D.Y.F
abdirizak A.ali kaneec
kaneec1@hotmail.com
Faafin: SomaliTalk.com | Sept 28, 2005
UNHCR oo Qaar ka tirsan Qoxootiga Xerooyinka Dhabaab dib u
celisay Soomaaliya
Qaxootigaas oo maanta dib
loogu celiyey Magaalooyinka Gaalkacyo iyo Boosaaso...
Guji... Aug 16,2005
WARBIXINADII HORE EE XERYAHA
QAXOOTIGA EE SOOMAALIDU KU JIRAAN EE KUYAAL KENYA
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 |