War-1-28,09,05.dhadhaab,Garissa.
Hayadda Qaxootiga
ee Dhadhaab 120 Qaxooti
Somaaliyeed dib ugu celisay
Zoonka 5-aad dalka Itoobiya .
Qaxootigan ayaa ka dalbadey
in dib loogu celiyo
wadankooda hooyo oo ay ka
soo qaxeen dagaaldii
Somaaliya iyo Itoobiya ee
1977.
Qaxootigan ayaa markii hore
u qaxay Somaaliya sannadii
1977,iyagoo ku jiray xerada
qaxootiga ee lama galaan oo
ku taala magaalada
Beledweyne ee gobolka
Hiiraan.
Dagaaladaii Sokeeye ayey ka
soo qaxeen Somaaliya 1991.
Guddoomiyaha Qaxootiga
Soomalida ee Xerada IFO
Maxamed Cabdi Cali oo ku
magac dheer xawaadle ayaa ii
sheegay in markii uu
Itoobiya ka soo qaxay 1977 da`diisu
aheyd 16 jir ,28-sanno kahor
uusan garan Karin reerkiisa
halka ay hadda jiraan ama ay
hadda ay degan yihiin.
Qaxootigan ayaa badankooda
waxa ay ku dhasheen Somaliya
iyo Kenya wallow uu
walidkood ka yimid Zoonka
5aad (Itoobiya).
Qaxootigan ayaa Xerada IFO
waxa ay kaga baxayaan 2-Bus
waxa ay tagayaan magaalada
Nairobi oo ay ka raacayaan Itoobiyan
Airline ,ka dib waxa ay
tagayaan Zoonka 5-aad .
UNHCR iyo Dawlada Itoobiya
ayaa isla meel dhigay dib u
dejinta qaxootiga Soomaalida
ee dhulka Ogaadeenya,waxaa
horey loo siiyey US$170
Qofkiiba iyo caagag,weelal
maacuun iyo
balankeedyo,bacaha waaweyn
ee guryaha kor laga saarto
iyadoo hayada WFP ay ugu
diyaarisay raashin muddo
9-bilood ah Itoobiya.
Qaxootigan ayaa loo sheegay
in ay dib u soo noqon karaan
hadii ay dhib la kulmaan Nolosha
halis gasho wallow ay
dalbadeen dib urarida
wadankooda.
Dadkan qaxootiga ah ayaa
wajiyadooda farxad ka
muuqatey ,waxay ii sheegeen
in ay u mahad celinaayaan
Hayadda UNHCR iyo dawlada
Kenya ,mana ayan sheegin wax
dhib ah oo ay kala kulmeen
Kenya intii ay qaxootiga ku
ahaayeen.
Qaxootigan Somali
Itoobiyaanka ayaa tiradooda
aheyd 2000, hadda waxaa
xerada ku haray Qaxooti
gaaraya 1880 qof, waxay
qaxootigan isu jiraan rag,
dumar ,caruur iyo Waayeel.
Bilaha soo socda qaar ka mid
ah qaxootiga haray ayaa dib
loogu celin doonaa
wadankooda.
Qaxootigan Soomalida ayaa ah
kuwii labaad oo dalkooda dib
loogu celiyo,kuwii ka horeey
ayaa bishii AGOST dib loogu
celiyey 16-qoys Boosaaso iyo
Gaalkacyo,tan iyo markii ay
Soomlida yeelatay Dawlada
Fedelaal KMG ee Soomaalida
oo sanadkii lasoo dhafey
lagu dhisay Nairobi ,Kenya.
Dhamaad.
Abdikarim Aden Hussein.
Dhadhaab,GARISSA.