Minneapolis:::
Shirkii Lagu soo dhawaynayey
Wasiirka Horumarinta Reer miyiga
DFKMG
- Faafin:
SomaliTalk.com | Sept 23, 2005
 Waxaa
lagu qabtay Brian Coyle Community Shir lagu soo dhawaynayey
Wasiirka Horumarinta reer Miyiga DFKS Mudane Maxamed Maxamud
(Gacma dheere), shirka oo dheeraa daraadeed oo ay ka hadleen
waxgarad iyo Masuuliyiintii Soomaaliya ee hore kamida,
laguna soo dhaweeyey Wasiirka, waxaan kusoo koobaynaa
hadalka wasiirka oo kaliya.
Wasiirku ma jeedin khudbad
dheer sida lagu yaqaanay Madaxda Soomaalida, wuu ka duwanaa
taas oo wuxuu layimid caado aan lagu aqoon Madaxda
Soomaalida mudana inay uga daydaan, taasoo ahayd inuu wax
yar kadiba uu' u furay dadwaynihii goobta joogay inay
waydiiyaan su'aashii ay rabaan iyagoo waliba isticmaalaya
codkooda ee aan qoraal ahayn ama laga gudbinayn. Khudbada
wasiirka oo aan idiin soo koobnay waxay ahayd sidan;
"Dowlada
warkeeda waxba idinkuma seegana waad lasocotaan, waxaana ka
hadlayaa waxyaabo kooban oo hadafka dowlada ah sida;
- Dibuheshiisiinta
Nabadgalyada Guud
- in hayadahii dowlada
dhamaantood dibloo howl galiyo"
- In Maamuladii Gobalada
iyo Dagmooyinka la dhamaystiro
 Waxaa kamida Wasiirka
Horumarinta reer Miyiga Mudane Gacma dheere markuu ka
hadlayey khilaafka u dhaxeeya Xukuumada dhexdeeda iyo
Baarlamaanka dhexdiisa ee kala dagan Magaalooyinka Jowhar
iyo Muqdisho yiri:"Khilaafka dowlada ee aad maqasheen mid mabda ku
dhisan ma'ahan waa mid ku dhisan shakhsi nacayb taasina waa
sahlan tahay, waxaa lagu dhamayn karaa labadii shakhsi oo
heshiiya, waa ilaahay mahadii hadaysan mabda ku salays nayan".
Wasiirku markuu ka hadlayey
Imaatinkoodii New York iyo waxa ay kala kulmeen wuxuu yiri "Imaatin
kayagii wuxuu ahaa muhiim Madaxwaynuhu wuxuu la kulmay madax
badan oo Caalamka kasocota oo aan usuura gasheen haduu
Soomaaliya joogi lahaa dhaqaalaha dartiis"
Wasiirku wuxuu u mahad
celiyey Jaaliyada reer Minnesota waxaana hadalkiisii kamid
ahaa" Waad kumahad santihiin sidaad dowlada u taageerteen oo
aad ilaa New York noogu timaadeen" isagoo hadalkiisii sii
wata xasuusinayana sida ay jaaliyadaha dibada jooga umadooda
wax ugu qaban karaan wuxuu yiri" Waxaan idiin sheegayaa
inaad dowlada wax wayn tari kartaan, sida hadaba laga
sharqaminayey inaad intiina badan dhalashada wadankan aad
qaadateen, hadaba waa inaad ka faa'iidaysataan codkiina
marka aad cod bixinaysaan, waxaad codkiina ku badalan
kartaan in Baarlamaan ka Dowlada Maraykanka uu wax u qabto
dowladiina, waa inaad cashar ka qaadataan dadka yuhuuda ah
sida ay awooda ugu leeyihiin Dalkaan iyo Yuruba, sida ay
codkooda isugu geeyeen oo dalkoodii wax uga tareen iyagoo
halkaan jooga sida ay Nuclear usamaysteen ........".
waxaa ka mid ahaa wasiirka
hadalkiisii markuu ka hadlayey Soomaalida iyo waagii hore "Soomaalidu
waa isku mid meelay joogaanba... waxaan soo gaaray anigu
Baasaborka Soomaaliga oo Yurub Visa loo qaadan, dhalin
yarada Maraykankuna Faa'iiday u haystaan...............
wixii su'aala oo wax dhisaya waa la iwaydiin karaa".
dadkii oo saf ugu jira inay su'aalahooda jeed sadaan
Hadalka Wasiir Gacmo dheere
oo aan soo koobnay intaasaan uga baxaynaa, su'aalaha la
waydiiyey wasiirka intooda badan waxaan uga kaaf toomaynaa
waraysigii aan la yeelanay Maalintii xigtay shirka,
su'aalahii la weydiiyey waxaa kamid ahaa:
1- Mudane Wasiir hay'adaha
Jowhar katagay maxay uga tageen.......?
Jawaab: Dowlada waxaa lagu
qasbay inay Soomaaliya u guurto hay'ada badan ayaana yimid oo
xafiisyo ka furtay sida AU, AEU, IGAd, Carabta iyo UN-taba,
Qolyaha Xamar jooga ayaa yiri waxaan ladagaalamaynaa
Dowlada, sidaasay Hayaduhu ku baxeen waana kuwii horay u
joogay iyadoo ninkii gobalka haystay uu leeyahay habixina
ayey baxeen, hadana waxay yiraahdeen waa soo laabanaynaa
kadibna isagoo canaad uga dhigaya ayuu yiri soo laaban
maysaan.
2- Mudane hadba kiinii isla
Sawira Senator wuxuu moodayaa inuu Maraykanka u dhowyahay
Maxaa idiin qabsoomay idinka( Qaybta Jowhar joogta)
Jawaab: Wixii noo qabsoomay
iyana waa u qabsoomeen wixii naga ba'ana waa ka ba'een,
iyana ma qabo inay diidan yihiin Dowladnimo iyo aqoonsi,
wax bay tabanayaan Calan ayaan doonaynaa, 275 xubnood ayaa
Baarlamaanka Xubin ka ah cid lasoo doortayna majirto.
3- Mudane Wasiir Maxaad
Dhaqaale hesheen Maxaadse Aqoonsi hesheen?
Dowlada waa la aqoon san
yahay, waxaan idiin sheegayaa Soomaaliya oo dhan haday
heshiiso cidii rabta way aqoonsan cidii rabtana waa
diidaysaa, laba sano ayaan Kenya fadhinay in kuli nala
aqoonsado oo hadba shirka dib ay u dhigaysay Dowlad si loo
xaliyo khilaafka taas waa laga soo gudbay oo waa taan ku
heshiinay, arinta dhaqaalaha waxaa nala yiri shaqaysta si wax
la idiin siiyo EU-da $40 Millyan ayey nasiiyeen, Carabta $27
Millyan waxayse diideen in lacagta nala siiyo oo waxay
yiraahdeen Soomaalida lacagaha waa lala maamulayaa, hada ka
hor mar Madaxwaynuhu la kulmay Boqorka Sucuudiga haysta
wuxuu yiri Beenta iska daaya shacabkiinana ka daaya, Maalin
ayaa Golaha wasiirada Madaxwaynuhu isugu yeeray una sheegay
inuu Telafoon ka helay Boqorka Sucuudiga hade waa iyagii
kulmay.............Boqor iyo Madaxwayne kulmayna waxay is
dhaheen lama oga.
Kayse oo su'aal waydiinaya
wasiirka
4- Su'aashan waxaa way
diiyey Kayse oo Mudo ku xirnaa Maraykan Marna Soomaaliya loo
tarxiilay hadana dib loo soo celiyey. "Lix kun oo ku rafaadsan Xabsiyada ayaan wakiil ka ahay, waxaan rabaa inaan
ogaado waxay dowladu ugu tala gashay?.
Jawaab: Waa lasoconaa
aritaas waanaloo keenay, hada 43 xubnood ayaa magacyadoodii
nalagu soo wareejiyey waxaana uga soo jawaabaynaa si aan
idinka hiilinayn.
5-Mudane Wasiir Waxaa la
sheegay ciidamadii Jowhar yimid inay wateen Calanka
Itoobiya, macalanka Soomaaliya ayaa la waayey? Maxay
ahaayeen Ciidamadaas maxaa ka jira arintaas?.
Jawaab: waxaan rabaa inaan
su'aal kugu celiyo Adigu marumaysatay?........Waa arin aan
dhici karin, ninka sheegay iyo kan rumaystaa waa isku cayn,
waa Barabugaando Itoobiya iyadaanba ogolayn in Calankeeda
laqaato...........
6- Maxay yihiin Nimanka
jowhar lagu xirxiray?
Jawaab: Magaalada Jowhar
hubka lalama dhex maro, nin hub haysan karo majiro oon
dowladu ogayn, hadii qof qariiba yimaado waa lasoo
xaqiijinayaa, marka waa la adkeeyey amaanka wixii yimaada
waa la koontoroolayaa, hadii la garan waayana waa la
tarxiilayaa, dad badan ayaa Booliska la dirira waa jiraan
dad badan oo laxiro kadibna lasii daayo laakiin siyaasad uma
xirxira.
Intaa waxaa inoogu eg Kulan
kii lagu soo dhawaynayey Wasiirka iyo sida uu'udhacay isagoo
kooban, hadaan milicsano jaaliyadaha dibada iyo sida ay usoo
dhaweeyeen labadii waftiba waxaad is oran kartaa waxay
dareen san yihiin dhibaatada Dowlad la'aanta iyo Baasaboor
laa'aantu ku hayso iyo sida ay san wax tixgalin ah ugu
haysan meelo badan oo aduunka ka mida hadii dhibaato loo
gaystana ay hadur tahay, hadaba miyey san haboonayn inay
fahmaan labada dhinac ee Jowhar iyo Xamar inaysan ahayn xili
la is Khilaafo ama la is mucaarado maadaama aysan jirin wax
lahayo oo la isku khilaafo ama la isku mucaarada?!!.
miyaanayse xasuus nayn in Dowlada Soomaali oo dhan sugayso
ee aysan ku koobnayn 275 iyagu is doortay shacabkuna "aqbalay"
bal si uun wuxuun loo helo?!! haday iyagu jagooyinkii qayb
sadeen soo ma dhimana qaybtii shacabka, goormay soo gaarsiin
doonaan?!!.
dadwaynihii shirka kasoo
qayb galay
Kayse
Faafin: SomaliTalk.com | Sept 23, 2005
Waraysi:
Wasiirka Horumarinta Reer
Miyiga DFKMG, Maxamed Maxamuud (Gacma-dheere)...
Dhegeyso
Waraysi:
Dr. Sifir, Xildhibaan Sakariye,
Xildhibaanad Caasha iyo Xildhibaan Daryeel...
Dhegeyso
| 
Daabaco
Boggan | Print