Barnaamijkii Radio Xoriyo
23 September. 2005
-
Eritrea oo ka digtey dagaal
ka qarxa xuduuda ay la wadaagto Itoobiya.
-
Lix Milyan Itoobiyaan ah
oo u halis ah cudurka duumada.
Maraykanka oo sheegay in uu taageersanyahay dawlad ka
dhalata Soomaaliya.
-
Iyo Barnaamijkii aanu kaga
hadlaynay dabaqoodhiga,waxbaqoodhiga iyo hagardaamada ay
ku hayaan shacabka Ogadenya(qaybtii ugu dambaysay).
======================
Eritrea oo ka digtey dagaal ka qarxa xuduuda ay la wadaagto
Itoobiya.
Wasiirka Maaliyada ee Eritrea
Berhane Abrehe ayaa hadal uu ka jeediyey xarunta Qaramada
Midoobey ka digey in dagaal mar kale ka qarxo soohdinta uu
dalkiisu la wadaaago wadanka Itoobiya, hadii Qaramada
Midoobey xalin weydo xurgufta soohdinta ee u dhaxeysa labada
dal.
Wasiirku wuxuu hadalkiisa ku
sheegay in Eritrea ka go’antahay sidii ay u difaaci lahayd
una badbaadin lahay dalkeeda si kasta oo suurtowda.
Isagoo ku nuuxnuuxasdey in ay Jamciyadda Quxumaha ka
dhaxeysa iyo dawladda Itoobiya ay masuul ka yihiin wixii ka
soo baxa dagaal mar kale ka bilbaama xududa labada dal,
hadii aan xal loo helin haysashada dhulka oo uu ka wado
Magaalada Baadame, taas oo bishii Dismber 2000 uu gudi
madaxbanaan oo loo xilsaarey xalinta xuduuda labada dal
siiyey Magaalada Badame Wadanka Eritrea. Go’aamada gudigaas
oo ay labada wadanba saxeexeen in ay u hogaansami doonaan,
ayaa Itoobiya ilaa hada ka biyo diidantahay in ay u
hogaansanto, iyada oo weli gacanta ku haysa Magaalada Badame,
halkaas oo ay labada dal ku kala hor fahdiyaan ciidamo ka
socda Jamciyadda Qurumaha ka dhaxeysa.
Lix Milyan
Itoobiyaan ah oo u halis ah cudurka duumada.
Hay’ada caruurta ee UNICEF
ayaa ka digtey in qiyaastii 6 milyan oo caruurta Itoobiya ah
ay halis u yahiin cudurka Duumada.
Warbixin ay hay’adu ka soo
saartey wadanka Itoobiya ayaa waxay ku sheegtay in loo
baahan yahay ugu yaraan $22 milyan oo doolarka Maraykna ah
si looga badbaadiyo dhismasho tobanaan kun.
Hay’adda UNICEF, waxay
sheegtay in ay hada si deg-degsiyo ah ugu baahan tahay $21.9
milyan si ay ula dgaalaanto cudurka duumada oo fara ba’an ku
haya Itoobiya iyo sidii wadanka loo gaarsiin lahaa talaalka
cudurka dabeysha, loona gaari lahaa 963,855 qof oo u baahan
biyo. Waxaa kale oo ay intaas ku dartey in olola talaalka
dabeysha ee la qorsheeyey bilaha October iyo November uu si
aad u hooseysa loo maalgeliyey.
Sida ay qortey hay’ada wararka
ee Qaramada Midoobey, waxay ay UNICEF wal wal ka muujisay in
roobab aad u da’a iyo saf marka duumadu aad u bato bilaha
Octoober ilaa Disember.
Maraykanka oo sheegay in uu
taageersanyahay dawlad ka dhalata Soomaaliya.
Kaaliyaha xogahayaha arimaha
dibadda ee Mareykanka u qaabilsan arimaha Afrika ayaa midba
si gooni ah u qaabilay Madaxweynaha dowladda DKMG Cabdulaahi
Yuusuf iyo Gudoomiyaha Baarlamaanka Shariif Xasan Sheekh
Adan intii ay booqashada ku joogeen Magaalada New York.
Habadaba, qoraal loogu talo
galay warbaahinta oo ay soo saartey waaxda amuuraha dibadda
ee Mareykanka bishan Sept 20, 2005 ayaa waxaa lagu cadeeyay
in Mareykanku uu wado in xiriiro aan caadi aheyn uu la
yeesho qeybaha DKMG.
Kaaliyaha Xoghayaha Arimaha
Dibadda ee Mareykanka Donald Yamamotto ayaa kulamada uu la
kala yeeshay Shariif Xasan iyo Cabdulahi Yusuf ku xusay in
Mareykanku taageersan yahay in Soomaaliya yeelato dawlad
Shaqeysa iyo in loo baahan yahay in meel dhexaad ay isugu
yimaadaan qeybaha kala gedisan ee DKMG oo ay xaliyaan
xurgufta ka dhaxeysa.
Donald Yamamotto wuxuu u
cadeeyay madaxda labada mas’uul taageerada Mareykanka uu u
hayo dowlad Soomaaliyeed oo shaqeysa, waxa uuna ku booriyay
in ay qaadaan talaabooyin deg deg ah si loo yareeyo
xiisadaha , loona galo wada xaajoodyo miro dhala.
Dhinaca kale, madaxa ciidamada
Mareykanka ee Geeska Afrika Gen. Timothy Ghormely ayaa ka
digey in kooxaha argagaxisada ku soo fidayaan Geeska Afrika,
kuwaas oo ka soo kicitimaya wadamada Ciraaq iyo
Afkaanistaan.
Waxa kale oo uu Jeneraalku
sheegay in Maraykanka ay walaac ku tahay amaan darada iyo
dowladaha aan itaalka laheyn ee ku yaala Geeska Afrikaka in
ay sabab u noqoto in kooxaha Argagixisada caalamiga ay ka
soo doontaan saldhig howlgalo ay ka fuliyaan Gobolka Geeska
Afrika..
Jeneraal Timothy wuxuu uu
intaasi ku darey in hadda kahor la arkey kooxo argagaxisa ah
oo Gobolka imanaya iyagoo soo maraya wadamada Ciraaq iyo
Afgaanistaan, balse ay hadda deegaano ka sameysanayaan
wadamada ay dagaaladu ka jiraan.
Ciidamada la dagaalanka
Argagixisada Mareykanka ee jooga dalka Jabuuti ayaa waxa ay
gacan ka geystaan tababarida ciidamo shisheeye iyo in la
dhiso awooda la dagaalanka Argagixisada dowladaha ku yaala
Gobolka..
Si kastaba ha ahaatee,
dawladda Itoobiya ayaa iyadu aad u buunbuunisasaaraha in
kooxo aragagixso ah ku sugan yihiin Soomaaliya., gaar ahaan
koonfurta Soomaaliya oo ay ugu horeyso Magaalada Muqdisho .
HALKAN KA DHEGEYSO QAYBAHA KALE EE
BARNAAMIJKA
Radio
Xoriyo
23 September. 2005
Axmed Xidig
radioxoriyo@ogaden.com
raadioxoriyo@yahoo.com
Faafin: SomaliTalk.com | Sept 23, 2005
Qaar
Kamid ah Odayaasha iyo Waxgaradka Puntland oo Jaaliyadda
Soomaalida Australia Ka Codsaday in
Arrinta Heshiiska
shirkada Shiidaalka & Puntland iyaga Loo Daayo ilaa...
Guji... Sept 19
Booqashadii
Madaxweynaha Soomaaliya, Cabdullahi Yusuf, ee New York
Soomaali aad u farabadan ayaa ka safray Minnesota..
Guji
Sept 19
Waraysi: Xildhibaano
Ka Tirsan Baarlamaanka DFKMG iyo Ra'iisul wasaare Kuxigeenka Koowaad
Xubnaha
DFKMG ee SomaliTalk waraysiga la yeelatay waxay kala yihiin Dr. Sifir, Xildhibaan Sakariye, Xildhibaanad Caasha
iyo Xildhibaan Daryeel oo booqasho ku yimid Minnesota, waraysigii
Halkan ka dhegeyso.
»»
WARAYSI:: C/LAAHI
AXMED CADDOW (Nairobi,
Kenya)
Sannad baa dhammaaday, waxna lama qaban....
akhri...
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 |