Kulan cilmiyeed diini ah oo
lagu soo gabagabeeyey
magaalada Gaalkacyo
Kulan cilmiyeed lagu qabtay
magaalada Gaalkacyo mudadii
u dhaxaysay 07shacbaan ilaa
15 shacbaan 1426 hijriyada
oo ku beegnaa 09 September
ilaa 17september, 2005 ayaa la soo gabagabeeyay
xalay , kaasoo looga
hadlayay ujeedooyinka(
maqaasidda) shareecada
islaamka loo soo dajiyay ,
culimaddii ka soo qayb
gashay waxay ka soo
jeediyeen duruus iyo
muxaadarooyin kala duwan
aadna u ahmiyad fogaa, oo ay
ka mid ahaayeen in
shareecada loo soo dajiyay
ilaalinta shanta dhidib ee
nolosha dadku ku xirantahay
oo kala ah:
Ilaalinta Diinta, Nafta,
Caqliga Maalka, Taranta,
waxay culimadu intaas
raaciyeen in ilaahay
shareecad u soo dajiyay
maslaxadda iyo danta
banii'aadamka.
Ujeedooyinka kulan
cilmiyeedyada noocan ah.
-
Culimada ayaa ujeedooyinka
ay u qabanayaan hawlahaan
aadka u fara ha badan ee
khayrka ah ku tilmaamay.
-
Gudashada waajibaadka
culimanimo ee fidinta
khayrka iyo ka hortaga
sharka
-
Islaaxinta iyo hagaajinta
ummada soomaaliyeed guuda
ahaan
-
Ka hortaga faafida fasaadka
dhinacyadiisa kala duwan ee
diineed , akhlaaqeed,
dhaqaale, iwm
-
Dhiiri galinta nabad galyada
iyo sidii loo heli lahaa
mujtamac nabad iyo is jacayl
ku wada noolaada
Hawlaha kale ee culimadu
qabteen.
Waxay sidoo kale bixiyeen
duruus ka hadlaysay nabad
galyada, walaalnimada kuwaas
oo bulshada magaalada
Gaalkacyo ku nool ay aad uga
faa,iidaysteen uguna
riyaaqeen
Dhanka kale waxay culimadu
ka jawaabeen su,aalo aad u
fara badan oo ku saabsanaa
diinta dhinacyadeeda kala
duwan, taasoo ay uga
gol-lahaayeen iftiiminta
waxayaalaha mugdiga uga jira
dadwaynaha
Meelaha lagala socday waxaa
ka mid ahaa, dhamaan
magaalada Gaalkacyo,
Goldogob, Burtinle iyo
Paltalk-ga oo ay jaaliyadaha
dibadu kala socdeen,
Bulshada kala duwan ee
dhagaysanaysay waxay
muujiyeen baahida wayn ee ay
u qabaan kulamada noocan oo
kale ah, waxayna dadwaynuhu
si adag u dalbadeen in lagu
soo noqnoqdo oo culimadu
aanay ka daalin dadaalka ay
wadaana ay labalaabaan ,
waliba gobolka Mudug oo
dhibaatooyin ba,ani ka
taaganyihiin in ay khayrka u
soo celceliyaan si dadka ku
dhaqani uga faa,idaysataan
waxna ugu qaataan
Xiritaankii xafladaas.
waxaa ka soo qayb galay
isimada gobolka qaar ka mida,
iyo ganacsatada, waxay iyana
ka codsadeeen in culimadu
aysan noqon markii ugu
danbaysay ee ay u yimaadaan
balse ay joogteeyaan
hawlahaas wacyi galinta ah
waxayna maamulka gobolka ugu
baaqeen in uu la garab
istaago taageero maal iyo
maskaxeed sidii hawlahaasi u
fududaan lahaayeen, waxaana
ka mid ahaa ismadii xafladaa
ka qayb galay.
-
Garaad Maxamed Cilmi Shirwac
-
Suldaan Maxamed Jaamac
Juunle
-
Suldaan C/salaam Suldaan
Maxamuud xaaji
-
Caaqil C/Wahaab maxamuud
gureey
-
Culimadii waday kulan
cilmiyeedkaas
-
Shiikh Shariif Maxamed (
Shariif Dawiil)
-
Shiikh C/Laaahi Cali Xaashi
-
Shiikh Aw-Axmed Xaaji C/Raxmaan
-
Shiikh Jaamac C/Salaam
-
Shiikh Mahad C/Laahi
-
Shiikh Bashiir Jaamac Kitte
-
Shiikh Axmed Ducaale
-
Shiikh Fu,Aad Maxamuud Xaaji
-
Shiikh Axmed C/Samad
xafiiska dacwadaiyo
tarbiyada
dacwah@hotmail.com