Global
Call To Action Against Poverty
Baaqa
ciribtirka saboolnimada
Maalinta
labaad ee isticmaalka Marada Cad.
Waxaa maalintii
shalay ahayd xarunta hay’adda SOCDA ka dhacay shir jaraa’id
oo ay kaga hadlayeen ciribtirka saboolnimada, waxaana
baaqaasi ka qaybgalay qaybaha kala duwan ee bulshada waxaana
ugu horeyntii ka hadley Cabduqaadir Khaliif Shiikh Yuusuf
oo sheegey in caalamka uu dadaal ugu jiro sidii ug bixi
lahaa Saboolnimada maadaama ay maalin kasta ay gaajo ugu
dhmanayaan kumanaan kun oo qof waxaa kale oo halkaa ka
hadley Cabduqaadir Ibraahim Gacal Abkow oo sheegey in
soomaalia ay ka mid tahay dalalka ugu saboolsan dunida ayna
ugu darsameen Dowlad la’aan, dagaalo sokooye, Cudurro iyo
wixii la mid ah.
waxaa kale oo
halkaas ka hadlay Guddoomiyha Hy’adda INXA C/naasir Axmed
Cismaan oo sheegay in cadaalada-darada ay ka mid tahay
waxyaabaha sii kordhiya Faqriga taasina waa mid ka mid ah
qodobada ugu muhiimsan in dadka soomaaliyeed ka baxaan.
waxaan shirkaa jaraa’id kaddib Hay’adda SOCDA ay soo
saartay Baaqaan.
Sida aad
xasuusataan u heelanayaasha bulshada rayidka ee caalamka oo
dhan ayaa u huray naftoodii sanadka 2005ta si ay u
cadaadiyaan hoggaamiyayaasha caalamka iyo hay’adaha awoodda
u leh in ay wax ka qabtaan dhibaatada saboolnimada ee dunida
ka jirt gaar ahaan sannadkani wuxuu leeyahay ahmiyad weyn
waayo xubnaha Qaramada Midoobey ayaa waxa ay qiimeyn ku
sameyn doonaan horumarka la gaaray tan iyo muddadii la
dhaqan geliyay higsashada gaarista yoolalka kun Sanaadka
(MDGs) ee 2000, waxqabadka wuxuu ku saabsan yahay horumarka
laga sameeyay dhinaca sideedda bartilmaameed ee higsashada
gaarista yoolalka Kun sannaadka oo ay ka mid yihiin.
· Dabargooynta
saboolnimada iyo gaajada
· Helidda waxbarasho
asaasi ah oo guud
· Kor u qaadidda
sannaanta jinsiga iyo awood-siinta haweenka
· Dhimidda
dhimashada carruurta saqiirta
· Kor u qaadidda
caafimaadka hooyada
· la dagaalanka
HIV/AIDS, Duumada iyo xannuunada kale
· Hubinta
dhowrsananta deegaanka
· kobcinta
iskaaashiga caalamiga ah si horumar loo gaaro
Qadiyadda saboolnimada waxa
weeye halka aan diirada saareyno oo can ku ah ololaha MARADA
CAD oo cid walba ku xiran karto meeshii ay doonto, u
heelanayaasha soomaaliyeed waxay ilaa iyo hadda ka jawaabeen
dhacdooyinka ugu waaweyn sida:
b) Xiriir isgaarsiineed oo ay
la yeesheen dhammaan safaaradaha iyo hay’adaha sare ee
dalalka lagu magacaabo G8 ee uu fadhigoodu yahay dalka
Kenya, dowladahoodana ay ku leeyihiin awood lixaad leh
hay’adaha maaliyadeed ee caalamka sida: Bangiga adduunka iyo
Hay’adda lacagta adduunka.
t) Waxaan la qabnaa bulshada
caalamka inteeda kale xusidda munaasabada taariikhiga ah ee
lagu xusay maalinta carruurta Afrika oo ku beegneyd 16-ka
June 2005.
j) Annagoo si wadajir ah ula
shaqeyneyno dadka adduunka u lololeeya la dagaalanka
saboolnimada, waxaan ugu baaqnay wasiirada maaliyadda ee
Midowga Yurub shirkoodii ka dhacay dalka Luxemburg, 7-dii
bishii June 2005 si ay uga soo baxaan siyaasado lagu kalsoon
yahay oo loogu talagalay in lagu dhimo saboolnimada adduunka
jirta gaara ahaan in sare loo qaado gargaarka la siinaayo
0.5% oo ah dakhliga dalka sannadka 2010 iyo sidoo kale in
sare loo qaado dakhliga dalka 0.7% sannadka markuu yahay
2015.
x) Maalinta MARAD CAD ee ugu
horreysay waxay ahayd 1-dii bisha Luulyo, kaasoo ahaa markii
uu socday shirkii waddamada G8 ay ku yeesheen Scotland ee
boqortooyada Uk. inkastoo ololihii u heelanayaasha bulshada
rayidka ah uu daciifay kaddib markii uu dhacay qaraxii
argagixisada ee Magaalada London, wuxuu keenay jatiijo
waxtar leh oo ku wajahan yareynta faqriga, gaar ahaan
Qaaradda Afrika.
Maalinta Labaad ee isticmaalka
Marada Cad
Maanta oo ah 10-ka
bisha September 2005, u heelanayaasha bulshada rayidka
Soomaaliyeed waxa ay ka mid noqdeen oo ay ku darsameen
wallaalahooda, saaxiibadooda iyo u heelanayaasha kale ee
caalamka oo dhan muhimadda sare ee baaqa caalamiga ah ee
ciribtirka saboolnimada, waxaan la wadaagnaa oo aan si
wadajir ah isubaheysaneynaa bulshada caalamka, codkayguna uu
yahay raabitaan waxqabad oo lagu ciribtiraayo faqriga,
taasoo uu macnaheedu yaay in la badbaadiyo nolosaha
bulshooyinka qaaradaha Shanta ah ee adduunka waxaan dal
waxaan dalbaneynaa:
· Laga baabi’iyo
deymaha dalalka saboolka ah
· Ganacsi caadil ah
· Gargaar badan oo
fiican in uu ka yimaado dalalka hodanka kaasoo loogu
talagalay dalalka ugu saboolsan dunida
· Hoggaamiyayaasha
awood leh in ay wax ka qabtaan saboolnimada si caalami ah
iyo maxalliba
· Hoggaamiyayaasha
adduunka oo ku shiraayo Magaalada New York, ee Mareykanka
bisha September 14-keeda ilaa iyo 16-keeda, si dib loogu
eego lagu cusbooneysiiyo aad dardargeliyo qorshaha iyo
hababka fulintooda, dadaalada oo dhan waxaa loogu talagalay
in lagu ciribtiro faqriga dunida ka jira.
Codkaygu iyo dadaalkayagu
mideysan waxaan ku dalbaneynaa in wax laga qabto rikoorada
hooseeya ayadoo la adeegsanaayo siyaasado saliim ah oo
caalami iyo mid qaranba, sida:
· Maalin walba
24,000 ruux ayaa waaxay u dhimanayaan gaajo.
· Maalin kasta in
ka badan boqol Malyuun oo carruur ah ayaa waxay la’ yihiin
fursado ay ku aadaan dugsiyada.
· Maalin kasta 1.1
Balyuun oo dad ah ayaa waxay cabayaan biyo wasakheysan
· Maalin kasta
8,200 qof ayaa u dhinta cudurka HIV/AIDS.
Waxaan ku boorineynaa
Madaxweyne C/llaahi Yuusuf Axmed oo hoggaaminaayo wafdia ka
socda Soomaaliya, kana qeybgalaayo shirmadaxeedka Qaramada
Midoobey in uu soo jeediyo baahida dadka Soomaaliyeed u
qabaan Dowlad hagta.
baaqeenu waa ciribtirka
saboolnimada
WD: Amiin Yuusuf Khasaaro
E-Mail:
amiinkhasaaro@hotmail.com
Muqdisho-Somalia
Taariikhda Nelson Mondela
|