- Maleeshiyo
daacad u ah Maxamed Dheere oo
Xoog ku galey Xafiiskii UNICEF
ku lahayd Jowhar.
-
Eng.Cali Xasan Max’ed “Xirsi
Aadan waxay ahayd in uu ka hadlo
halkii ay ku dambeeyeen
Maraakiibtii Puntland, Banaadir
iyo Jubba ee ma ahayn in….”
-
C/llaahi
Black “ciidanka C/llaahi Yuusuf
uu keenay Jowhar waa talaabo
cusub oo dagaal..
-
C/qaadir Xaaji Maxamuud Dhaqane
oo sheegay in xafiiska Midowga
Afrika ka furtey Jowhar uu keeni
karo
-
Somali Speaking Pen oo qabatay
dood ku saabsan Nuxurka afka
soomaaliga iyo suugaanta.
WD:
Amiin Yuusuf Khasaaro
E-Mail:
amiinkhasaaro@hotmail.com
Muqdisho-Somalia
Maleeshiyo daacad u ah Maxamed Dheere oo Xoog ku galey
Xafiiskii UNICEF ku lahayd Jowhar.
wararka
naga soo gaaraya Magaaladda Jowhar waxa ay sheegayanin
saakay saacaddu markay aheyd 11:00-subaxnimo ciidaamo daacad
u ah guddoomiyah Maamulka Siyaasadda ee Gobolka Sh/dhexe
Maxamed Cumar Xabeeb (Maxamed Dheere) ayaa xaruntii
Hay’adda UNICEF ku laheyd magaaladda Jowha gudaha u galeen
r, waxaana shaqaalahii xarunta lagu amrey in ay si dhaqsi
ah uga baxaan xaruntaas, iyadoo shaqsi kasta oo ka mid ah
shaqaalaha la baarayay.
waxaa
kale oo Maleeshiyadii baareen gudaha Xafiisyadda Xaruntaas,
illaa iyo haddana lama garanayo sababaha keenay in
Maleeshiyadaas ay xoog ku galaan Xaruanta UNICEF oo ah
hay’adda qaabilsan daryeelka carruuta.
a ahan
markii ugu horeysay ee Mlaleeshiyo daacad u ah Maxamed
Dheere ay galaan xarumaha Hay’adaha Samaflka ee ku yaal
Jowhar.
wareysi
uu dhawaan bixiyay Madaxweyne C/llaahi Yuusuf Axmed waxa uu
ku sheegay inaysan wax gar-gaar ah ka dooneyn Hay’adahaa
Qaramada Midoobay, waxaana la sheegay sababta arrintaas
Madaxeynuhu u yiri ay tahay iyadoo Madaxweyneha uu ka
careysanyahay hadallo maalmahaan ka soo yeerayay Qaramada
Midoobay oo sheegayay in ay dadaal ugu jiraan dib u
heshiisinta xubnaha labada gole ee ku sugan Muqdisho iyo
Jowhar warar kale aya sheegaya in maamulka uu doonayo in
xaruntaas xafiisyo uga dhigaan xubnaha Dowladda ee ku sugan
Jowhar warar kale ayaa tilmaamaya in maamulka Maxamed dheere
uu ka careysan yahay ka bixitaanka hayadaha samafalka
Magaalada Jowhar.
Dhawaan
ayaa sarkaal sare oo ka tirsan Hay’adda UNICEF xabsiga loo
taxaaabay, kaddib markii maamulk Maxamed dheee uu ku
eedeeyay in UNICEF faraha la gashay arrimaha u gaarka ah
Gobolka.
Eng.Cali
Xasan Max’ed “Xirsi Aadan waxay ahayd in uu ka hadlo
halkii ay ku dambeeyeen Maraakiibtii Puntland, Banaadir
iyo Jubba ee ma ahayn in….”
(Xaaladda Dhabta ah ee
Maraakiibtii Soomaaliya, Magacyadooda iyo meesha ay ku
dambeeyeen)
Eng. Cali Xasan Max’ed oo
ah Engneer ka tirsan howlaha maraakiibta gaar ahaan waxa uu
muddo la socday maraakiibta Kaluumeysiga ee uu gacanta ku
yaho Eng. Muunye Siciid Cumar waxa uuna haatan fasax ku
joogaa Magaalada Muqdisho waxa aan wax ka weydiinay sida
fasaxa looga qaato Maraakiibta waxa uuna yiri “heshiiska
Maraakiibta ayaa waxa uu dhigayaa in qofku uu ku shaqeeyo si
Contract ah marka uu fasaxa soo qaatana waxaa bedelaya mid
kale oo fasax ku maqnaa sidaas ayaana lagu qaataa fasaxyada
shaqaalaha Maraakiibta.
Mar aan waxa ka
weydiinay hadalkii Wasiir ku xigeenka badda iyo dekadaha
Xirisi Aadan Rooble in Maraakiibta ee uu gacanta ku hayo
laga bedelay magacii, astaantii iyo Calankiiba, waxa uuna ku
jawaabay Eng. Cali Xasan “qofka marka uu yaqaano arrimaha
maraakiibta iyo sharciyada caalamiga ah wax badan ayuu iska
ilaalinayaa, Eng. Muunye waxa uu gacanta ku hayaa shan
Markab, Maraakibtaasi waxa ay yihiin maraakiib uu Qaranku
leeyahay waayo waxay sitaan magacyo halgamayaal Soomaaliyeed
sida Cismaan Geedi Raage, Faarax Oomaar, 21-ka October, Two
and Three, sidoo kale calanka lama badali karo waxaana
Markaba hoostiisa ku qoran Muqdisho Soomaaliya”, waxaan
kalloo Engineer-ka wax ka weydiinay tirada shaqaalaha ka
shaqeysa Maraakiibta uu hayo Eng. Muunye waxa uuna ku
jawaabay “waxaa ka shaqeysa 500 oo shaqaale ah waxaana ku
dul nool tiro intaasi ka badan”, waxaan weydiinay hadalkii
wasiirka ee ahaa in shaqaalaha maraakiibta lagu soo xulo
qaab Qabiil, waxa uuna yiri Eng. Cali Xasan “Marka ugu
horeysa badda howlaheeda laguma galo qaab qabiil, qofku waa
inuu u tababaran yahay howlaha badda isla markaana waxaa
laga qaadaa Imtixaan sidaas ayaanba loogu xuli Karin
shaqaalaha qaab qabiil”.
Waxa uu sheegay
mudane Cali Xasan in Eng.Muunye uu damcay in uu badbaadiyo
markabkii Puntland mar uu ku suganaa dalka Yemen waxaana loo
qabsaday lacag la sheegay in lagu yeeshay Markabka
Engineer-ka isagoo damcay in uu bixiyo lacagtaas ayaa
markabkii dad Soomaali ah waxay ku sameeyeen wax la yiraahdo
is dabamarin iyo laaluusha qaadasho waxa uuna sheegay
Engineer-ku in markabkaas ay haatan ku shaqeystaan dad
Filibiin ah, sidoo kale maraakiibtii kala ahaa Booli Moog,
Banaadir iyo Jubba iyana waxay gacanta ugu jiraan dad
Pakistan ah waxayna caalamka ku maraan calanka Pakistan
sidaas darteed wasiir ku xigeenka badda iyo dekadaha Xirsi
Aadan Rooble waxay ahayd in uu ka hadlo maraakibtaasi iyo
halkay ku dambeeyeen ee ma ahayn in uu ka hadlo maraakiib ay
ka shaqeeyaan dad soomaali ah waayo Eng. Muunye waxa uu
bedelay shaqaalihii Talyaaniga iyo Kabtanadoodii waxaana
ogahay in haatan Maraakiibtaasi ay ka shaqeeyaan ilaa iyo 12
kabtan iyagoo qaata lacago ku filan,
C/llaahi Black “ciidanka C/llaahi
Yuusuf uu keenay Jowhar waa talaabo cusub oo dagaal..
Xildhibaan C/llaahi
Aadan Axmed (Black) oo shalay u waramayay weriye ka tirsan
wargeyska ayaa waxa uu ka waramay arrimo la xiriira gobolada
Bay iyo Bakool iyo ciidanka reer Puntland ee la keenay
Magaalada Jowhar waxa uuna sheegay C/llaahi Black in
xaaladda gobolada Bay iyo Bakool ay haatan tahay mid degan
ayna socdaan wada hadlo la isugu soo dhaweenayo
siyaasiyiinta beelaha Digil iyo Mirifle eek u kala sugan
Magaalooyinka Xudur iyo Baydhabo. Waxa uu sheegay in uu
dhawaan uu dhacay kulan hordhac ah oo ay wada yeesheen
xildhibaan Max’ed Ibraahim Xaabsade iyo wasiirada beeraha
iyo gaadiidka cirka iyo dhulka Xasan Max’ed Nuur (Shaar-Guduud)
iyo Ibraahim Kiish-Bur waxa uuna sheegay in kulankaas ay ka
soo baxeen natiijooyin hordhac ah oo la xiriira nabadeynta
gobolada Bay iyo Bakool isagoo sheegay in kulanka labaad uu
ka dhici doono Sarmaandheere oo ka tirsan degmada Waajid
waxayna Tuuladaasi horey u martigelisay kulankii hore oo ay
soo qabanqaabiyeen Ogaasyada iyo Malaaqyada. Wuxuuna sheegay
Mudane C/llaahi Black in kulamadaani markay dhamaadaan dib
loo bilaabi doono kulamo dib u heshiisiin ah oo lagu
dhameenayo dagaal beeleedyada ka jira Gobolada Bay iyo
Bakool. Waxaa kalloo uu ka waramay arrimaha ciidamada
Puntland ee dhawaan la keenay Magaalada Jowhar isagoo
arrintaasi ka hadlaya waxa uu yiri “dhaqdhaqaaqyada ciidan
uruursiga iyo hurinta dagaalada cusub uu ka wado gobolada
qaar Madaxweyne C/llaahi Yuusuf ma ahan mid waafaqsan axdiga
ku meel gaarka ah, wixii waafaqsanayn axdiga ku meel gaarka
dalka waxay u keenayaan dhibaatooyin hor leh” mar la
weydiiyay ciidanka lagu uruuriyay Hiilweyne iyo Laabta Buuro
waxa ay kaga duwan yihiin kuwa lagu xareeyay Kongo iyo
Mahadaay waxa uu xildhibaan C/llaahi Black ku jawaabay “way
ka duwan yihiin kuwa Jowhar waayo kuwaani waa kuwo la
heshiisiinayay loona diyaarinayay ciidan qaran”, wuxuu intaa
raaciyay ciidanka Jowhar la keenay waxay soo jareen 2000Km
waxaana la socda ciidamo Itoobiyan ah marka waxaan u arkaa
in ciidankaasi in uu yahay talaabo duulaan ah
C/qaadir
Xaaji Maxamuud Dhaqane oo sheegay in xafiiska Midowga Afrika
ka furtey Jowhar uu keeni karo
C/qaadir
Xaaji Maxamuud Dhaqane oo ah wasiiru dowlaha xafiiska
Ra’isul wasaaraha ayaa faahfaahin ka bixiyay arrimihii
shalay ay ka wada hadleen xubnaha labada gole waxa uuna
sheegay in arrinta ugu muhiimsan ay ahayd xafiiska Midowga
Afrika uu ka furtay Magaalada Jowahr wuxuuna wasiiru dowlaha
uu sheegay in xafiiskaasi uu yahay mid lagu sii kala
fogeenayo xubnaha labada gole ee khilaafyadu u dhexeeyaan,
waxa uu sheegay in Midowga Afrika uusan dhex dhexaad ka
ahayn arrimaha is jiidjiidka ah ee u dhexeeya xubnaha labada
gole isagoo sheegay in markii horeba uu khilaafku ka
bilowday in Dowladdu ay degto Muqdisho iyo Jowhar iyadoo
taasi ay jirto ma ahayn mid Midwoga Afrika uu xafiis ka
furto Magaalada Jowhar, wuxuuna sheegay in ay soo
dhaweynayaan dadaalka uu wado ururka Qaramada Midoobey.
Dhinaca kale C/qaadir
Sh. Max’ed oo ah wasiir ku xigeenka shaqada iyo shaqaalaha
kana ka mid ahaa wafdigii Gudoomiyaha Baalamaanka Shariif
Xasan Shiikh Aadan ee gaaray Magaalada Nairobi ayaa ku soo
dib ugu soo laabtay Magaalada Muqdisho waxa uuna faahfaahin
ka bixiyay safarkii gudoomiyaha ee dalka Kenya waxa uuna
sheegay in gudoomiyaha intii uu joogay wadankaasi uu kulamo
gooni gooni ah la yeeshay diblumaasiyiin, Madaxda hay’adaha
deeqda bixiya iyo kuwa samafalka waxa uuna sheegay in
dhamaan mas’uuliyiintaasi ay garwaaqsadeen howsha nabadeed
ee ka socoto Muqdisho iyagoo sheegay in ay gacan ka gaystan
doonaan howshaasi.
Mudane C/qaadir
waxa uu sheegay in Guddoomiyaha uu si gaar ah ula kulmay
wakiilka Qaramada Midoobey ee Soomaaliya François Fall
waxayna isla soo qaadeen sidii loo dhameyn lahaa khilaafka u
dhexeeya xubnaha labada gole waxay isku afgarteen in
arrintaasi ay tahay mid muhiim u ah xannaanka iyo horey u
sii socoshada Dowladda Federaalka ah.
“Caqabadaha hor
taagan Dowladda Federaalka ayaa waxaa ka mid ah dowladaha
Itoobiya, Talyaaniga iyo Yemen oo iyagu faragelin ku
sameeyay arrimaha Soomaaliya”, ayuu yiri Wasiir ku xigeenka
in oo sheeay in xafiiska Ururka Midowga Afrika uu ka furtay
Magaalada Muqdisho uu yahay mid sii kala fogeynaysa isku soo
dhawaanshaha xubnaha labada gole.
Somali Speaking Pen oo
qabatay dood ku saabsan Nuxurka afka soomaaliga iyo
suugaanta.
waxaa dhawaan
Hotel Amiira ee Magaaalada Muqdisho lagu qabtay dood ku
saabsan nuxurka afka Soomaaliga iyo suugaanta, waxaana soo
qaban qaabiyey Somali Speaking Pen qaybteeda koonfurta,
waxaana ugu horayntii halkaasi ka hadlay guddoomiyaha Somali
Speaking Pen qaybteeda koonfurta Abwaan Cabdi Muxumed Amiin
oo sheegay in dadka Soomaaliyeed luqadooda ay noqotay
“Dawacadii socodkeeda ka tagtay kii kalana gaari weysay”
wuxuuna sheegay in afka Soomaaliga uu yahay af hodan ah kana
mid ah afafka ugu hor marsan adduunka, Cumar Aadan Qaadi oo
ah xoghayaha Somali Speaking Pen ayaa waxa uu si aad ah
faahfaahin uga bixiyey afka Soomaaliga iyo qiimahiisa,
wuxuuna sheegay in Todoba Jaamacadood oo ku taala dalka
ingiriiska haatan lagu dhigo afka Soomaaliga, kaddib markii
ay ogaadeen in waxyaabo badan oo faa’iido ah ay ka helayaan
afka Soomaaliga, wuxuu sheegay Cumar Aadan Qaadi in
suugaantu ay tahay waxyaabaha ugu muhiimsan ee ay
bulshadeenu ku faani karto Soomaalidu waxey tiraahdaa, {Qur’aan
oo dhan waxaa isku fuuqsaday QULHUWALLE} waxeyna arintaasi
tilmaamaysaa qiimaha QULHUWALLAHA maadaama qofkii akhriyaa
uu yahay qof dhameeyey Qur’aanka oo dhan sidaasi darteed
dhaqanka Soomaaliga waxaa isku fuuqsaday suugaanta afkeena,
waxaa kaloo ka hadlay C/qaadir Nuur Xuseen {Maax} oo isaguna
si aad ah ugu dheeraaday waxyaabaha ay dadka Soomaaliyeed
dhaqanka u lahaan jireen, isagoo sheegay in dadka
Soomaaliyeed ay dhaqan u lahaan jireen, runta, aaminnimada,
hubsiimada, maganta, Iwm, isagoo sheegay in dadka
Soomaaliyeed ay dhaqan u lahaan jireen hanweyni
waxyaabahaas oo uu sheegay in haatan meesha ay ka baxeen
loona baahan yahay in dib loo soo celiyo,
waxaa kaloo
halkaasi ka hadashay xildhibaanad Maryan Cariif oo sheegtay
in ay aad ugu faraxsan tahay in ururka Somali Speaking Pen
uu dib u ururiyo dhaqankii iyo afkii Soomaaliga, waxaa kaloo
ka hadlay C/qaadir Max’ed Dhicisow oo ah aqoonyahan
Soomaaliyeed oo ka yimid waddanka Finland isagoo sheegay in
dadka Soomaaliyeed ee ku nool dibadda ay ka tageen
dhaqankoodi iyo afka Soomaaliga loona baahan yahay in
arintaasi sidii looga hortegi lahaa la sameeyo,waxaana intii
ay socotay dooda dadka maaweelinaayey kooxda curdanka ah ee
Muqdisho Band.
WD:
Amiin Yuusuf Khasaaro
E-Mail:
amiinkhasaaro@hotmail.com
Muqdisho-Somalia
Faafin: SomaliTalk.com | Sept
11, 2005
|