- Qaxootiga
Soomaaliyeed ee Sweden oo ka cabanaya Sharci la’aanta.
- Faahfaahin dheeraad
ah oo ku saabsan ciidamadii soo gaarey Jowhar iyo waxay
ka yiraahdeen Qanyare , Caato , Shiikh Xasan Daahir
Aweys , Yuusuf Indhacade iyo Maxkamaha Islaamka
- War-Saxaafadeed
Xaqiijin Gudoomiyaha Golaha Nabada Iyo Midnimada Qaranka
oo Lasoo Daayey.
Qaxootiga Soomaaliyeed ee
Sweden oo ka cabanaya Sharci la’aanta.
Ridwaan Xaaji Cabdiweli,
Goteborg, Sweden.
8.09.2005.
Magaalada Goteborg ee dalka
Sweden waxaa ay kamid tahay Magaalooyinka sida wayn ay u
joogaan qaxooti Soomaaliyeed oo isugu jira kuwo la siiyay
sharciga dalkan iyo kuwo wali ka war sugaya xarumaha sharci
siinta qaabilsan ee Dawladda oo aan wali haysan wax sharci
ah oo ay ku shaqaystaan ama ay wax ku bartaan xili ay ka
doodayaan Axsaabta Mucaaradka ee dalkan iyo midka talada
haya sidii wax looga qaban lahaa dhibaatooyinka ay
sheeganayaan Qaxootigaasi aan haysan sharciga.
Qaxootigaasi waxaa kamid ah
dad Soomaaliyeed oo guud ahaan ku nool Magaaladan Goteborg
iyo Magaalooyinka kale ee dalka oo marar badan ka dhigay
dalkan cabashooyin iyo Banaanbaxyo ay ku muujinayaan Sharci
la'aanta haysata isla markaana ay dalbanayaan in la siiyo
Sharciyadaasi maadaama dalkoodii hooyo ay ka jiraan
dhibaatooyin dhinaca Amaanka ah.
Waxaa kaloo iyana aan kula
kulmay dad Soomaaliyeed oo aan haysanin Sharciga ilaa hadda
Dhowr xero oo ku yaala duleedka Magaalada Gotenborg iyo
Stokhlom oo ay kamid tahay Hova oo 200 Km kaga Beegan
Woqooyiga Magaalada Goteborg, kuwaasi oo ii sheegay in ay
dhowr sano sugayeen jawaab.
Haweenayda wasiirada
Qaxootiga Sweden Barbra Holmberg ayaa intii aan joogay
Goteborg waxaa ay la kulantay Qaar katirsan Jaaliyadda
Soomaaliyeed oo ay u sheegtay in ay ka balanqaadayso
waxyaabo ay codsanayaan Soomaalida Qaxootiga ku ah Dalkaasi
Haweenaydan oo ka tirsan
Xisbiga Social Democrat ee talada dalkaasi haya ayaa waxaa
si wayn loogu eedeeyaa in uu ka soo horjeedo Sharci la siiyo
qaxootiga Dalkaasi ku nool , waana xisbi inta badan Ajnabigu
aysan Jeclayn.
Dhinaca kale waxaa
Magaaladaasi Goteborg iyana inta badan dadka Soomaalida ee
ku nool ay Arimohooda kala socdaan Idaacadda iyo Tvga
Somaliweyn oo Saacado kooban soo gala Todobaad walba isla
markaana baahiya waraysiyo iyo warar ku saabsan Soomaalida
qurbaha iyo kuwa Gudaha dalka Soomaaliya iyo sidoo kale
Warbaahinta dalkaasi.
Mas'uulka Idaacadaasi
Xuseen Cabdi Calasoow oo intii aan Joogay dalkaasi sweden
aan ka waraystay dadka soomaalida ee dalkaasi ayaa ii
sheegay in ay jirto isku xirnaan iyo in ay iska warhayaan
Soomaalida dalkaasi sweden oo ay ku nool yihiin in ka badan
10'000 oo Soomaal ah waloow ay jiraan qoysas usoo guuray
Britain.
Dadyowga aan u dhalan
dalkaasi Sweden waxaa kamid ah Somali, Finns, Yugoslaves,
Danes, Norwegians, Greeks iyo Turki , waxaana lagu qiyaasaa
Dadka dalkaasi u dhashay 9’001,774 (waa warbixintii lasoo
gudbiyay July 2005.)
Sweden waa Dal ganacigiisu
uu saldhig u yahay Geedaha iyo Macdanta , waxaana loo iib
geeyaa dalal ay kamid yihiin Maraykanka , hase yeeshee
Qaxootiga Soomaalida ah kuma lahan dalkaasi ganacsi lamid ah
midka ka jira Britain.
Ridwaan Xaaji Cabdiweli,
Goteborg, Sweden.
ridwanhaji@yahoo.com
Faahfaahin
dheeraad ah oo ku saabsan ciidamadii soo gaarey Jowhar iyo
waxay ka yiraahdeen Qanyare , Caato , Shiikh Xasan Daahir
Aweys , Yuusuf Indhacade iyo Maxkamaha Islaamka
W/D AmiinYuusuf Khasaaro
E-Mail
amiinkhasaaro@hotmail.com
Hadal haynta ugu badan
labadii maalmood ee la soo dhaafay ayaa ah ciidamo Puntland
ah oo soo gaaray Magaalada Jowhar oo xarun u ah qayba ka mid
ah dowladda Federaalka waxyana arrintaani dareen xoog leh
galisay bulshada Soomaaliyeed gaar ahaan kuwa ku nool
Magaalada Muqdisho iyadoo qofkii kaa hor yimaadaba uu ka
weydiinayo waxa loo damiyay isgaarsiintii Gobolada Hiiraan,
Sh/dhexe iyo Galguduud, hase yeeshee mar aan sameenay
maalintii shalay ahayd xiriiro kaddib markii ay
isgaarsiintii soo laabatay ayaa waxaa na loo xaqiijiyay in
ciidamo gaaraya 1200 oo askari ay soo gaareen Magaalada
Jowhar, waxaana la sheegay in ciidankaasi oo qayb qayb ahaa
qayb ka mid ah uu dagaal ku qabsaday galbeedka Magaalada
Baladweyne waxaana hakaasi ku dhintay hal askari oo reeer
Puntlanad ah waxaana ku dhaawacamay sagaal kale iyadoo
sideedna gacanta lagu dhigay hase yeeshee ciidamada Puntland
shalay galabnimadii ayay soo dhameystirmeen markii ay soo
mareen deegaanka Abeesaale oo ka tirsan gobolka Bakool
kaddibna ku soo dhacay wado loo yaqano wada Dadbane ilaa ay
ka soo gaaraan tuulada Ceel-Cali iyadoo halkaasi ay ku
sugayeen ciidamo ka socday maamulka gobolka Sh/dhexe oo
iyadu soo galbiyay, waa sida aan warark aku helnaye.
Waxaana wararkii ugu
dambeeyay sheegayaan in ciidamadaasi loo kala galbiyay
xerooyinka ku kala yaala Mahadaay iyo Kongo oo ah meel kala
qaybisa maamulada Max’ed Dheere iyo Muuse Suudi, iyadoo
ciidan ay afka iska saaran yihiin.
Dareenka ugu xoogan waxa uu
ka jiray Magaalada Muqdisho waxaaa shalay deg deg ah isugu
yimid xubnaha labada gole ee ku sugan Magaalad Muqdisho
waxayna halkaasi ka sheegeen in ciidamada soo gaaray Jowhar
ay yihiin ciidamo ka yimid Puntland iyo kuwo Itoobiyaan ah,
iyadoo loo digay hay’adaha samafalka, Dublamaasiyiinta iyo
shirkadaha diyaaradaha ee tagaya Magaalada Jowhar kaddib
markii ay sheegeen xubnaha baarlamaanka in halkaasi ay ka
bilaaban karto dareen colaadeed, waxayna C/llaahi Yuusuf iyo
Cali Max’ed Geedi ku eedeeyeen inay dalka soo galiyeen
ciidamo itoobiyaan ah.
Tikniko aad u xoogan oo ay
leeyihiin Maxmadaha Islaamiga ah ayaa shalay iyana lagu
arkeyey waddooyinka Magaalada Muqdisho iyadoo wareysi uu
bixiyay wasiirka howlaha guud iyo guryeynta Cismaan Xasan
Cali Caato uu iclaamiyay in lala "jihaado" ciidamada ku soo
xadgudbay dhulka Soomaaliyeed, wuxuuna caddeeyay ciidamda in
Itoobiya xitaa ay ku soo wajahan yihiin gobolada Bay iyo
Bakool iyo Sh/dhexe .
Yuusuf Indha-Cadde oo isna
ka hadlay arrimaha ku soo kordhay Gobolka Shabeellada Dhexe
ayaa waxa uu sheegay in ciidammada yimid Magaallada Jowhar
ay yihiin kuwo la doonayo in lagu abuuro dagaallo sokeeye,
waxaana arrintani wada waxa uu ugu yeeray "fidno wade" C/llaahi
Yuusuf Axmed.
Sh. Xasan Daahir Aweys oo
ka mid ah culimaaa’udiinka waaweyn ee Soomaaliyeed ayaa isna
waxa uu sheegay in Itoobiya ay weligeed ku haminaysay
qabsashada dalka Soomaaliya, isagoo wareysi uu bixiyey
dhawaan uu ku sheegay in Itoobiya aysan ka raali ahayn
dowlad ka dhalata Dalka Soomaaliya.
C/llaahi Yuusuf oo shalay
ka hadlayay furitaanka Xafiis cusub oo Midowga Afrika ka
furtay Magaallada Jowhar ayaa waxa uusan soo hadal qaadin
ciidammada soo gaaray magaallada Jowhar ee ka yimid dhinaca
Puntland, wuxuuna uu yiri "Anigu waxaan ahaa ninkii ugu
horreeyey ee bilaaba bur-burkii Soomaaliya, maantana waxaan
diyaar u ahay in aan ka qayb qaato dib u dhiska dalka, dibna
u soo celiyo dowladnimadii Soomaaliyeed"
Maxamed Qanyare oo u
waramayey Jariidada Tha Standard ee ka soo baxda
Magaalada Nairobi ayaa sheegay in Cabdulaahi Yuusuf uu
abaabulayo Dagaal uu ku doonayo in uu ku soo weeraro
Magaalada Muqdisho sidoo kale wuxuu sheegay in Itoobiyaha ay
ku taageereyso arrimaha uu wato Cabdulaahi Yuusuf.
Kulan deg deg ah oo ay
isugu yimaadeen Maanta Maxkamadaha islaamiga ee ka howlgala
Magaalada Muqdisho ayaa sheegay in dalka aysan ka jirin wax
la yiraahdo Dowlad , waxay kaloo kulankooda ku sheegeen in
Cabdulaahi Yuusuf ay u aqoosan yihiin "dagaal ooge" u
adeegaya caddowga umadda soomaaliyeed waxayna afka ku
dhufteen Dowladda Itoobiya.
wararkii ugu dambeeyey ee
naga soo gaara Magaalada Jowhar waxay sheegayaan in ay
Magaalada ku soo qulqulayaan cidamadii laga keenay deegaanka
Mustaxiil waxaana la sheegay in ay la socdaan 12 Sarkaal oo
Itoobiyaan ah , waxaana markiiba xeryaha la dejiyey la
gaarsiiyey teedhooyinkii matooradii dabka ee dhawaan ay
dowladda Talyaaniga ugu deeqdey Dowlada Federaaliga.
warar haatan na soo gaarey
waxay sheegayaan in hay'adihii samafalka ay bilaabeen maanta
in ay ka baxaan Magaalada Jowhar ka dib markii ay soo
gaartey hajabaadyo ka yimid kooxaha ku sugan magaalada
Muqdisho sidoo kale waxay sheegeen in Magaalada Jowhar ay
haatan isku bedeshey goob ciidan oo aan la isku haleyn Karin
marka ay timaado arrimaha amaankooda waxayna Masuuliyiinta
Hay'adaha sheegeen in ay magaalada ku reebayaan shaqaale
kooban oo soomaali u badan oo sii wada arrimaha
Baniaadanimada, warar aan ka helnay Magaalada Jowhar ayaa
sheegaya in Maamulka Maxamed Dheere uu ku wargeliyey Haydaha
in Hayaddi baxdaa aysan dib dambe ugu soo laaban doonin
Magaalada Jowhar, waxaa kaloo ka Hadley wasiirka warfaafin
ee dowladda ku meel gaarka ah Maxamed Cabdi Xayir Maareeye
oo qirey in magaalada Jowhar ay ka jiraan dhaqdhaqaaqyo
ciidan oo uu sheegay in ay yihiin kuwo loogu talagaley
arrimaha Nabadgelyadda.
Ibraahim Xabeeb Nuur oo ah
Wasiir ku xigeenka dib au heshiisiinta, kana mid ahaa raggii
Madaxweyne C/llaahi Yuusuf uu kula kulmay Magaallada Godey
ayaa isna mar uu u warraysi bixiyey waxa uu sheegay in C/llaahi
Yuusuf uu uga baxay ballantii uu la galay dadweynaha ku nool
Gobolk Hiiraan.
"Sow caddaalad darro ma aha
in Reer Puntland-na la siiyo hubkii Qaranku lahaa ee C/llaahi
Yuusuf ka keenay dibadda, kana soo degay Boosaaso,
ciidammadeennana la yiraahdo hubka waxaan idinku siineynaa
Magaallada Jowhar" ayuu yiri Xabeeb oo intaa ku daray "C/llaahi
Yuusuf saddex jeer ayaan wada xiriirnay, saddexdiina waxa uu
sheegay in Reer Hiiraan uusan siineyn wax hub ah".
Arrimaha ciidammada ee
Magaallada Jowhar ayaa waxaa kale oo lagu soo qaatay kulan
ay shalay isugu yimaadeen siyaasiyiin ka tirsan Beelaha
Mudulood oo sheegay in aysan marnaba raali ka noqon doonin
ciidmmo ka yimaada Puntland oo yimaada deegaanno ka tirsan
Gobolka Shabeellaha Dhexe, isku soo wada duuboo maalmaha soo
socda ayaaa la kala ogan doonaa waxa ay ku dambeyn doonaan
ciidammada ku sugan Magaallada Jowhar ee la sheegay in
halkaasi loo keenay sidii ay uga qayb qaadan lahaayeen
nabadgelyada dalka.
W/D AmiinYuusuf Khasaaro
E-Mail
amiinkhasaaro@hotmail.com
War-Saxaafadeed Xaqiijin
Gudoomiyaha Golaha Nabada Iyo Midnimada Qaranka oo Lasoo
Daayey.
8/9/05
Golaha Nabada iyo Midnimida Qaranka Soomaaliyeed waxaa uu
xaqiijinayaa in galabtay markii ay saacadu aheyd 5:30
galabnimo ee saacada afrikada bari lasoo daayey gudoomiyaha
Golaha Nabad iyo Midnimada Qaranka Mudane Jaamac Adan Dheere
oo mudo tobon casho ah ku xirnaa magaalada Jowhar ee gobolka
shebeladda dhexe ee Soomaaliya.
Gudoomiyaha waxaa uu kusugan yahay magaalada Jowhar waxaana
si buuxda ugu soo laabatay xoriyadiisii, aad ayeyna
xaaladiisa caafimaad u wanaagsan tahay inkastoo uu sameyn
doono baaris dhanka caafimaadka ah.
Golaha Nabada iyo Midnimada Qaranka iyo taageerayaashiisuba
waxaa ay soo dhaweynayaan soo deynta gudoomiyaha iyadoo
markii horeba si dulmi ah loo xirtay.
Golaha Nabada iyo Midnimada
Qaranka Soomaaliyeed iyo gudoomiyuhuba waxaa ay halkaan
mahad ugu soo jeedinayaan dhamaan bulsha weynta Soomaaliyeed
gaar ahaan intii ka qeybqaadatay soo deynta gudoomiyaha kana
dhiidhisay markii loo geystay xarigii sharci darada ahaa ee
looga qaadey xoriyadiisa waxaana xusid mudan in siyaasiyiin
wax garad badan intuba ukala harin soodeynta gudoomiyaha si
guud iyo si gaar ahba.
Goluhu wuxuu si gaar ah ugu mahadcelinayaa qeybaha kala
duwan ee saxaafadda Soomaaliyeed oo si weyn gacan uga
geysatay soo deynta gudoomiyaha Golaha Nabada iyo Midnimada
Qaranka Soomaaliyeed.
Wuxuu goluhu sidoo kale mahad ballaaaran usoo jeedinayaa
hay`addihii iyo ururadii iskugu jiray Soomaali iyo kuwa
caalami ahba ee gacanta weyn ka geystay soodeynta
gudoomiyaha waxaana ka mid ah, hay`adda Xuquuqul
Insaanka ee Gaashaan, Isbahaysiga Difaaca Xoriyada Hadalka
iyo Rayiga, hay`adda amnesty International, Khabiirka
arrimaha Xuquuqul Insaanka ugu Xilsaaran Qaramada Midoobey
Soomaaliya Dr:Ghanim, Ururka Somali Concern Group, Urur,
United Gedo People`s Council, Somali Reconstruction and
social Development r (SRASD)
Ugu Dambeyntii waxaa Golaha Nabada iyo Midnimada Qaranka
Soomaaliyeed wuxuu ugu baaqayaa in ay ummadda Soomaaliyeed
meelwada jir ah uga soo jeesato muwaadinkasta oo
Soomaaliyeed oo loo geystay xadgudub taabanaya xuquuqdiisa
qof ahaaneed.
Mahadasanidiin.
Madaxa warfaafinta G NMQS.
A.A. Mohamed.
zakizakii@hotmail.co.uk
Faafin: SomaliTalk.com | Sept 9, 2005
Australia: Dumarka Soomaaliyeed oo ka cawday Ragooda Qaadka Ruuga
| Warbixintii Xiish |
Sept 8
Masar:dowlad da'a
ah iyo dimoqoradiyad curdin ah
Faalladii Gurbiye... Qaahira |
Sept 8
Soomaaliya iyo
kenya oo heshiis Iskaashi kala saxiixday
Warbixintii Mumtaz ... Kampala
| Sept 8
|