Masar:dowlad
da'a ah iyo
dimoqoradiyad
curdin ah!!
10:00-ka
fiidnimo ee
cawaa oo arbaco
ah ayaa qufulada
lagu jabinayaa
sanaadiiqda
codbixinta kadib
maalin dheer oo
doorasho ka
dhacday dalkan
Masar,inka badan
32-milyan oo
ruux ayaa saakay
ilaa sideedii
aroornimo u
dareeray
sanaadiiqda
codbixinta
dhamaan
degmooyinka
dalkan Masar si
ay doortaan
Madaxwaynihii
dalka mudada
lixda sano ee
soo socota.
Murashaxiinta
tobanka ah ayaa
dadka u horkacay
si ay codadkooda
u dhiibtaan
doorasho lagu
tilmaamay maalin
taariikhi
ah,Mubarar,jumca,Ayman,waxiid,ibraahiim,qinaawi
iyo dhamaan
murashaxiinta
ayaa codadkooda
ka dhiibanayey
goobaha
codbixinta,Ayman
Nour oo kamid ah
murashaxiinta oo
Saxaafadda kula
hadlayey
Baabu-shicriya
ee bartama
Qaahira kadib
codbixintiisa
ayaa sheegay in
Masar gashay
cahdi cusub,isla
markaana ruux
walbo oo Masaari
ah looga fadhiyo
in maalintaan
ixtiraamo,go'aamiyana
mustaqalkiisa
iyo mustaqbalka
dalka.
Inkastoo
dhaq-dhaqaada
Kifaaya ee
mucaaradka
taageerayaashiisa
isugu soo baxeen
Taxriir(bartamaha
Qaahira)si dadku
ugu booriyaan in
Mabarak la
qaadaco,taageerayaasha
mubarakna isugu
soo baxeen meel
aan ka fogeen
hadana amniga
ayaan gacanta ka
bixin,ciidamada
oo heegankii ugu
sareeyay la
galiyay 24-kii
ee ugu dambeesay
ayaa meel walbo
daadsan,booliis
ayaa kaaga hor
imaanaya halkan
iyo
halkaas,qiimaha
gaadiidka ayaa
hoos loo
dhigay,dadkuna
waa mucaarid iyo
muxaafid,googaada
inta badan la
hadal hayo waa
halka ay u
biyo-dhici
doonan codadka
Xarakada
Ikhwaanu
muslimiinta oo
labo milyan iyo
bar ka mid ah
taageerayaashoodu
usoo baxeen
codbixin tiiyoo
ilaa hadda aan
la garaneen
cidda ay ugu
shubayaan.
"Masar waa
hooyada
dunida","maata
waa maalinta
taariikhi
ah","waa ilaah
mahadii inan
maanta soo
gaaro","waraaq
sooma baxsan
waayo codkayga
qiimo
malahan,guushuna
waa
cadahay","waa
tajrubo ku
dayasho
mudan","u
dagaalan
barito","aniga
hadda ayaan
codaynayaa","waqti
uma hayo
doorasho
quutul-yoom ayaa
caruur iga
rabtaa ",waa
erayo dhagahaada
kusoo dhacaya
markaad raacdo
gawaarida ama
soo marto
wadooyinka
Qaahira,dhowr
gaari aan raacay
doodo kulul ayaa
ka socday,mid
sii dagaya iyo
mid soo korayaba
waxaa la
hadalhayaa
doorashada,saraakiisha
mas'uulka ka ah
doorashada ayaa
warbaahinta ka
sheegaya in
dadku dulqaad
muujiyaan,amnigana
la shaqeeyaan.
Tartankan
doorashada hal
murashax wax
kaban oo la
ogolaaday ayaa
ka dambeesay
kadib markii
Madaxwayne
Mubarak ka
codsaday Aqalka
barlamaanka
bishii febrayo
ee sanadkan in
la badalo
qodobka 76-aad
ee dastuurka si
doorashada
isusoo taagaan
hal murashax wax
ka badan tiiyoo
soo afjartay
nidaan hal Xisbi
oo dalkan
xukumayey wax
kabadan nus
qarni,nidaamka
Axsaabta ayaa
dalkan ka
bilowday
1907-dii iyadoo
Xisbiga talada
hayo ahaa
Xisbigii ugu
horeyay ee uu
dhasay Mustafa
Kamaal,waxaa
xigay Xisbiga
Al-wafdi oo la
dhisay kadib
Tow-radii
1919-kii,Al-Axrar
1922-kii...ilaa
axsaabta laka
diray towradii
23-kii Luulyo
1953-kii kolkaas
oo ciidamada
qalabka sida
talada dalka ka
af-gambiyeen
boqoryooyadii
Faaruuq,wixii
maalintaas ka
dambeesay waxaa
dalka maamulaey
nidaam hal Xisbi
ah.
Madaxwaynaha
talada haya ee
Mubarak waxaa uu
xukunka qabtay
kadib markii
tarabuunka lagu
toogtay
Madaxwaynihii
isaga ka
horeeyay ee
Anwar Al-sadad,isagoo
talada haya
muddo 25-sano
ah,hadii mar
kale la doorto
waxay mudadiisa
noqondoontaa
31-sano,Masar
towradii kadib
waxaa soo maray
Afar
Madaxwayne:Maxamed
Najiib
1953-1956,Jamaal
C/Nasir
1956-1970,Anwar
Al-sadad
1970-0981 iyo
Xusni Mubar
1981....dalkan
xiligan waxaa ka
dhisan 16-Xisbi
qaarkood
doorashada waa
qaadaceen,lix
iyo tobankaas
Xisbi shan kamid
ah ayaa Wargayso
soo saarto,marka
laga reebo
Xisniga talada
haya inta kale
malahan wax
Idaacad ama TV.
ah.
Doorashadan oo
isu
madaxbanaaneeyeen
garsoorka dalkan
waxaa loo diiday
kor-joogayaal
caalami ah,xitaa
waxaa loo diiday
hay'adaha
madaniga ee
dalkan,murashaxiinta
dhamaan waxay
caddeeyeen
kalsoonida ay ku
qabaan garsoorka
dalkan,waxaanse
la ogayn
kalsoonida ay u
qabi doonan
natiijada
doorashada oo la
filayo sedex
maalmood
gudahood.
Faafin: SomaliTalk.com | Sept 8,
2005
»Baaqa
Baarlamaanka Puntland Ma Mid Wadaniyadeedbaa|
kaashawiito
»Qoraal uu
London kasoo saaray Inj. Sayid Axmed Sh. Daahir....
»MAQAALADA KALE
EE MAANTA:::
KA AKHRI HALKAN... GUJI..
|