WARARKII
MAANTA::: Sept 5, 2005
- Cilmi Muxumad “Ma
jiraan wax maxaabiis ah oo u dhashay Ogaadeeniya oo
laga sii daayay xabsiga duqoobay ee Hargeysa
- Jabhadda wadaniga
xoreynta Ogaadeeniya oo sheegay in ay dileen 138 askari
oo Itoobiyaan ah..
- Xuseen Caydiid
“Dadka tahriibka ah ee lagu daadinayo xeebaha Yemen
waxay abuuri karaan colaad
- Eng. Qaasim (Fiqi)
“ma sharaxi karo wixii markii hore la igu afduubey..
- Guddiga HURCOS oo
qoraalo cabasho ah u kala diray....
W/D Amiin
Yuusuf Khasaaro
E-Mail
amiinkhasaaro@hotmail.com
Cilmi
Muxumad “Ma jiraan wax maxaabiis ah oo u dhashay
Ogaadeeniya oo laga sii daayay xabsiga duqoobay ee Hargeysa
Cilmi Muxumad oo ah wakiilka
jabahadda wadaniga xoryenta Ogaadeeniya ONLF ayaa waxa uu
daboolka ka qaaday in aysan jirin maxaabiis u dhalatay
ogaadeeniya oo laga sii daayay xabsiyada duqoobay ee
Hargeysa.
Waxa uu sheegay in
maxaabiistaasi ay weli ku jiraan jeelka Hargeysa iyagoo aad
ugu dacdareysan ama ugu dhibaateysan, waxa uuna ka dalbaday
Hay’addaha xaquuq Insaanka in ay ka hadlanaa tacadiga
baaxadda weyn ee loo gaysanayo maxaabiista Soomaaliyeed ee
ku xirxiran Jeelka Hargeysa.
Waxaa kaloo uu si kulul u
beeniyay Cilmi warar ay maalmahan qoreen saxaafadda Muqdisho
oo sheegaya in Ururka ONLF uu noqday labo garab, waxa uuna
wararlaasi ku tilmaamay mid aan sal iyo raad toona lahayn
jabhadduna waligeed ma qaybsamin.
Cilmi Muxumad waxa uu sheegay
ama caddeeyay in ay aysan wax doorasho ah ka dhicin dhulka
Ogaadeeniya isla markaana waxa uu intaa ku daray in dadka
xeryaha ciidanka Gumeysiga Kaararka loogu buuxbiiyayna kama
shaqeyn doonaa dhulka Ogaadeeniya.
Waxa uu sheegay in doorasho
aysan ka dhicin dhulka Ogaadeeniya taasina waxaa caddeeyay
Ururka Midowga Yurub, wuxuuna u soo jeediyay shacabka
Soomaaliyeed in ay gacan siiyaan walaalahooda halganka ku
jira.
Jabhadda wadaniga xoreynta
Ogaadeeniya oo sheegay in ay dileen 138 askari oo Itoobiyaan
ah..
War saxaafadeed ay shalay soo
saartay Jabhadda wadaniga, xoreynta ee Ogaadeeniyay ONLF
ayaa waxaay ku sheegtay in bilihii Luulyo iyo Agoosto ay
dagaalo ka dhaceen deegaano ka tirsan dhulkaasi, waxaana ka
mid ahaa dagaaldaasi Tuulada Xodoyo oo ka tirsan Gobolka
Doolo ayaa 27/7/2005 waxa y jabhaddu ku gubtay Baabuur
waxaana halkaasi ku geeryooday 17 askari, sidoo kale Caasha
Cade oo ka tirsan Gobolka Nogob ayaa 27-dii isla bishaas
waxay jabhaddu ku gubtay gaari Uural ah oo saarnaayeen 30
askari, waxana jabhaddu sheegtay in aysan jirin wax ka
badbaaday.
Sidoo kale
Galaalshe oo ka tirsan Gobolka Nogob aya 9/8/2005 ayaa waxa
ay gubeen gaari ay saarnaayeen 15 askari.
San Xaskule oo ka
tirsan isla gobolka Nogob ayaa 12/8/2005 ayaa Jabhadda ONLF
waxay halkaasi iyana ku gaari Uural ah oo ay saarnaayeen 23
askri.
Tuulada Xamra oo
ka tirsan gobolka Nogob ayaa 13/8/2005 waxay gubeen gaari
Uural ah oo ay saarnaayeen 20 askri.
Daaru Salaam oo ka
tirsan isla gobolka Nogob ayaa iyana 14/8/2005 oo ah maalin
kaddib ayaa waxaa dhacay dagaal aad u qaraaraa oo halkaasi
lagu dilay 22 askari 31 kalena waa lagu dhaawacay. isku geyn
askarta Xabashida ee la dilay waxay gaarayaan 138 askari,
waxaana laga dhaawacay 31 askari waxaana laga furtay 40 qori
iyo qalabka isgaarsiinta waxaana la gubay shan gaari, hase
yeeshee Jabhaddu ma sheegin waxa iyana dhinacooda soo gaaray,
waxaana qoraalkaani ku saxiixnaa Cilmi Muxumad oo ah
wakiilka ONLF ee Soomaaliya.
Xuseen
Caydiid “Dadka tahriibka ah ee lagu daadinayo xeebaha Yemen
waxay abuuri karaan colaad
Xuseen Caydiid oo ah Ra’isul
wasaare ku xigeenka Dowladda Federaalka ahna Wasiirka
arimaha gudaha ayaa mar uu waramayay saxaafadda wax laga
weydiiyay musiibadii ka dhacday xeebaha Yemen iyo Soomaaliya
oo la sheegay in ay ku dhinteen dad tahriibayaal oo gaaraya
240 qof, waxa uuna sheegay Xuseen Caydiid in waqti ay
ahaataba Maxkamad la soo taagi doono kuwa ku xadgudbay
dadkaasi. “Waxaa arrinat tahriibka aan kala hadlay Dowladda
yemen iyo maamulka Puntland in laga hortago dhibaatada
tahriibka” ayuu yiri Xuseen Cadyiid oo intaa raacay “sidoo
kale waxaa dhawaan arrintaan aan kala hadli doonaa Dowladda
Yemen iyo Maamulka Puntland si gacan looga gaysto joojinta
dadka tahriibayaalka ah.
“Dadka tahriiyaalka ah ee lagu
daadinayo badaha waxay ka tageen K/Soomaaliya taasin waxay
keeni kartaa colaad” ayuu yiri Xuseen Caydiid oo sheegay in
ay Dowladdiisa ay gacan ka gaysan doono sidii dhalinyarada
ugu soo dhameyn lahayd Fiisayaal wadanka Yemen ah gaar ahaan
markay u baxayaan dhinaca waxbarashada.
Eng. Qaasim (Fiqi) “ma sharaxi
karo wixii markii hore la igu afduubey..
Eng. Qaasim C/qaadir
Axmed (Fiqi) oo ah nin nabadoon ah isla markaana ah qoraa
waxa qora ayaa dhawaan dabley ku afduubatay Magaalada
Muqdisho.
Afduubka loo
gaystay Eng. Qaasim ayaa sida la sheegayo waxa uu ku
saleysnaa aargoosiyo u dhexeeya qabaa’ilka Muqdisho degan,
“waxaan xernaa ama aan u afduubnaa dadkii u haystay muddo
shan beri runtiina sababta la ii afduubtay markii hore ma
sharaxi karin, balse waxaa la ii sheegay in la ii haysto dad
laga xiray dadka markaa i haystay oo wax ku sheeganayay afar
nin oo aan kor iska naqaanay oo aan wax macaamil ah naga
dhaxeyn kuwaasoo kala ahaa Bashiir Raage, Beebe, Nuur Dhaqle
iyo Muuse Guure” ayuu yiri Eng. Qaasim oo intaa raacay in
muddadii shanta beri ahayd ee halkaa lagu hayay si wanaagsan
loola dhaqmay, isagoo sheegay in aan wax madax furasho ah
lagu soo deyn oo dadkii xirnaa ee isaga loo haystay la soo
daayay kaddibna isagana la soo daayay.
Eng. Qaasim waxa uu ka mid
yahay qorayaasha Soomaaliyeed ee wax ka qora arrimaha
Soomaaliya sida isagoo horey u qoray qormooyinkii laga daba
dhacay oo ay ka mid ahaayeen (Caydiid dhimayay caano ma
cabteen) (Sidee loo doortay C/llaahi Yuusuf maxaase laga
sugayaa) (Masiibada dadka ku habsatay maxaa u sabab ahaa)
iyo kuwo kale, waxaana falkaan lagula kacay Eng. Qaasim aad
uga xumaaday maamulka iyo shaqaalaha Wargeyska Ayaamaha
iyagoo u soo jeediyay bulshada in laga hortago falalka
noocaas ah ee lagula kacayo dadka aqoonyahanada ah.
Guddiga
HURCOS oo qoraalo cabasho ah u kala diray
Guddiga xaquuqda qaxootiga
Soomaaliyeed ee dunida ee HURCOS ayaa si aad ah uga
walwalsan xaaladda la soo gudboonaatay dhalinyarada
Soomaaliyeed ee tahriibayaalka ah ee ku baabaya Baddaha
Soomaaliya, Yemen, Liibiya iyo Talyaaniga.
Guddigu waxa uu
qoraalo cabasho ah oo ku aadan arintaa u kala diray
Madaxweynaha Soomaaliya, is maamul goboleedka Puntland, UNDP,
UNPOS iyo UNHCR, waxa uuna guddigu qoraalkiisa ku dalbaday
in la joojiyo doomaha sida sharci darada ah dadka
Soomaaliyeed u daldalaya musiibadana u horseedaya, waxa uuna
guddigu xaquuqda qaxootiga soomaali-yeed ee adduunka
arrintaasi ku tilmaamay mid sharci daro ah khatarna ku ah
nolosha dhlainyaro badan oo Soomaali ah.
Ugu dambeyntii
waxa uu guddigu dhalinyarada Soomaali-yeed ka codsanayaan in
noloshooda aysan khatar gelin isla markaana ay ka
digtoonaa-daan waxyaabaha khatarta ku ah noloshooda, iyadoo
guddgu dowladda Federaalka ah in ay iyadu mas’uul ka tahay
shacabka isla markaana loo baahan yahay in ay wax ka qabato
dhibaatooyinka shacabkeeda soo wajahaya. Waxa uuna
qoraalkaas uu guddigu u diray Hay’addii aan soo sheegay oo
nuqul ka mid ah uu soo gaaray jaraa’idka waxaana ku
saxiixnaa Guddoomiyaha guddiga C/raxmaan Xuseen Abuu Xamza.
W/D Amiin
Yuusuf Khasaaro
E-Mail
amiinkhasaaro@hotmail.com
75 oo Soomaali iyo Itoobiyan ah
oo ku Dhintay Xeebaha Yemen kaddib markii laga daadiyey
Doonyihii Tahriibta ahaa
Wararka ka imaanayaya dalka
Yemen ayaa shaaca ka qaaday in ugu yaraan 75 qaxooti ah oo
isu jira Soomaali iyo Itoobiyaan ay ku dhinteen badda Cas,
kaddib markii dadkii dooyaha ku soo qaaday ay ku amreen in
ay badda ku daataan, sidaas waxaa sheegay hay'adda qaramada
midoobey u qaabilsan qaxootiga ee loo yaqaan UNHCR.
Waxaa warku sheegay in 55
meyd ah ay kusoo caariyeen badda gobolka Shabwa ee yemen,
sida ay cadeeyey sarkaal ka socda Qaramada Midoobey.
Waxaa warku sheegay in 50
qof oo keliya ay kasoo badbaadeen dooni sidey 369 qof,
dadkaa soo badbaadey waxaa la geyey Mayfaah oo ku taal
gobolka Shabwa oo 400 km bari ka xigta magaalada dekeda ah
ee Cadan.
Saraakiishu waxa ay
sheegeen in 203 Itoobiyaan ah iyo 166 Soomaali ah oo ku
socdey Yemen ay saarnaayeen afar doonyood markii khasab
looga daadiyey doonyihii ay saarnayeen, kuwii doonyahaas
kusoo qariyey ayaan khasab inta ay ku daadiyeen waxa ay ku
dheheen u dabaasha Yemen.
Waxaa warku sheegay in
dadkaas ay baddu liqday maalinimaadii Jimcada, kuwaas oo
tiradoodu dhan tahay 75 qof oo 47 ay yihiin Itoobiyaan
iyo 28 Soomaali, halka 50 qof oo keliya ay u soo dabaasheen
Mayfaah, inta tirada ka dhimana ay maqan yihiin iyadoo aan
la ogeyn in ay dhinteen iyo in kale.
ISHA: UNHCR | tarjuamdii
SomaliTalk.com | Sept 5,2005
Faafin: SomaliTalk.com | Sept 5, 2005
Kulan
Diineedkii 5aad ee Woqooyiga Ameerika oo Guul Ku Dhammaaday.... GUJI
"Ma
dhici karto dad Mareykan ay u dhintaan Macluul sida
Somaaliya"
»Qaylo
dhaan ka soo yeeraysa Jasiiradaha ku teedsan Kismayo
»khilaaf
ka taagan qaybsiga ergada raacaysa Sharif Xasan
»Qaramada
Midoobey sheegtay in Jowhar tahay Caasimadda
»Yaa
loo magacaabay danjiraha ururka Midowga Afrika...
»Beesha
Hillibi Dallan-Doole oo dooratay nabadoon guud..
»Xuseen
Ceelaabe: DFKMG uma xirna Jaamac Aadan Dheere
»C/raxmaan
C/llaahi: gar ma ahan in siyaasiyiinta qaarkood ay
Warark aoo dhan ka akhri
halkan.... GUJI...
HARGEYSA:
Bilawga Ololaha Doorashada Wakiilada Somaliland
| Qodax
Dr. Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo dhan ka akhri halkan... Guji... Aug 2
Jaamacada Kismaayo oo Ladhigay Dhagaxeedii u Horeeyey
Markii ugu horeysey ee taariikhda Kismaayo ayaa la dhigay
dhagaxii ugu horeeeyey ee Jaamacad Kismaayo...
Guji...
Aug 1
Terry ma u Suurta Geli doontaa in Xera
Gashado Ganacsada Soomaaliyeed
Goobtii heshiiska Terry iyo DGPL waxaa
joogey qaar ka mid ah Xawaaladaha iyo ganacsadata
Soomaaliyeed oo...
Guji... |