WARARKII
MAANTA::: Sept 5, 2005
- 75 Qaxooti ah oo Ku
Qaraqmay Badda Yemen... (47 Itoobiyaan iyo 28 Soomaali)
- Cabdulaahi Yuusuf "Dalka
Britain waa Dal igu weyn waayo Beerka igu jira waxaa igu
deeqay 27 jir Britain ah"
75 oo Soomaali iyo Itoobiyan ah
oo ku DHintay Xeebaha Yemen kaddib markii laga daadiyey
Doonyihii Tahriibta ahaa
Wararka ka imaanayaya dalka
Yemen ayaa shaaca ka qaaday in ugu yaraan 75 qaxooti ah oo
isu jira Soomaali iyo Itoobiyaan ay ku dhinteen badda Cas,
kaddib markii dadkii dooyaha ku soo qaaday ay ku amreen in
ay badda ku daataan, sidaas waxaa sheegay hay'adda qaramada
midoobey u qaabilsan qaxootiga ee loo yaqaan UNHCR.
Waxaa warku sheegay in 55
meyd ah ay kusoo caariyeen badda gobolka Shabwa ee yemen,
sida ay cadeeyey sarkaal ka socda Qaramada Midoobey.
Waxaa warku sheegay in 50
qof oo keliya ay kasoo badbaadeen dooni sidey 369 qof,
dadkaa soo badbaadey waxaa la geyey Mayfaah oo ku taal
gobolka Shabwa oo 400 km bari ka xigta magaalada dekeda ah
ee Cadan.
Saraakiishu waxa ay
sheegeen in 203 Itoobiyaan ah iyo 166 Soomaali ah oo ku
socdey Yemen ay saarnaayeen afar doonyood markii khasab
looga daadiyey doonyihii ay saarnayeen, kuwii doonyahaas
kusoo qariyey ayaan khasab inta ay ku daadiyeen waxa ay ku
dheheen u dabaasha Yemen.
Waxaa warku sheegay in
dadkaas ay baddu liqday maalinimaadii Jimcada, kuwaas oo
tiradoodu dhan tahay 75 qof oo 47 ay yihiin Itoobiyaan
iyo 28 Soomaali, halka 50 qof oo keliya ay u soo dabaasheen
Mayfaah, inta tirada ka dhimana ay maqan yihiin iyadoo aan
la ogeyn in ay dhinteen iyo in kale.
ISHA: UNHCR | tarjuamdii
SomaliTalk.com | Sept 5,2005
Cabdulaahi Yuusuf "Dalka Britain waa Dal
igu weyn waayo Beerka igu jira waxaa igu deeqay 27 jir
Britain ah"
Madaxweynaha Dowladda
Federalka Cabdulaahi Yuusuf Axmed oo u waramayey wariye u
shaqeeya Jariidada News Telegraph oo lagu magacaabo Aidan
Hartley waxaa wax laga weydiiyey dalka uu ugu jecel yahay
dunida wuxuuna ku jawaabey Cadulaaahi Yuusuf isaga oo
Caloosha salaaxayai isla markaana tilmaamaya Qalbiga Ama
Beerka i " waxaan ugu jecelahay Dalka Britain waayo Beerka
iigu jira waxaa iigu Deeqay 27 jir u dhashay waddanka
Britain mana hilmaami doono wadankaas"
wuxuu sheegay Cabdulaahi
Yuusuf in dalka Soomaaliya ay si aad ah u buuxaan Wax uu ugu
yeeray Kooxaha Argagixisada taasina waa mid ay iska indha
tirayaan dalalka Reer Galbeed iyo Mareykanka waxayna si aad
ah u joogaan Magaalada Muqdisho waxayna ka faaideysteen Bur
burkii Dalka
" Haddi aan deg deg uusan
caalamka wax uga qaban soomaaliya waxayna noqoneysaa hoyga
kooxaha Argagixisadda " ayuu yiri Cabdulaahi Yuusuf oo intaa
Raaciyey "Haddi Dowlada aysan helin kaalmo lacageed waxaa
halis ku jira Dowladii lagu soo dhisey wadanka Kenya"
Cabdulaahi Yuusuf oo xarun
ka dhigtey Magaalada Jowhar 50 Mayl u jirta Magaalada
Muqdisho waxaa uu sheegay in dagaaladii ka dhacay somaaliya
ay galaafteen 500 oo kun oo qof isagoo sheegay in loo baahan
yahay in la badbaadiyo inta ka hartey dagaladaas
weriyaha oo sii wata
faaladiisa waxaa uu sheegay in in dagaalkii ugu xumaa ay
dhexmareen Ciidamada u yimid soomaaliya in ay ka hortagan
Gaajada iyo macluushii ka jirtey Dalka wuxuuna soo qaatey
dagaalkii Black Howk Down iyo kuwii Gan Caydiid oo ay ku
dhinteen 18 askari oo Mareykan ah wuxuuna wariyuhu sheegey
in dilka ciidamadaas lagu eedeynayo kooxo xag jira oo ka
tirsanaa Ururkii Al-Itixaad iyo weliba Qarxyo ka dhacay
wadamo ka tirsan Geeska Afrika wuxuu sheegay weriyahu in
ciidamada 1800 ee askari ee ku sugan dalka Jabuuti aysan ku
dhicin in ay gudaha u galaan dalka somaaliya balse waxay ku
eg yihiin ilaada xeebaha
wuxuu sheegay in dalka
Itoobiya ay gacan siiyaan Madaxweyne Cabdulaahi Yuusuf
wuxuuna qirey in indhiisa ku soo arkey Ciidamo Itoobiyaan ah
oo tababar ku bixinaya Magaalada Waajid ee Gobolka Bakool
kuwaas oo uu sheegey in loo tababarayo sidii loo weerari
lahaa Magaalada Muqdisho o uu sheegay in ay ku sugan yihiin
kooxo ka soo hojeeda Cabdulaahi Yuusuf iyo kooxo Asal raac
ah
"Aniga horey ayaan ula
dagaalamey kooxaha Argagixisada waana ogahay halka maanta ay
ku dhuumanayaan " ayuu yiri Cabdulaahi oo sheegey in
kooxahaas uu kula dagaalamey Magaaloyin ka tirsan Gobolada
Putland
Wariyaha waxaa kale uu
wareystey Shiikh Xasan Daahir Aweys oo ka mid ah Culimada
soomaaliyeed wuxuuna wereysigiisa ku sheegay Shiikha "waxaan
doonaya in soomaliya aan ka dhiso Dowlad Islaami ah " wuxuu
sii daba dhigay "waxaan doonayaa in aan ku faafiyo Geeska
afrika xitaa adduunka oo dhan " ayuu yiri Shiikh Xasan oo ka
mid ahaa Col ciidamadii xoogga Dalka waxaa kaloo wax laga
weydiiyey in uu ka mid yahay kooxaha Argagoxisada wuxuuna ku
jawaabey " Anigu ma ihi Dambiile kama cabsanayo qofna ‘
wariyaha wuxuu sheegay in markii ay
dhaceen dagaaladii sokeeya dalka soomaliya uu markasta ka
soo warami jirey somaaliya wuxuu kaloo sheegay in imaanshaha
waqtigan uu dareemayey cabsi iyo halisyo badan
W/D Amiin Yuusuf Khasaaro
E-Mail
amiinkhasaaro@hotmail.com
ISHA:::
http://www.telegraph.co.uk
Sept 4, 2005
Kulan
Diineedkii 5aad ee Woqooyiga Ameerika oo Guul Ku Dhammaaday.... GUJI
"Ma
dhici karto dad Mareykan ay u dhintaan Macluul sida
Somaaliya"
»Qaylo
dhaan ka soo yeeraysa Jasiiradaha ku teedsan Kismayo
»khilaaf
ka taagan qaybsiga ergada raacaysa Sharif Xasan
»Qaramada
Midoobey sheegtay in Jowhar tahay Caasimadda
»Yaa
loo magacaabay danjiraha ururka Midowga Afrika...
»Beesha
Hillibi Dallan-Doole oo dooratay nabadoon guud..
»Xuseen
Ceelaabe: DFKMG uma xirna Jaamac Aadan Dheere
»C/raxmaan
C/llaahi: gar ma ahan in siyaasiyiinta qaarkood ay
Warark aoo dhan ka akhri
halkan.... GUJI...
HARGEYSA:
Bilawga Ololaha Doorashada Wakiilada Somaliland
| Qodax
Dr. Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo dhan ka akhri halkan... Guji... Aug 2
Jaamacada Kismaayo oo Ladhigay Dhagaxeedii u Horeeyey
Markii ugu horeysey ee taariikhda Kismaayo ayaa la dhigay
dhagaxii ugu horeeeyey ee Jaamacad Kismaayo...
Guji...
Aug 1
Terry ma u Suurta Geli doontaa in Xera
Gashado Ganacsada Soomaaliyeed
Goobtii heshiiska Terry iyo DGPL waxaa
joogey qaar ka mid ah Xawaaladaha iyo ganacsadata
Soomaaliyeed oo...
Guji... |