WARARKII
MAANTA::: Sept 3, 2005
- Qaylo dhaan xoogan
oo ka soo yeeraysa dadyowga ku dhaqan jasiiradaha ku
teedsan magaalada kismayo
-
Madaxweyne Bush Ma dhici karto dad Mareykan ay u
dhintaan Macluul sida Somaaliya
-
khilaaf
ka taagan qaabka qaybsiga ergada raacaysa Gudoomiyaha
-
Wakiilka Qaramada Midoobey ee Soomaaliya
oo sheegay in Jowhar tahay Caasimadda Soomaaliya..
-
Yaa loo magacaabay danjiraha ururka
Midowga Afrika oo loo magacaabey..
-
Beesha Hillibi Dallan-Doole oo dooratay
Nabadoon guud..
-
Xuseen Ceelaabe Faahiye oo sheegay in uusan Dowladda
Federaalka u xirneyn Jaamac Aadan Dheere..
-
C/raxmaan C/llaahi “gar
ma ahan in siyaasiyiinta qaarkood ay sawir xun ka
bixiyaan..
Qaylo dhaan xoogan oo
ka soo yeeraysa dadyowga ku dhaqan jasiiradaha ku teedsan
magaalada kismayo kadib markii ay saamaysay xayiraadii uu
mamaulka isbahasiga ku soo rogay dhawaan jasiiradahaas
(SomaliTalk.com |
Kismaayo): Waxa ay qaylo dhaan xoogan ka soo yeeraysaa
bulshada ku dhaqan jasiirdaha kooyaamo iyo madhawe iyo
waliba jasiirado kale oo hoos yimaada gobolkaan jubbada
hoose kadib markii maamulka isbahaysiga dooxada jubba uu
xayiraad dhan walba ah uu ku soo rogay jasiiradahaas oo uu
maamulka isbahysiga uu ku sheegay halkaa ay ka shidaal
qaataan maleeshiyooyinka afduubka u haysta sadexda markab ee
kaluumaysi ee lagu haysto jasiirada kooyaamo.
Waxay ahayd bartamahii
bishii aanu soo dhaafnay markii ay maleeshiyo hubaysani ay
afduubteen sadex markab oo ayagu si sharci daro ah oga
jilaabanayay badweynta somaliya gaar ahaan mida gobolada
jubbooyinka. Kadib wada hadal iyo fadhiyo badan oo ay wada
galeen maamulka isbahaysiga dooxada juba iyo odayaal iyo
waxgarad ku hayb ah maleeshiyada afduubka ku haysata
maraakiibyaasi ayaa ku dhaamaday natiijo la aan ayadoo taas
badalkeedii uu maamulka isbahaysiga door biday in uu xayirad
ku soo rogo dhamaan jasiiradaha ku teedsan gobolkan ayadoo
ay ku sheegeen maamulka xayiraadaan ay sareen jasiiradaha
in ay kula soconayaan dhaqdhaqaaqa maraakiibtaasi oo laga
hago ayay yirahdeen jasiiradahaas.
Masuuliyiin iyo waxgarad ku
dhaqan jasiiradaah oo saakay soo gaaray magaalaa kismaayo
ayaa saxaafada waxaa ay u sheegen in ay aad u sii xumaanayso
nolosha ay ku noolyahiin dadka ku dhaqan jasiiradahaas oo
sida ay sheegeen aad u saamaysay xayiraada uu isbahaysigu
saaray jasiiradahaas. Maxamuud Mayo Cabdule oo ah gudoomiyha
jasiirada kooyamo ayaa sheegay in boqolaal qof ah oo ku
noolaa kaluumaysiga badaha islamrkaana ku sugnaa jasiiradaha
ay caqabad ku noqotay kaluunkii ay ka soo jalaabteen bada ee
ay u iibgeynayeen magaalada sababahaas oo ah xayirada la
saaray jasiiradaas ayadoo uu Maxamuud ka codsaday maamulka
isbahaysiga dooxda jubba in ay il naxariis leh ku fiiriyaan
maatida tabarta daran ee ku dhaqan jasiiradaas ee aysna
arkin maleeshiyda halkaa afduubka ugu haysata maraakiibta,
mana jiraan ilaa iyo hadeer wax waan-waan ah oo laga dhex
wado maamulka isbahaysiga dooxda jubba iyo odayaasha ku
haybta ah maleeshiyada afduubka u haysaa maraakiibta.
cabdi qadar nuur maxamed (filipiin)
kismayao soomaliya
cabdiqadar84@hotmail.com
Madaxweyne Bush Ma dhici karto dad
Mareykan ay u dhintaan Macluul sida Somaaliya
Amiin Yuusuf Khasaaro
E-Mail
amiinkhasaaro@hotmail.com
Iyadoo
dabeylo wata Duufaan ay ku dhifteen Gobolo ka tirsan
dalka Mareykan isla markaan ay geysteen dhimasho bur bur
aad u balaaran ayaa maalintii shaley ahayd waxaa
booqasho ku tagey goobaha Masiibooyinka ka dhaceen Madaxweynaha
Mareykan George Bush wuxuuna Gobolada qaarkod ku marey
Diyaarad kuwa Qumaatiga u kaca ee Helikopter hase
yeeshee mar uu u khudbeynayey dad ka soo barakacay
dhibaatadaas wuxuu sheegay in Dowladda ay wax ka
qabaneyso Khasaaroyinka ay geysteen Dabeylahaas waxaana
meeshii uu ku khudbeynayey ka dhacay in dad careysan ay
ku buuqaan Madaxeynaha ka dib markii ay Dowladda ku
eedeeyeen in ay la soo daahdey gurmadkii loo baahnaa
wuxuuna madaxeynaha markiiba uu ku dhaqaaqey in uu
dadka dejiyo waxaana hadaladii ka mid ahaa”Ma dhicirto
dad Mareykan ah ay Macluul u dhintaan sida Soomaaliya wadankaan
Bush baa Xukuma ” wuxuu intaa sii raaciyey “ Ma noqon
doonto Mareykan sida soomaliya “ sidoo kale Mudane ka
tisan Baarlamaanka ayaa isagana ka soo bur qadeen ereyo
Jees Jees ah oo la mid ah kii Madaxweyne Bush wuxuuna
yiri “ aad baa uga xumahay in magaalooyinka qaar ay
noqdaan wadooyinkooda sida Somaaliya wadooyinkooda ee
Boorka badanaa uuna ka muuqdo burburka lixaadka leh “
Mudane kale oo isna ka Hadley dhibaatooyinka ay geysteen
Dabeylahaas wuxuu yiri “ waxaana na soo gaaraya hadalo
aad iyo aad noo dhibaya oo ah Mareykan ha loo gar gaaro
iyo erayo la mid ah ‘ wuxuu intaas sii raaciyey “
Mareykanka isagaa bixin jirey Macaawino aad baan uga
xumahay in maanta la yiraahdo Mareykanka waxaa loo
diraya gargaar waana arrin gef ku ah shacabka Mareykanka
“
hadalada Quursiga ah ee ka soo baxaya Masuuliyiinta
Mareykanka waa mid aan dhihi karno “ Nin waa Markiiye
ee Mus Ma kula korey” somaaliyana waa ka bixin doontaa
dhibaatada maanta haysato waxaa dhawaan akhriyey maqaal
ku soo baxay Wargeys la yiraado Al Yoom wuxuu halku
dhig uga dhigey “Mareykanka iyo Berri “ Isagoo Bayjka
hore ku sawiray Taaladda Qaranka Mareykanka oo loo soo
ridayo sidii tii Sadaam Xuseen
khilaaf
ka taagan qaabka qaybsiga ergada raacaysa Gudoomiyaha
Iyadoo
la filayo in uu dhawaan u ambabaxo Cariga Mareykanka
Gudoomiyaha Baarlamaan Shariif Xasan Shiikh Aadan si uu
uga qayb galo kulan ay magaaladda New York ku
yeelanayaan Gudoomiyayaasha Baarlamaanada Adduuunka
ayaa warar ka imaanaya magaalada Nairob waxay sheegayaa
in uu khilaaf xoogan uu ka jiro qaabka qaybsiga
ergooyinka raacaya Gudoomiya Baarlamaan ka dib markii
safaarada Mareykanka ay u ogolaatey in gudoomiyaha
raacaan ilaa 21 xildhibaan iyo xubno kale
Qaar ka mid ah xildhibaanada ayaa soo
jeediyey in xubnaha loo qaybsado qaabkii 4.5 ee shirkii
dib u heshisiinta ee dalka Kenya , aragtidaan ayaa la
sheegay in uu Mareykanku ku taageersan yahay warar kale
ayaa sheegaya in xubno kale ay so jeediyeen ergooyinka
lagu xulo qaab aqooneed waxaana la sheegey muranka uu
dib u dhigay in bixitaaankii gudoomiyaha Baarlamaanka
iyadoo safaaradda Mareykanka ay soo jeedisey in loo
baahan yahay in deg deg arrinka xal looga gaaro
maadaama u dhow yahay furitaan shirka baarlamaanada
adduunka warar kale yaa sheegaya in khilaafkan ay ku
lug yeesheen qaar ka mid hogaamiyaasha ugu tunka weyn
magaalada Muqdisho
Dhinaca
kale Gudoomiyaha marka uu soo dhameysto kulanka New York
waxa uu soo booqan doonaa wadamada ay ka midka yihiin
Igiriiska, Holland, Norway , Sweden Ingiriiska iyo
Kanada waxaana Soomaalida ku nool wadamadaas haatan
wadaan soo dhaweynta gudoomiyaha Baarlamaanka.
Soo
dhaweynta ugu balaaran waxay ka socotaa Magaalada
Minneapolis ee Cariga Mareykanka oo ay degan yihiin
Soomaalida ugu badan marka la firiiyo Magaalooyinka
wadanka Mareykanka waxaana halkaasi qabanqaabo ka wada
ra’isul wasaarihii hore ee dalka Soomaaliya Cali Khaliif
Galeyr waxaana lagu waramay in xitaa Soomaalida ku nool
wadankaasi ay wadaan uruurinta lacago ay ugu talagaleen
dib u dhiska dalka Soomaaliya.
Wakiilka Qaramada Midoobey ee Soomaaliya oo sheegay in
Jowhar tahay Caasimadda Soomaaliya..
Wakiilka Qaramada Midoobey ayaa mar uu
saxaafadda ugu waramayay Magaalada Adis-Ababa ee dalka
Itoobiya mar uu ka soo baxay kulan uu la lahaa
gudoomiyaha ururka midowga Afrika Alpha Omar Conari ayaa
waxa uu sheegay in Qaramada Midoobey ay Magaalada Jowhar
u aqoonsan tahay caasimadda Soomaaliya oo haatan xarun u
ah Dowladda Federaalka.
“inta la sugayo nabadgelyada Magaalada
Muqdisho Jowhar waxay ii ahaaneysa caasimadda ku meel
gaarka ah” ayuu yiri wakiilka Qaramada Midoobey François
Fall oo intaa raaciyay “Muqdisho marka lagu soo dabaalo
nabadgleyo dowladdu waxay u wareegi doontaa Muqdisho”.
Hadalka ka soo yeeray wakiilka waxa uu
dhabar jab ku noqonayaa xubnaha labada gole ee ku sugan
Magaalada Muqdisho oo iyagu si aad ah ula dhacsanaa dhex
dhexaadinta wakiilka hase yeeshee tani waxay keenaysaa
kala fogaansho aad u balaaran oo u dhexeeya xubnaha
labada gole. Wakiilka ayaa wareysiyo uu horey u bixiyay
waxa uu ku celcelin jiray mar kasta in Muqdisho ay tahay
caasimadda Soomaaliya loona baahan yahay in Dowladdu ay
si dhaqsi leh ugu guurto lamana garanayo sababta uu
wakiilku waqtigaan u yiri in Jowhar ay tahay caasimadda
Soomaaliya.
Dhinaca kale Dowladda
Itoobiya oo iyadu taageero xoog leh siisa Dowladda
Federaalka dhinaca C/llaahi Yuusuf Axmed ayaa maalmahan
ku howlanayd sidii Jowhar loogu aqoonsan lahaa
caasimadda ku meel gaarka ah ee Soomaaliya, waxayna
arrintaani kala hadashay Qaramada Midoobey gaar ahaan
wakiilka hay’addaas ee Soomaaliya François Fall taasina
waxay keentay in uu wakiilku ku dhawaaqo in Jowhar ay
tahay caasimadda ku meel gaarka ah ee Soomaaliya.
Sidoo kale dowladda Itoobiya waxay ku howlan
tahay sidii soomaaliya loogu diri lahaa ciidamo nabad
ilaalin ah oo ay iyadu hor boodeyso, waxaa kalloo
Qaramada Midoobey ka dhaadhicinaysaa sidii
cunaqabateynta looga qaadi lahaa Soomaaliya isla
markaana taageero loo siin lahaa.
Yaa
loo magacaabay danjiraha ururka Midowga Afrika oo loo
magacaabey..
Waxaa maalintii doraad ahayd Magaalada Adis-Ababa
gaar ahaa xarunta midowga Afrika waraaqihii aqoonsiga
looga gudoomay C/kariin Faarax Laqanyo oo ka mid ah
ragga sida aadka ah ay isgu dhowaayeen C/llaahi Yuusuf
Axmed iyo Cali Max’ed Geedi.
Siyaasigaan ayaa waxaa waraaqaha ka gudoomay
gudoomiyaha ururka midowga Afrika Alpha Omar Conari,
iyadoo mar uu halkaasi ka hadlay gudoomiyaha ururka
midowga Afrika uu sheegay in ururka midowga Afrika uu
aad ugu faraxsan yahay in Soomaaliya ay dib u hanato
kursigii ay ku lahayd ururka midowga Afrika oo isagu
bannaanaa muddo 15 sano ku dhawaad ah.
Danjire C/kariin Faarax Laqanyo waxaa la
doonayay in laga dhigo safiirka Itoobiya u fadhiya
Soomaaliya balse lama garanayo sababta ay C/llaahi
Yuusuf iyo Ra’isul wasaare Cali Max’ed Geedi ay C/kariin
ugu xusheen darajadaas sare
Cabdikariin Laqanyo wuxuu magaalada baledweyne ka
abaabuley Maamul Goboleed la magac baxy Midland balse
waxaa ka soo horjeestey shacabka ku nool gobolka Hiiran
wuxuuna Cabdi kariin ku lug yeeshey qalalaasooyin ka
dhacay Magaalada Baled weyne wuxuu markaas taageero ka
helayey Dowlada Itoobiya
Beesha Hillibi Dallan-Doole oo dooratay Nabadoon guud..
Kulan ay isugu yimaadeen nabaddoonada,
Culuma-u-diinka, siyaasiyiinta, Aqoonyahanada,
Waxgaradka, Dhalinyarada iyo Haweenka Beesha Hilibi
Dallan-Doole waxaana kulankaasi looga hadlay arrimaha
beesha iyo sidii ay beesha uga dhex muuqan lahayd
siyaasadda guud ee dalka ha noqoto dib u heshiisiinta
iyo nabadeynta ummadda Soomaaliyeed, waxayna beeshu ay
shalay dooratay nabadoonka guud waxaana loo doortay
Xuseen Max’ed Cabdi (Xuseen Digriyow) waxaana ku Xigeeno
u ah C/qaadir Axmed Walaal, Xasan Cabdi Macow, Cali
Axmedey Cabdule Ilkoole.
Waxaana xubno ka ah Xasan Maxamuud Shoobaaye,
Ibraahim Shuceyb Cumar, Nuur Cabdule Dhuubow, Macallin
Nuur Geela iyo Sabdow Ibraahim Walaal.
Beeshu waxay ka mid tahay beelaha
Soomaaliyeed kuwooda ugu waaweyn hase yeeshee waxay
caddaalad daro ka tirsanaysaa dhamaan beelaha
Soomaaliyeed gaar ahaan beesha Mudulood kaddib markii ay
beeshu hal xubin ka helin golaha Baarlamaanka iyo kan
wasiirada iyo waliba Jagooyinka kale ee Dowladda,
waxaana xubnaha cusub loo rajeeyay in xilkooda ay a u
gutaan si caddaalad ah waxaana la filayaa in dhawaan
xaflad Caleemo saar ah oo ku aadan doorashada Nabadoonka
dhacdo Magaalada Balcad oo 30 kiilmiter u jirta
Magaalada Muqdisho
Xuseen Ceelaabe Faahiye oo sheegay in uusan Dowladda
Federaalka u xirneyn Jaamac Aadan Dheere..
Xuseen
Ceelaabe Faahiye oo ah ku simaha Ra’isul wasaaraha
dowladda Federaalka ayaa waxa laga weydiiyay xariga
siyaasiga Jaamac Aadan Dheere oo haatan ku xiran xabsi
ku yaala Magaalada Jowhar, wuxuuna sheegay in Jaamac
Aadan Dheere uusan u xirnayn dowladda Federaalka ah ee
uu xiran yahay maamulka Gobolka Sh/dhexe ee uu hogaamiyo
Max’ed Dheere. “doonimeyno in aanu gacan dhaafno
maamulka gobolka, isaga ayaa baaritaan ku haya Jaamac
Aadan Dheere” ayuu yiri Xuseen Ceelaabe Faahiye oo u
waramayay Idaacadda Banaadir, waaxa uuna sheegay in
dowladda Federaalka ay gacan ka gaysan doonto sidii loo
sii deyn lahaa Jaamac Aadan Dheere. Waxaa la weydiiyay
adinka ayuu marti idiin ahaa oo keenay Magaalada Jowhar
ee maxaad waxa uga qaban weydeen xarigiisa?, waxa uuna
yiri Ceelaabe “wixii ka dhacay gobolka waxaa
mas’uuliyadda iska leh maamula gobolka isaga ayaana lala
xiriiri karaa, balse waxaan ku celinayaa mar kale in la
sii daayo Jaamac Aadan Dheere”. Mudane Jaamac Aadan
Dheere waxa uu dhawaan shir jaraa’id ku dhaleeceeyay
dowladda Federaalka oo uu ku tilmaamay in ay ku
fashilantay arrimhii loo soo doortay oo ahaa in ay
badbaadiso shacabka Soomaaliyeed
Sidoo
kaleXoghayaha
Guud ee Maamulka Gobolka Sh/dhe ayaa sheegay in dhawaan
maxkamad la soo taagayo siyaasiga lagu magacaabo Jaamac
Aadan Dheere oo dhawaan lagu xiray Magaalada Jowhar ka
dib markii uu meel fagaare ah ka sheegay in dowladda KMG
ah ay ku fashilantay waxyaabihii loo doortay isla
markaana loo baahan yahay in ay is casisho.
c/laahi wehliye caadle waxaa la waydiiyey
waqtiga la soo taagayo maxkamadda ninkaas waxa uuna
sheegay in sida ugu dhaqsiyaha badan maxkamad loo soo
taagi doono waxaana hadda ku socda baaritaan dhinacyo
badan leh, waxa uuna sheegay in hadii lagu helo dambi uu
,mutaysan doono labo midkood oo kala ah in uu xabsiga
ku sii jiro iyo in laga musaafuriyo gobolka waxaa soo
gaaray maamulka gobolka sh/dhe baaqyo looga dalbanayo in
la sii daayo ninkaas.
C/raxmaan C/llaahi “gar
ma ahan in siyaasiyiinta qaarkood ay sawir xun ka
bixiyaan..
Gudoomiyaha ururka SPMJ mudane Dr.
C/raxmaan C/llaahi Dhubad ayaa sheegay in ururkiisu uu
soo dhaweynayo howlaha ay Maxaakiimta Islaamig ah ka
wadaan Magaalada Muqdisho waxa uuna ku booriyay in
halkaasi ka sii wadaan.
“Gar ma ahan in siyaasiyiinta qaarkood ay
sawir xun ka bixiyaan Maxaakiimta dagaalka kula jirta
kooxaha gaysanay dilk, dhaca, afduubka iyo ka hortaga
mukhaadaarka” ayuu yiri gudoomiyaha oo intaa raacay
shacabka Soomaaliyeed ma aqbali doono in lagu shabadeeyo
Maxaakiimta iyo Culumada Soomaaliyeed waxa la yiraahdo
argagixiso.
Ururku waxa uu ka codsanayaa Madaxweynaha
Soomaaliya iyo golaha Xukumadda in ay si fiican ula
macaamilaan Maxaakiimta iyo Culumada ku howlan xasilinta
Muqdisho, sidoo kale waxay ka codsadeen Maxaakiimta iyo
Culumada in iyagana xiriir la sameeyaan Xukuumadda sida
wasiirka arrimaha dibadda iyo Duqa magaalada si la isaga
kaashado xasilinta Magaalada Muqdisho.
waxaa maalmahan qaar ka mid ah
siyaasiyiinta soomaliyeed Maxkamadaha ka bixinayeen
argatiyo qaldan iyadoo saiyaasiyiinta qaarkood ay afk
ku bal balaarieen in maxkamaduhu yihiin kuwa hawlahooda
ku xiran shisheeye sidoo kale mar uu Shiikh Xasan
Daahir Aweys oo ah Gudoomiyaha Shuurada ee Maxkamadda
Ifka Xalan wareysi uu bixiyey ku sheegay in arrimihii
Argagixisada ay noqdeen kuwo Ganacsi iyo kuwo
siyaaasadeed oo la doonayo in lagu wiiqo Muslimiinta
Amiin Yuusuf Khasaaro
E-Mail
amiinkhasaaro@hotmail.com
Faafin: SomaliTal.com
| Sept 3, 2005
Kulan
Diineedkii 5aad ee Woqooyiga Ameerika oo Ka Socda Minneapolis
Galabnimadii Jimcada ayaa waxaa Minneapolis ka bilowday
kulan diineedkii 5aad, kaas oo socon doona 3 maalmood
Guji...
Sept 3 |