Barnaamijkii Radio Xoriyo
07 October. 2005
-
Kofi Annan oo Erireteya ugu baaqay inay
xayiraada ka qaado diyaaradaha Qaramada Midoobey.
-
Golaha Ammaanka oo canbaareeyay sargaal
lagu dilay Kismaayo.
-
Suudaan oo lagu caddeeyay weerarkii
qoxootiga.
-
Mucaawinada Afrika oo la kantarooli doono.
-
Barnaamijkii Xog-Warran.
======================
Xoghayaha guud ee Qaramada Midoobey Kofi
Annan ayaa dawlada Eritereya ugu baaqay inay ka qaado
xayiraada ay ku soo rogtay duullimaadkii ay diyaaradaha
helikobtarka ah ee Qaramada Midoobey ku tegi jireen xadka ay
la qadaagto Itoobiya, isagoo ka digay in xayiraadani ay sii
kordhinayso oo kaliya colaaddii u dhexaysay labada waddan ee
Eritereya iyo Itoobiya.
Kofi Annan wuxuu sheegay in xayiraadan, oo la
dhaqan geliyay arbacadii, ay ka soo horjeedo xuquuqda
asaasiaga ah ee dhaqadhaqaaqa ciidammada Qaramada Midoobey
ee nabad ilaalinta u jooga xadka Erireteya iyo Itoobiya.
Qaramada Midoobey waxaa xadka Eritereya iyo
Itoobiya ka jooga 3500 oo isugu jira ciidammo millatari ah
iyo boolis, kuwaasoo ilaaliya dhulka ciidammada ka caaggan
ee labada dal u dhexeeya.
Afhayeenka ciidamada Qaramada Midoobey ee
halkaas jooga Stephan Dujarric ayaa sheegay in diyaaraha
helikobtarka ah ee Qaramada Midoobey aan la siinin
oggolaansho ay ku duulaan, ciidammada nabad ilaalintuna ay u
hooggaansameen xayiraadii diyaaradahooda lagu soo rogay.
Fadhi uu Golaha Ammaanku talaadadii yeeshay,
wuxuu ka soo saaray qaraar uu labada waddan ugaga digayo
inay dib u cusboonaysiiyaan dagaalkii xadka ahaa. Golaha
Ammaanku wuxuu labada dhinacba ugu baaqay inay
is-xakameeyaan, isla markaana ayna isticmaalin wax keeni
kara inay awood ciidan isu adeegsadaan.
Golaha Ammaanka oo canbaareeyay sargaal lagu
dilay Kismaayo.
Golaha Ammaanka ee Qaramada Midobey ayaa si
wayn u canbaareeyay dil magaalada Kismaayo loogu gaystay
sargaalka u shaqaynayay Qarmada Midoobey.
Golaha Ammaanka ee Qaramada Midoobey wuxuu aad u
canbaareeyay dilkii magaalada Kismaayo loogu gaystay sargaal
u shaqaynayay hay’adda UNDP, kaasoo ahaa wakiilka hay’adda u
joogay magaalada Kismaayo oo niman dablay ah oo wajiga soo
qarsaday ay ku toogteen xaruntiisa horteeda.
Qoraal uu Golaha Ammaanku soo saaray wuxuu ku
sheegay in la sii wadayo xayiraadda hubka ee saaranka dalka
Soomaaliya. Wuxuuna dalalka deriska la ah Soomaaliya ka
dalbaday inay dhawraan xayiraadda hubka ee Soomaaliya
saarnayd tan iyo 1991. Golaha Ammaanka ee Qaramada Midoobey
wuxuu kaloo sheegay inuu si wayn ula xisaabtami doono cidda
loo arko inay ku xadgudbayso xayiraadda hubka ee Soomaaliya.
Xukuumadda Itoobiya ayaa si joogto ah ugu
xadgudubta xayiraadda hubka ee saaran dalka Soomaaliya,
iyadoo hub iyo saanad kalaba ku caawisa kooxaha soomaaliyeed
ee gacan saarka la leh, isla markaana ay ciidammadeeduna si
aan kala go' lahayn ugu soo xadgudbaan xuduudda dalka
Soomaaliya.
Suudaan oo lagu caddeeyay weerarkii qoxootiga.
Ciidammada Midowga Afrika ka jooga gobolka
Darfur ee galbeedla dalka Suudaan ayaa diyaarinaya filn iyo
sawirro uu ku caddaynayo in ciidammada Suudaan ay ka
denbeeyeen weerarkii dhawaan loo gaystay dad rayad oo
halkaas ku nool. Dawlada Suudaan ayaa hadda ka hor diidday
inay wax lug ah ku leedahay weerarkaas.
Madaxa ciidammada Midowga Afrika ee gobolka
Darfur ka hawlagala Baba Gana Kingbe ayaa warfidiyeennada u
sheegay in dhinacayada iska soo horjeeda oo dhami ay
jabiyeen xabbad joojintii u dhexaysay, isla markaana ay
weerarkii ugu denbeeyay ka qayb qaateen diyaaradaha
helikobtarka ah ee ciidammada Suudaan.
Saraakiisha ciidammada Suudaan ayaa diiday
eeddan loo soo jeediyay, waxayna sheegeen in warbixinta
ciidammada Midowga Afrika ay ku salaysan tahay oo kaliya
warar ay ka heleen shaqaalaha ururrada samafalka ah, isla
markaana wararka loo soo gudbiyay ayna ahayn kuwo lagu
kalsoonaan karo.
Waxaan sheegnay wixii aan aragnay oo kaliya.
Wararka jiidda hore naga soo gaadhayana waxay sheegayaan
diyaaradaha helikobrtarka ee qoryaha culus saran yihiin ay
labo dhinac oo kala duwan ka soo weerareen gobolka Darfur,
sidaas waxaa yidhi Baba Gana Kingibe. Wuxuu kaloo intaas ku
daray inay hayaan filin iyo sawirro la soo bandhigi karo
haddii ay daruuri noqoto.
Kingibe wuxuu sidoo kale golaha nabadgelyada
iyo xasilloonida ee Midowga Afrika ka dalbay inuu arrintan
ka hadlo, isla markaana ogaado in xaaladda gobolka Darfur ay
meel khatar ah marayso.
Mucaawinada Afrika oo la kantarooli doono.
Mucaawinada la siiyo dalalka Qaaradda Arfika
ayaa si wayn loo kantarooli doonaa, sidaas waxaa ku
heshiiyay golaha isbahaysiga gargaarka Afrika, oo dhawaan ku
kulmay magaalada London, si uga doodaan qaabka loo fulin
karo qorshihii loogu talagalay isku fillaanshaha qaaradda.
Qorshahaasi wuxuu xaqiijin doonaa sababta
mucaawinada loo bixiyay, wuxuuna warbixino cusub oo joogto
ah ka samayn doonaa yoolalka hormarineed iyo ballanqaadyada
ay dawladaha Afrika qaadeen ee ah inay is-beddal
horymarineed samaynayaan.
Golaha isbahaysiga gargaarka Afrika, wuxuu ka
kooban yahay dalalka dhinaca warshadaha ka hormaray ee G8
iyo dalalka Afrika, waxaana qorshaha uu ku heshiiyo la
faafin doonaa ugu horrayn bisha Oktober 2006.
Golaha isbahaysiga gargaarka Afrika wuxuu ku
heshiiyay in la sameeyo qorshe wadajir ah oo isu keenaya
ballanqaadyada dalalka G8 iyo wadammada deeqda la siiyo ee
Afrika, si loo sahlo hawsha kooxaha isha ku haynaya fulinta
ballanqaadyadaas.
Wuxuu kaloo Golahu tixgelinayaa
ballanqaadyadii bilihii la soo dhaafay la sameeyay eek u
saabsanaa xoojinta mucaawinada iyo dhaafista daymaha lagu
leeyahay dalalka deeq ku noolka ah, iyo waliba ballanqaadkii
ay dalalka Afrika sameeyeen ee ahaa inay mucaawinada u
siticmaalayaan sida ugu wanaagsan ee loo dhimi karo
saboolnimada iyo tirtiridda musuqmaasuqa iyo laaluushka.
Dalalka deeqada ugu badan la siiyo waxaa ka
mid ah Itoobiya, hase yeeshee deeqda ay wadammada adduunku u
siiyaan inay dadka tabaalaysan ku gargaarto waxay u
isticmaashaa dagaallada ay kula jirto ururrada xaq u-dirirka
ee ka soo horjeeda iyo dagaallada xaq darrada ah ee ay ku
qaado dalalka deriska la ah
HALKAN KA DHEGEYSO BARNAAMIJYADA KALE
EE XORRIYO
Radio Xoriyo
07 October.
2005
Axmed Gaal-Eri
radioxoriyo@ogaden.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 19 MB ee
dhererkeedu yahay 15670 KHZ, Maalmaha Talaadada iyo Jimcaha
7: 30PM waqtiga Afrikada Bari
Faafin: SomaliTalk.com |
Oct 5, 2005
MAQAALADA KALE EE MAANTA::::
»DIGNIIN CULUS: AIDS-KA
& SOOMAALIDA | Dhagaafe
»Gabadhii xumaan damacda:
"nin iga weyn
ayaa lagu dari lahaa"| Ikram
»Dowladihii
aan Qaranka Lahayn | C/Waaxid Khaliif
»Haddii
189 xubnood ay doorteen c.llaahi muxuu kooram u layahay
»Muqdisho
iyo Jowhar Barbar-dhac | Amiin Yuusuf
»Tarbiyada
caruurta |
Baashi Maxamed Shiikh
»Mucaarad
iyo Muxaafid la isugu tag Shabeelada Dhexe | A. Yusuf
»BISAYL
SIYAASADEED MISE BOOR ISKU QARIS? | Garaad
»Fariin
ku jeeda ra’iisulwasaare Geedi! | Cadde
»MAQAALADA KALE
EE MAANTA:::
KA AKHRI HALKAN... GUJI..
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 |