Miyaa Maxamed-dheere la
Masaafurinayaa
Ilaah baa mahad leh.
Nabadgelyo iyo naxariis nabi Muxamed korkiisa ha ahaato.
Waxaan ummadda Soomaaliyeed leeyahay Ramadaan wanaagsan.
 Cabdulwaaxid
Khaliif
cabdulwaxid@hotmail.com
London, UK | Oct 5, 2005
Wuxuu farshaxan-yaqaan Ammiin Caamir noo sawiray sawir kale
oo muujinaya Maxamed-dheere oo neeftii ku dhejiyey qaar ka
mid ah madaxda “dowladda” ee Jowhar jooga.
Sawir-gacmeed-yaqaanne wuxuu iftiimiyey madaxweynihii oo
Geeddi ku leh: war ninka adaa afgaranayee naga qabo! Marka
booqashada Maxamed-dheere aaday ma taasay dabojoogtaa mise
waa isku-beegmasho nasiib ah?
 Waxaan
wada ognahay in ay Maxamed-dheere madaxa isla galeen
hogaamiyayaasha siyaasadda iyo kuwa dagaalka intooda badan.
Waxaa u dambeysay tii reer Hiiraan. Wasiirradii iyo
saraakiishii reer Hiiraan waxay isku raaceen in
Maxamed-dheere faraha la soo galo arrimo uusan shuqul ku
lahayn. Maxamed-dheere lagama jecla Balcad iskaa daa
Kismaayo ama Banaadire. Keliya hadda waxaa taageera dad hayb
ahaan ku raacsan.
Waxay taariikhdu na bartay in qofkii la rabo in boos laga
qaado loo diro kooras ama laga dhigo safiir waa markii
sharkiisa laga baqayo ama looga naxo in la xiro ama la dilo.
Waxaa la sheegaa in Maxamed Ibraahim Cigaal markuu ahaa
ra’iisul wasaaraha Soomaaliya uu rabay inuu Maxamed Siyaad
Barre u diro Seybeeriya oo ka tirsanaday Midowgii Soofiyeeti
laakiin waxaa arrintaas ka damqaday wasiirkii arrimaha
gudaha ee markaas, Yaasiin Nuur Bidde iyo rag kale oo diiday
in arrintaasi meel marto. Hadda sidee Geeddi u ogolaaday in
Maxamed-dheere iyo Juriille wadamatalaan wafdi? Horray waan
u arki jirnay Geeddi iyo Juriille oo wafdi isu raaca. Bal
suureyso haddii mid walba uu sheego qabiilkuu ka yahay “4.5”
marka waddamadaas la horjoogo! Miyaan Maxamed-dheere oo soo
taagan la iibsaneyn ileyn labada nin xagga aqoonta iskuma
dhigmaane? Waa arrintaas midda keeneysa shaki ah in
Maxamed-dheere wax lala maaganyahay. Haddii wafdigu aadi
lahaa meelo kale arrintu sidaan waa ka sahlanaanlahayd
laakiin waxaa dadkii ka yaabiyey iyagoo la leeyahay waxay
aadayaan Itoobiya iyo Yemen. Waa labada waddan ee si aad ah
u raba iney soo baxdo dowladda korneylka.
Maxaa laga fili karaa booqashadaas? Inteynaan jawaab
baarbaarin, horta maxaa Maxamed-dheere booqasho loogu
dirayaa? Miyaan Maxamed-dheere ahayn ninka laga sheeganayo?
Runtii wuu yahay laakiin Maxamed-dheere maahan nin jilicsan
oo lagu degdegi karo. Waa ninkii ugu horreeyey ee muddo ka
badan 30 sano ka yaabiyey korneylka. Maaddaama aysan
dowladdu casili karin waa in la raadsho xal kale. Ani ahaan
waxay ilatahay haddaysan arrintu musaafuris ahayn in ay
Itoobiya iyo Yemen u gooddin doonaan Maxamed-dheere iyagoo u
sheegi doona inuu faraha kala baxo arrinta dowladda haddii
kale uu ka shallaayi doono.
Dabinka lala rabo Maxamed-dheere waxaa ka fakin kara
taageerayaashiisa qabiilka iyo maleyshiyadiisa. Maaddaama
Maxamed-dheere iyo in badan oo Muddulood ka mid ah aysan
isku fiicneyn sida dadka Balcad iyo Xamar dega intooda badan;
isagoo lumiyey oo isku diray saaxiibbadiisii reer Hiiraan
iyo iyadooy joogaan ciidamo Puntland ka yimid oon
Maxamed-dheere ka amarqaadan ayaa arrinta ku sii adkeyn
karta Maxamed-dheere. Waxaa kaloo la ogaaday in
maleeyshiyooyinka Soomaaliyeedba aysan qaddiyadan lahayn
marka waxaa dhici karta in inta Maxamed-dheere maqanyahay la
kala furfuro oo la gato.
Si kastaba ha ahaatee, qorshayaashaas waxay kala caddaan
doonaan mar dhow haddii Ilaah idmo sababo badan awgood.
Maxamed-dheere oon wax qarsan darteed ayey dhici kartaa inuu
afka qeylo ku shubto oo yiraahdo: war iga soo gaara waa la i
khiyaamee!
Cabdulwaaxid Khaliif
|
cabdulwaxid@hotmail.com
Afeef: Aragtida
qoraalkan waxaa leh qoraaga ku saxiixan
Sawirka: Amiin Caamir
Faafin: SomaliTalk.com |
Oct 5, 2005
MAQAALADA KALE EE MAANTA::::
»DIGNIIN CULUS: AIDS-KA
& SOOMAALIDA | Dhagaafe
»Gabadhii xumaan damacda:
"nin iga weyn
ayaa lagu dari lahaa"| Ikram
»Dowladihii
aan Qaranka Lahayn | C/Waaxid Khaliif
»Haddii
189 xubnood ay doorteen c.llaahi muxuu kooram u layahay
»Muqdisho
iyo Jowhar Barbar-dhac | Amiin Yuusuf
»Tarbiyada
caruurta |
Baashi Maxamed Shiikh
»Mucaarad
iyo Muxaafid la isugu tag Shabeelada Dhexe | A. Yusuf
»BISAYL
SIYAASADEED MISE BOOR ISKU QARIS? | Garaad
»Fariin
ku jeeda ra’iisulwasaare Geedi! | Cadde
»MAQAALADA KALE
EE MAANTA:::
KA AKHRI HALKAN... GUJI..
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 | 
Daabaco
Boggan | Print