Dowladda Federaalka oo ka mid noqotay Dowladaha dagaalka ku la jira Hargabka Shimbiraha..

W/D Amiin Yuusuf Khasaaro
E-Mail amiinkhasaaro@hotmail.com

OCT 31, 2005

Dowladda Talyaaniga oo sheegtay in ay baaritaan ku sameyn doonto hub la sheegay....

War ka soo baxay Wasaarada arimaha dibadda ee Wadanka Talyaaniga ayaa lagu shegay in  Dowladda Talyaaniga ay baaritaan ku sameyneyso hub milatari oo la sheegay in uu dhawaan gaaray garab ka mid ah garabyda Dowladda ee fadhigeedu yahay Magaalada Jowhar. Baaritaan ayaa waxaa la sheegay in uu noqon doono in Dowladda Talyanaiga ay guddi u soo dirto gudaha Dalka Soomaaliya si ay warbixin uga dhageyso qaybaha kala duwan ee bulshada si loo ogaado in Dowladda Talyaaniga ay bixisey hubkaasi iyo in kale. Waxaa maalmahan dalka Talyaaniga ka jiray is qabqabsi u dhexeeya Dowadda iyo kooxo mucaaradda kaddib markii kooxaha mucaaradka ay sheegeen in Dowladdu aysan dhex dhexaad ka ahayn is haysiga u dhexeeya Dowladda Federalka ee Soomaaliya. Dowladda ayaa la sheegay in ay ku doodeyso in ay bixisay hub ay sheegtay in ay ugu talagashay sidii nabad loogu soo dabaali lahaa dalka Soomaaliya, kaasoo ay sheegtay in uu badnaa Gaadiidka ciidamada lagu daad gureeyo iyo dareyska ciidamda. Dowladda Talyaaniga waxay kalloo sheegtay in ay dhex dhexaad ka tahay is haysiga u dhexeeya Dowladda Federaalka ee ku kala sugan Magaalooyinka Muqdisho iyo Jowar, hase yeeshee xubnaha labada Gole ee ku sugan Muqdisho ayaa waxa  ay sheegeen in Dowladda Talyaanigu aysan dhex dhexaad ka ahayn khilaafka u dhexeeya Dowladda Federaalka. Sidoo kale Dalka Soomaaliyeed ee ku nool dalka Talyaaniga ayaa warqad cabasho ah u gudbiyay Dowladda Talyaaniga oo ay kaga dalabanayaan inay dhex dhexaad ka noqot is haysiga u dhexeeya Dowladda Federaalka, sidoo kale waxay ka codsadeen in ay gacan ka gaysato sidii ay u dhex dhexaadin lahayd Dowladda Federaalka ee Soomaaliya, waxayna u soo jeediyeen Dowladda Talyaaniga in ay ergo dib u heshiisiineed u dirto Dalka Soomaaliya.  

Ururka Daryeelka Haweenka iyo Dhallaanka oo codsi u jeediyey Caalamka .

Wasiirka arimaha dibada ee Dawlada Fedaraalka KMG ah ee Soomaaliya C/laahi Sheekh Ismaaciil ayaa maanta magaalada Adis Ababa ee caasimada wadanka Itoobiya wuxuu kaga qayb galayaa shir halkaasi uga furmaya Madaxda Dawladaha ururka Midowga Afrika.

C/laahi Sheekh Ismaaciil ayaa wuxuu matalayaa Dawlada Federaalka KMG ah ee Soomaaliya, waxaana lagu wadaa in kulankaasi lagu soo qaado arimaha Soomaaliya gaar ahaan xukuumada loo soo dhisey Soomaalida.

Madaxweyne C/laahi Yuusuf Axmed ayaa horey loo shaaciyey in uu ka qayb gali doono shirkan, balse waxaa muuqata in uusan ka qayb galeyn oo ay isugu imaanayaan Madaxweynayaal, Rai'salwasaarayaal, wasiiro iyo wakiilo ka socda beesha caalamka.

Isku soo dhawaansho ayaa laga muujinayaa dooddii ka taagnayd maamul u sameeynta Gobalka Hiiraan.

Wararka naga soo gaarayo magaalada Jowhar ee fariisinka kumeel gaarka ah ee dawladda ayaa sheegayo in wada hadalladii ay lahaayeen masuuliyiinta kasoo jeeda gobolka Hiiraan uu haatan meel yididiilo leh maraayo.

Wada hadallada oo ku bilowday shalay qaab kulul oo xammaasadaysan ayaa markii hore waxaa yaraa is fahanka masuuliyiinta ,hase ahaatee dawladda federaalka ah ayaa dhex dhexaadin muuqata ka dhex wadda madaxdaasi.

Arinta la isku khilaafsan yahay waa maamul u samaynta gobolka Hiiraan oo qoloba si u eegayso , taasoo salka ku haysa isku dheellitirka beelaha.

Madaxwaynaha Soomaaliya Md: C/laahi Yuusuf Axmed iyo raysulwasaare Geeddi ayaa si gooni gooni ah ula kulmaya madaxda dooddu dhex martay si ay mid walba ugu qanciyaan in ujeedadu tahay in maamul loo sameeyo gobolka Hiiraan.

Wasiirada kasoo jeeda gobolka Hiiraan ee dooddu dhex martay ayaa waxay kala yihiin:-Wasiirka waxbarashada Cali Cabdullaahi Cosoble, wasiir kuxigeenka dhaqan celinta malleeshiyaadka Cali Jayte, wasiir kuxigeenka gaashaan dhigga Cumar dheere iyo masuuliyiin kaleeto.

Kulamadoodii ugu danbeeyay masuuliyiintan ee dhacay xalay iyo shalay ayaa ahaa kuwo la isku soo dhawaaday laguna ballamay in lasii wado kulamada xalka looga gaarayo maamul u samaynta gobolka Hiiraan.

Maalintii shalay ahayd magaalada Baladwayn waxaa ka dhacay mudaaharaad ay kasoo qaybgaleen dadwayne saluugsanaa qaabka maamul u samaynta gobolka Hiiraan.

Maamulkii gobolka Hiiraan wali wuxuu ku sugan yahay magaaalada Jowhar ayadoo halkaasi uu u tagay guddoomiyaha gobolku inuu dawladda kala soo tashado xaaladda jirta

Wafdi ka socda Qaramada Midoobey oo booqanayo day magaalada Boosaaso

Wafdigan oo maanta ka soo degey garoonka diyaaraha ee magaalada Boosaaso, ayaa waxay booqdeen xarumo ay dhismahooda maal gelisey UNDP, sida MCH-ka cusub iyo suuq cusub oo uu dhismihiisu geba gebo yahay iyo saldhigga booliis oo laga hir gelinayo xaruntii hore ee TB-da ee xaafadda Biyo Kulule.

Wafdiga Qaramada Midoobey oo isugu jirey mas’uuliyiinta laamaha UNDP, UNCHR iyo Unicef ayaa kormeekooda waxaa ku weheliyey guddoomiyaha gobolka Bari, Yusuuf Maxamed Wacays (Dhedo) oo warbixin ka siiyey wafdigaasi, xaaladda dhismayaasha cusub ee ay maal gelineyso Qaramada Midoobey iyo xiriirka maamulka gobolka Bari uu la leeyahay hay’adaha Qaramada Midoobey.

Dhismayaashaas oo ay gacanta ku hayso shirkadda Tawakal ayaa waxaa warbixin ka bixiyey mas’uul ka tirsan shirkadda dhismaha ee Tawakal oo lagu magacaabo Faarax Maxamed Ismaaciil Toox oo isagu sheegay in muddo ka yar toddobaad lagu dhammays tiri doono dhismayaashaas, isagoo intaas ku daray in shirkaddoodu ay dhismayaal kale ka waddo magaalooyinka Puntland qaarkood.

Ugu dambayntii shirkadda dhismaha ee Tawakal ayaa inta badan fulisa dhismayaasha ay maal geiyaan hay’adaha Qaramada Midoobey sida UNDP iyo hay’adda Swedesh-ka ah ee Diakonia, iyadoo wafdiga Qaramada Midoobey iyo maamulka gobolka Bariba ay u mahad celiyeen shirkadda dhismaha ee Tawakal.

Wafdiga Qaramada Midoobey ayaa duhurnimadii maanta waxay u amba baxeen degmada Carmo ee gobolka Bari halkaas oo ay booqan doonaan goobo ay dhismahooda ay fulinayaan hay’adaha Qaramada Midoobey iyo xarunta akedeemiyada booliiska ee degmad.