Somaaliya
Katarina iyo Rita
W/D
Amiin Yuusuf Khasaaro
E-Mail
amiinkhasaaro@hotmail.com
Oct 2, 2005
Qof kasta Marka ay dhegihiisa
ku soo dhacaan Magacyada Katarina iyo Rita isla markiiba
waxa uu la soo boodayaa dabeylihii ku dhuftey Cariga
Mareykan oo geystey khasaarooyin isugu jira Naf iyo maal
hadaba sababta aann maqaalkan ugu magacdarey waxay tahay
anigoo is iri Masiibada ku dhacdey Mareykanka waa mid ka
jirta soomaaliya waayo Mareykanka wuxuu ka qayliyey Masiibo
socotey dhowr saacadood hase yeeshee Masiibada soomaaliya
ku dhacdey waxay soctaa muddo 15 sanno ah oo cid u soo
gurmatey ma jiraaan balse Mareykanka ayaa sannadkii 1992-
dii damcay in masiibada Soomaliya ka jirtay u soo gurmado
isaga oo dheg la qabto lahayn buu isaga cararey wuxuu
dhegihii Libaaxa ku wareejiyey Qaramada Midoobey iygana hal
haleel bay uga baxeen
Masiibada
soomaaliya way ka duwan tahay midda Mareykanka ee Katarina
iyo Rita midda Maeykanka ka dhacdey waa mid dabiici ah oo
ilaah ku salidey , Midda soomaaliya waa mid ay gacmaheeda ku
keensatey oo ilaa hadda taagan , waxaana la sheegay in ay
daran tahay midda dadka gacmahooda ku sameystaan waayo
midda dabiiciga waa la daaweyn karaa laakiin mida
Baniaadamiga sameeyey waa adag tahay in la daaweyo , balse
dadka qaarkii waxay aaminsan yihiin in la daaweyn karo ,
Masiibada soomaaliya waa taagan tahay oo maalin walba weji
cusub ayey la soo baxaysaa sidoo kale Dawlada Jabuuti iyada
oo kaashaneyso caalamka ayey u soo gurmatey Soomaaliya si
ay uga badbaadiso Masiibada Katarina iyo Rita waxaa ka
horyimid gurmadkaas siyaasiyiinta hubeysan ee Muqdisho oo
iyagu maanta ku calaacalaya maxaan Cabdi Qaasim u raaci
weynay isaga ayaa wax walba noola diyaar ahaa
Regtherka lagu
cabiro Dabeysha ama masiibada waxaa laga fiiriyaa heerkeeda
iyo Halka xudunta u ah , waxaa uu tilmaamey Cabdi qaasim
markii uu baneeynayey xilka oo yiri”Masiibadda soomaaliya
waxaa xuddun u ah Magaalada Muqdisho wuxuu si gaar ah u
timaamey beelaha Habargiddir ,Mudulood iyo Murusade “
hadalka Cabdi Qaasim marka la fiiriyo waxaa la dhihi karaa
wuxuu afka ku dhuftey halka xuddunta u ah masiibada
Soomaaliya ee Katarina iyo Rita
Dowlada Kenya ayaa
u soo tafaxaydatey in ay wax ka qabato Katariina iyo Rita-da
Somaaliya oo ilaa xad baa la dhihi karaa wax ka qabatey
hase yesehee saan saanta masiibada Dawlada Kenya waxay ka
dareentay inta ay dalkooda joogeen kooxaha siyaasadda oo
waxay u sheegtey kooxahaas in ay ku laabtaan Dalkooda si ay
Masiibadu ugu qabsato halkaa waxayna Kenya ka cabsaneysey
katriina iyo Rita ay ka dhacdo waddankeeda sidaa bay
Dowlada kenya ku badbaadey waxayna sheegeen Khuburada
saadaaliya Dabeysha in haddii kooxaha soomalida ay sii
joogi lahaayeen muddo yar Kenya waxaa ka dhici lahaa Dalka
Kenya Masiibada Katarina iyo Rita
Masiibada
soomaaliya ee Katarina iyo Rita waxay soo martey heerar kala
duwan waxayna soo qaadatey magacyo ay ka mid ahaayeen SNA
iyo SSA ,SRRC iyo SAMATABIXINTA iyo magacyo kale oo aan
halkan ku soo koobi Karin oo maanta waxay mareysaa heerkii
ugu xumaa waayo waxay la soo baxdey magacyadii Asalka u ahaa
ee ay lahayd Masiibadaas oo ah Jowhar iyo Muqdisho , dadka
qaarkii ayaa qaba Masiibada katariina iyo Rita ( Muqdisho
iyo Jowhar ) way kala daran yihiin kuwo ayaa qaba in
katarina la siiyo kooxaha Muqdisho waayo ayey yiraahden
kooxdan weligeed waxay u taagneyd dhibka soomaaliya oo waxay
rabaan lama garan karo mid kala soo boodey oo yiri “
walaahi aniga waxaan dhihi lahaa katarina iyo Rita way kala
darnaayeen waxyeeladooda marka katariina waxaa qaadan kara
kooxda Jowhar waayo iyaga ayaa ah kuwa ugu badan ee
shacabka dhibka u geystey maantana soo wada cadowga ummadda
soomaaliyeed “ Mid saddaxaad oo ka mid ah dadweynaha ayaa
soo boodey oo yiri “ kooxda Jowhar waa Katarina maxaa
yeelay iyaga afka ku sheegay goor hore oo yiri “ Daadku yuu
idiin qaadin “ “marka shacabka waxaa lala damacsan yahay
in daad lagu soo rogo marka waxaan leeyahay walaalayaal
naga joojiya daadkiina uma adkeysan karnee “
Mid kalaa soo
boodey oo yiri “Shacabka ayaa la dhihi karaa Masiibada
maanta ka jirta Soomaaliya waa katarina iyo Rita
Marawaxadii dhaqaajineysey waayo raali bay ka yihin in
katariina iyo Rita sii socoto waxaa taas u daliil u ah
waxay iska qaban la’ yihiin afar gubtey iyaga oo Malaayiin
ah .
Maxkamadaha
Islaamiga ayaa iyagu sheegay in ay hayaan wixii looga
hortagi lahaa ama lagu daweyn lahaa Masiibada Katariinada
iyo Ritada ee Soomaaliya taas oo ay sheegeen in ay tahay
iyadoo la qaato Kitaabka Alle haddii kale waxay sheegeen in
ay imaan doonaan Masiibooyin ka waaweyn Katarina iyo Rita
ama Jowhar iyo Muqdisho
W/D Amiin
Yuusuf Khasaaro
E-Mail
amiinkhasaaro@hotmail.com
Afeef: Aragtida
qoraalkan waxaa leh qoraaga ku saxiixan
Faafin: SomaliTalk.com |
Oct 2, 2005
MAQAALADA KALE EE MAANTA::::
»DIGNIIN CULUS: AIDS-KA
& SOOMAALIDA | Dhagaafe
»Gabadhii xumaan damacda:
"nin iga weyn
ayaa lagu dari lahaa"| Ikram
»Dowladihii
aan Qaranka Lahayn | C/Waaxid Khaliif
»Haddii
189 xubnood ay doorteen c.llaahi muxuu kooram u layahay
»Muqdisho
iyo Jowhar Barbar-dhac | Amiin Yuusuf
»Tarbiyada
caruurta |
Baashi Maxamed Shiikh
»Mucaarad
iyo Muxaafid la isugu tag Shabeelada Dhexe | A. Yusuf
»BISAYL
SIYAASADEED MISE BOOR ISKU QARIS? | Garaad
»Fariin
ku jeeda ra’iisulwasaare Geedi! | Cadde
»MAQAALADA KALE
EE MAANTA:::
KA AKHRI HALKAN... GUJI..
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 | 
Daabaco
Boggan | Print