Dib u heshiisiinta Soomaaliya:
Maxaa qaldan?
 Halkaan
waxaa ku sawiran col. Abdullaahi Yuusuf Axmed iyo Cali
Maxamed Geeddi, m/madaxweynaha iyo ra'iis wasaaraha
dawladdii ka soo baxdey shirkii dheeraa ee Kenya. Labada nin
aad bay u faraxsan yihiin, waxeyna u qoslayaan sidii laba
wiil oo dhallin yaro ah oo intixaan dugsiga dhexe ku
guuleystey. Dabcan sawirkaan waxaa la qaadey markii labada
nin oo Itoobiya dhabarka ka riixdo ay ku soo bexeen
jagooyinka ugu sareeya xukuumadda cusub.
Waxaan is weydiin karnaa
sida rag xilkaas culus dhabarka loo saarey ay ugu qosli
karaan sidaan oo kale. Waa mare hab maamuuska casriga ahi " modern
ettiquette" ma ogola qosolkaan qaawan oo nuucaan ah, kaasoo
laga filan karo shaqsi caadi ah (very pedestrian). Sidoo
kale waxa uu muujinayaa sawirku kursi jacaylka iyo sida aysan
marnaba u dareemeyn xilka ay qaadayaan, hawlaha sugaya,
dhibaatada dalkooda burburey ee misna cadowga dibaddu ku
tumanayo.
Dhanka kale, meesha waxaa
isugu yimid kooxa fara badan oo horey isu laayey, oo mid
kastaa haysato bugcad yar oo dalka ka mid ah, isla markaana
doonaya awood qaysi iyo is afgarad. marka haddii meesha laga
rabo dib u heshiisiin iyo in dawlad qaran la dhiso, soow ma
ahayn in la wada qoslo, gacmaha lays wada qabsado lagana
gudbo wixii horey is afgarasha waa u jirey! Soow ma ahayn in
sawirada xisaasigaa sida kan sare oo kale, laga dhex arko
ragga siyaasadda ku kala fogaa, " win win situation" meeshii
koox hal dhinac ah la buunbuunin lahaa.
Akhristoow, bal qiyaas
meesha raggani ay qosol ku damaashaadayaan, sida dhanka kale
rag dibinta u qaniinayo. meysan gar hayn in ay dudaan? Ku
shubashada doorashada ka sokow, guruupka Addis, waxay
kalegood isku safeen dilalkii sarsare oo dhan-- M/weyne,
ra'iis wasaaare, wasiirada arrimaha gudaha iyo dibadda iyo
madaxda ciidamada qalabka sida iyo qaar kale! Misna waxay ku
sii dareen damaashaad iyo dhoola tus hal dhinac ah oon loo
wada dhammeyn.
Sidoo kale, soow ma cadda
in fara gelinta shisheeye looga dan lahaa in aan meeshaba
lagu heshiin, maadaama kooxaha derbi la dhex dhigey oo iyadoon
laba ruux la heshiisiin dawlad la dhisey? Haddii ay
fekeryaan qolada sheegata in Itoobiya taageerto, waxay garan
lahaayeen in cidda wax u diidani tahay itoobiya nafteeda,
waayo haddaan heshiisba jirin, xilna ma jiro!
Waxaa hubaal ah in kooxdii
Carte ay ka saxnaayeen kuwa xilalka aan jirin u ololeyna,
markii ay soo jeediyeen shirka billawgiisa bal horta in la
heshiiyo intaan dawlad dhismaheed la gaarin, shirkana loo
daayo Soomaalida. Nasiib darro amd nasiib wanaag, sida ay
ninba la tahay, rag rumeysnaa in ay cudud shisheeye talada
dalka ku hantiyaan ayaa gaashaanka ku dhuftey fursaddaas
qaaliga ahayd. Xaggee dawladeey ka dhala haddii lababa geed
fuusho!
Sidaas darteed waa in aan
hadda geedka hooskiisa isugu nimaad, wixii aan ku heshiinana
nidaam ku dhisano. waa in aan iska ilaawno koox yar oo
tiraahda dawlad baan nahay, dunidana uga lacageysata. Waa in
aan kala garanaa koox militari ah oo dal xoog ku qabsadey
xoogna ku maamula íyo dawlad magac uun ah oo dib u
heshiineed.Sida muuqata qolana kaligeed wax ma qaban karto.
Marka Waxaan leeyahay
Cabdullahi iyo Geeddi, hadal weynu ku daalney, dib naloo ma
siri karo, wax badan baan soo aragney dawlad aan aqalkeeda
dhaafin, dawlad hal meel uun dunida ka taqaan, oon caalamka
kale la macaamilin. Sidaas haddaan rabtaan in aad naga
dhaadhisaan, waad nagu daaleysaan.
Waxaa kaliya ee
xukuumaddiina boolida u muuqata xalaal ka dhigi kara,
dalkana anfici kara, waa adinkoo hadalka daaya, hubkana naga
dhiga. Taas haddaab ku guuleysataan magaciinu waxuu ku waari
doonaa looxa sharafta Soomaaliya iyo geeska Afrika. Nin idin
diidan iyo nin doonaba wey idiin sacbin doonaan "The end
justifies the means". Haddiise aydnaan, taas ku guuleysan,
waa adinkoo dhagar u bareerey waxaad meesha u joogtaan!
Ahmed Raghe hassan
raage_118@hotmail.com
Afeef: Aragtida
qoraalkan waxaa leh qoraaga ku saxiixan
Faafin: SomaliTalk.com |
Oct 2, 2005
MAQAALADA KALE EE MAANTA::::
»DIGNIIN CULUS: AIDS-KA
& SOOMAALIDA | Dhagaafe
»Gabadhii xumaan damacda:
"nin iga weyn
ayaa lagu dari lahaa"| Ikram
»Dowladihii
aan Qaranka Lahayn | C/Waaxid Khaliif
»Haddii
189 xubnood ay doorteen c.llaahi muxuu kooram u layahay
»Muqdisho
iyo Jowhar Barbar-dhac | Amiin Yuusuf
»Tarbiyada
caruurta |
Baashi Maxamed Shiikh
»Mucaarad
iyo Muxaafid la isugu tag Shabeelada Dhexe | A. Yusuf
»BISAYL
SIYAASADEED MISE BOOR ISKU QARIS? | Garaad
»Fariin
ku jeeda ra’iisulwasaare Geedi! | Cadde
»MAQAALADA KALE
EE MAANTA:::
KA AKHRI HALKAN... GUJI..
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 | 
Daabaco
Boggan | Print