::: SomaliTalk.com :::

Daabaco Boggan | Print

AFSOOMAALIGA OO QARKA U SAARAN IN UU KASUULO LUQADAHA AFRIKA
usheeg waraabow baa igu dhacaye waxaa loo tarjumey...

Af-qalaad Aqoontu Miyaa?
Maxaa keenay in dadka Soomaaliyeed ay afkoodii hooyo kadoor bidaan afaf qalaad? [Cibaar]

WAA IN LAYAREEYA HORMARINTA AFSOMAALIGA!
Waxaan filaya in laga doodi karo fikrada ah “Afsoomaliga maxaa loo yasayaa?”

Qofkii aanan garanayn afka Ingiriisiga waa jaahil
Arrintaasi ma dhabbaa? Inteese- in la’eg ayaa lagu gumaystaa?

WAA IN LAYAREEYA HORMARINTA AFSOMAALIGA!
Waxaan filaya in laga doodi karo fikrada ah “Afsoomaliga maxaa loo yasayaa?”

.Sunta ku duugan Soomaaliya

.Macdanta ku duugan Soomaaliya

Qoraalkaaga oo aad Loo Fahmo Waa Muhiimadda Koowaad [A.Sheikh]

Qaamuuska maamaahyada Soomaaliyeed

DHAWRITAANKA XUQUUQDA QORAALKA

Ugu horeentii waxey mahadi oo dhami u suganaatay Allaah sareeye kor ahaayee, naxariis iyo nabad galyane Nabi Moxamed korkiisa ha ahaato.

Taariikhda dunida waa mid taxano is dabataal qulqulato ah oo qoreeyso wax ala wixii soo mara ee ah xumaan iyo samaan , waxeeyna marjac ama dib ugu noqod u noqotaa dadka markaas ku nool dunida kuwaas oo ka dheehan kara waxa ay soo martay dunida gaar ahaan kuwii sida gaarka ahaay u soo maray dalalkooda kalana baxa wax kasta oo samaan ah, wixii xumaan iyo dhacdooyin fool xumo ahna iskaga taga oo tusaale iyo waanoyin ku qaata, kana digtoon in ay mar labaad soo maraan taariikhdooda olalane u gala sidi ay u cirib tiri lahaayeen hadii ay wax ka hareen kuna dadaala si aysan jiilalkooda dambe u aqrisan wax yaabo fool xumo ah oo ay dalkooda iyo dadkooda soo mareen. Sida aan la socono wax yaabaha soo mara taariikhda waxa ay u kala baxaan labo nuuc oo kala ah :- - mida koowaad waa kuwo ama dhacdooyin ka mid ah taariikhda soo mara dunida laguna qoro baalasha dahabiga ah ee ummadi leedahay, kuwaas oo ka tarjumaayo dad samaan u galay dalkooda iyo dadkooda, sida dad halgamayaal ah, dad wax ku soo kordhiyay dalkooda iwm ...kuwa labaad waa kuwo ama dhacdooyin lagu qoro baalasha madoow ee mugdiga ah, kuwaasne waa kuwa waxyaabaha xumaanta, falalka foolxumada ah geesta oo dambi ka gala dalkooda iyo dadkooda.

Hadii aan nahay Qoowmiyada soomaaliyeed waxaa na soo maray taariikhooyin kala duwan oo xumaan iyo samaan leh , Balse waxaan umadaha kale kaga duwan nahay anaga oo ku waano iyo tusaalo qaadanin wax yaabihiin xumaata ahaay ee soo maray taariikhdeena, isla markaasne isku boorinin ku dayashada wax yaabihii samaanta ahaay ee ayagana soo maray taariikhdeena,

Waxaan jecelahay in aan wax yar ka faaloodo dhinaca taariikhdii mugdiga aheeyd ee soo martay dalkeen, waayoo samaan xumaan ka dambeeysay in laga sheekeeyo wax nuxur ah ma leh, soomaaliduna waxa ay yiraahdaan " Dameer aan leeyahay aa ka fiican baabuur cad aan lahaan jiray", saas daraadeed aan dhinacaan oo kaliya uga faaloonaa . Waxaa soo maray dalkeena dagaalo sokeeye kuwaas oo dalkii oo dhami baaba'shay, dadkiina ka dhigay mid xabadi dishay , mid macluul la dhintay, iyo mid qurbaha qaxooti ku ah, waxaana meesha ka baxay danti guud iyo damaan arimhi asaasiga ahaay ee shacabka u baahnaay, sida (iskuuladii, isbitaaladii, wadooyinki ..wim,), qof kasta oo soomaali sax ahna marka uu soo xasuusto bari samaadkii soomaaliya iyo bilicdii muqdisho wuxuu dareemo murugo iyo tiiraanyo daran, una gashay baal madoow oo taariikhdiisa iyo mida ummadiisa ka mid ah. sidaa oo jirto oo waxaas oo xumaan ah la soo arkay siiba shacabka, hadana shacabku kuma baraarugsana dhibaatooyin kaas oo dhan iyo dhibaata ay yeelan karto hadii uu mar labaad dalka ka qarxo dagaal sokeeya , inkastoo shacabka uu san khalad laheeyn oo uu yahay mid la hogaamiyo , hadana waa isaga kan kala dooran kara hogaanka fiican iyo midka xun, waa maxay sababaha uu shacabku uga kici la'yahay hurdada dheer ee uu ku jiro, iyo ku daba feelka dadkii ku naaxay dhiigiisa iyo hantidiisa?, miyuusan shacabku aqli laheeyn oo uusan dib u xasuusaneeyn taariikhdii madooweed ee uu soo maray?, labadaan su'aal waa kuwo ay is weeydiinayaa dad aan aniga ka mid ahay balse aniga weli jawaab 100% sax ku ah uma aanan helin, balse sooma dhihi karno shacabka waxaa ka tan badiyay caadifad qabiil oo yar iyo weeyn nin iyo naag caalim iyo caamo waxaa daashaday caadifad qabiil indhaha kaliya ay liiyihiine oo ay qaranimada moodaan soo qabiil maaha, balse waxaa xasuusnin mudan qarnigaan qabiil ku faan qiimo ma leedahay.

Aniga oo san jecleen in aan ku dheeraado faaladeeydaan, waxaan jecelahay in aan u soo jeedsho walaalaheeyga soomaaliyeed dhoor arimood oo hadii ay raacaan ay dib u hanan karaan qaranimadoodi.

1) Mida koowaad waa in aanu u noqnaa kitaabka rabi subxaanahu watacaall, uguna dhaqamnaa sida uu rabi jideeyay, wax kastana iskugu xukumnaa sida waa faqsan shareecada islaamka , raacnaana wadooyinki uu noo jeexay nabigeeya Maxamed (SCW) , waxaad arki dad badani oo ku leh hadii ay diinta oo laga tagay tahay waxa somaliya heesta , Japanka ama Germanka ayaa dagaalo iyo faqiirtinimo lagu arki lahaa, walaalayaal Japanka iyo Germanka labaduba mid diinta ka tagay kuma jiro oo waligood ba gaalo ayeey ahaayeen, sida uu Nabigeeyna Maxamed (SCW) noo sheegayna dunidu waa janada gaalada, allaahna waxa uu noo sheegay in uu gaalada uga dhigi lahaa quraarado guryahooda si ay u sii fasahaadaan hadii aysan muslimiinta moodi laheeyn in ay gaalada saxan yihiin , waxa uu kaloo Allaahna subxaanahu watacaala noogu sheegay qur'aanka : " Ilaaheeyn in uu san badalin qoom ilaa ay ayaga badalan nafsadooda", marka anaga taas aa naheeysato oo nafsadeeynii ayaan badalnay oo diintii ayaan ka tagnay.
2)Mida labaad waa in aan sameeyaan isku tanaasul, oo mid kasta oo naga mid ah uu u sabraa walaalkiisa kale.
3) Mida sadaxaad waa in an sameeynaa iskaashi oo aan dad gooni ah lagu sii daayn dhanta guud ee uu qof waliba u is taagaa in uu si hagar la'aan ah ugu shaqeeyo dalkiisa iyo dadkiisa, aana iska saarnaa wax kasta oo xumaan ah.
4)Mida afaraad ee ah mida igu dambeeyso waxaan oran lahaa in aan ku boorinaa kuna dhiiri galinaa qof kasta ee ka shaqeeynaya maslaxada umada una muujinaa in aan garab taagan nahay oo aansan ku fiirsan, inta xumaanta wadane aan meel uga soo wada jeesanaa, oo hal mowqif oo mideeysan ka qaadanaa.

Intaas waxaa ku dhan faaladeeyda wixii aan saxay waxa ay ka sugnaatay rabi subxaanahu watacaalaa, wixii aan khaldayne waxa ay ka sugnaadeen nafteeyda dhaciifka ah iyo shaydaan.