Aqoon Kororsi

 

Midabkee ayaad jeceshahay?

Zahra Abdi Hesri

Holland
umubakar@hotmail.com

 

Midabka uu yahay dooqaagu ama aad jeceshahay wuxuu ka turjumaya shakhsiyadaada ama dadnimadaada dhabta ah, haddaba ka doondoon midka uu yahay midabkaagu midabadan hoos ku qoran si aad u ogaatid shakhsiyadaada ama danimadaada dhabta ah sida ay inoo sheegayaan culumada cilmi nafsiga u kuurgala.

 

Midabka Casaanka ama guduudka ah:

 

Waxaad tahay qof karti leh,caadifiyad ama emotion badan,dhaqdhaqaaq badan,gardarada neceb haseyeeshe meel ka caraysan waliba caro gaamurtay ama soo jireen ah ku jirto.

 

Pink ama midabka casaan xigeenka ah:

 

Waxaad tahay ruux naxariis badan, gambasho aan aqoon, jaceylka aaminsan,noloshana ku raaxaysta ama reer murugo aan ahayn

 

Midabka Orangeda ama Burtuqaaliga ah:

 

Waxaad tahay qof caafimaad qaba,hanweyn,talooyinkiisa ay fiican yihiin,wax abuura,farxad badan.

 

Midabka Huruuda ama Jaalaha ah:

 

Waxaad tahay,qof cilmi leh,tayadiisu sarreyso,had iyo goor rajadiisu wanaagsan tahay ama suga in wax kheyr leh imaan doona, awood badan,haseyeeshe kalsoonidiisu sidaas u buurneyn

 

Midabka Buluugga ah:

 

Waxaad tahay qof caqli badan,deggan,nabadda jecel,dareen fiican leh ama wax dhaqso u dareemi og, cayaar badan, kaftan badan, kalsoonida uu isku qabana aad u badan tahay.

 

Midabka cagaark ah:.

 

Dadka midabkan jecel waa dad furfuran,maalinba maalinta ka dambeysa sii koraya ama wax siibaranaya, kalgacalow ah ama dadka kalgacal u qaba,dadka u kaalmeeya,noloshiisana tahay mid dheellitiran.

 

Midabka Casaanka iyo Buluugga isku dhafanka ah ama violet:

 

Qofka midabkan jecel ayaa ah,qof bani’aadanimada yaqaan,xaaladdiisa nafsadda ay fiican tahay ama wax badan qaadan karo,dadka isku xira ama xiriir fiican la leh,naxariistiisuna badan tahay.

 

Midabka Kafayga ah ama Brown:

 

Haddii aad midabkan ka heshid ama jeceshahay waxaad tahay,qof dabiici ah ama ka nadiif ah waxyaalo badan sida cuqdada ama qof aad xumaan u qaadin, xasaasi ah, wax badan xafidi kara isla markaana ah qof nool ama noloshiisuna muuqato.

Midabka boorka u eg ama Greyga ah:

 

Haddii uu midabkan midabkaagu yahay waxaad tahay,qof aan dadka soo dhex gelin,cabsi badan,ay adag tahay in uu go’aan gaaro,qasan ama isku dhex yaacsan, tabartiisana yar tahay ama aan waxbadan awoodin.

 

Midabka Madowga ah:

 

Midabkan ma yahay midabkaagii,haddii ay jawaabtu tahay haa waxaad tahay qof leh dabeecadahan:qof tabartii laga dhuuqay ama laga miirtay, shaki badan,dhaawac badan ama markasta dhaawac uu soo gaaro,jiroolow ah,cadho xirxiratay, doonayana in uu la falgalo ama ilaabo murugo soo gaartay.

 

Midabka Caddaanka ah:

 

Midabkan dadka jecel inkastuu leeyahay qaar ka mid dabeecadaha midnimada oo dhan haddana waxaa gaar u ah,in uu yahay qof warkiisa cad yahay,gudaha ka qanacsan,ama ku qanacsan waxa uu haysto,neceb in uu galo khalad,tabar ka buuxda ama leh Energy badan, jecel wixii la soo dhaafay in la ilaawo oo wax cusub la bilaabo,ilaalin badan ama taxadir badan leh.

 

Zahra Abdi Hesri

Holland
umubakar@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Oct 27, 2005

---