::: SomaliTalk.com :::

Daabaco Boggan | Print

:::C/LAAHI YUSUF & AWEYS::

Hadaladii C/Laahi Yuusuf (Jawhar) iyo Sh. Aweys (Muqdisho)... Guji

:::JAAMACADA KISMAAYO:::

Dhagax dhigga jaamacada Kismaayo... Guji..

SHACABKA PUNTLAND vs TERRY:

Puntland iyo Terry (oo sheegtay Shirkad aan la aqoon) oo Dubai ku kala saxiixday heshiis... Guji
01 | 02 | 03 | 04 | 05 | 06 |

:::UGAAS MAXAMED WALI:::

YAA MAALI JIREY? Faallo:Ugaas Max'ed Wali oo ku bilawday C/ahi Yuusuf Axmed Muxuu Kusoo Kordhin Karaa Somalia Guji..

::MPLS: BUUGGA XASUUS QOR :::

Xaflad Lagu Soo Bandhigay Buugga "Xasuus Qor" oo Lagu Qabtay Minneapolis.. Guji...

19-JIR LAGU DILEY MINNESOTA:

Wiil Soomaaliyeed oo La Toogtey Asagoo Dhex Fadhiyey Gaari Taagan Meel Gaaska Laga Qaato oo ku yaal Magaalada St.Paul, Minnesota, USA... Guji

::SH. CIISSE XASSAN JUMALLE::

Walaalahayga Soomaaliyeed baan gargaar ka sugayaa; UAE way iga tuureen cusbitaalkii aan xaqa u lahaa... Guji...

:::C/NUUR FAARAX CALI:::

Xaflad Shahaado Master oo ka dhacday Qaahira.. Guji..

:::MAQAALKII YUSUF SHABAC:::

XAMAR CAASIMADA HALAGA BEDELO; Calankana bil halagu saa’idiyo... Guji...

:GAAJADA & CARRUURTA SOM:

Carruurta Soomaaliyeed ee gaajada iyo cuduradu ku aafeeyeen dalkooda Soomaaliya oo ay hay'adda MSF Video kasoo duubtay...daawo Halkan [Waxaad u baahan tahay Windows Media oo laga soo Rogan karo halkan]. Qoraal Soomaaliya la xiriira oo ku qoran English ka akhri halkan...

:::XAFLADII DHALLINYARADA:::

Xafladii Masjidka Abuubakar ee Xagaaga 2005 Loo Qabtay Dhallinyarada... Guji...

::: LAASCAANOOD:: ALHUDA:::

Masjidka Al-Huda oo Saddex Dabaq ah oo Laga Dhisayo Laascaanood... Guji...

::: MASJID DAR AL-HIJRA:::

Nala Iibi Dhismaha Masjidka Dar Al-Hijrah, Minneapolis... Guji

Waxan dhowaan akhriyay maqaal uu walaalkay Abdiqani Qorane ku soo daabacay somalitalk oo la yiraa " jariidad deenish ah oo aflagaadeysay nabiga scw". Waxan si weyn uga damqaday dhibaatada joogtada ah ee ay deenishku ku hayaan muslimiinta. Waxan dib u xusuustay barnaamij documentary ah oo uu sii dayay tvga sweden muddo dhowr sano ka hor ah kaasoo looga hadlayay cunsiriyada baahday ee denmark. Waxyaabihii aan ku arkay waxaa ka mid ahaa jaraaidka dalkaasi iyo dulmiga joogtada ah ee ay ku hayeen muslimiinta gaar ahaan somalida iyagoo weyn uga cabanaysa cunsuriyada iyo dacaayada ba' an ee lagu hayo. Somalidaasi waxay cabasho u gudbiyeen UNka hayaadihiisa mid kamid ah oo aanan imika xasuusan.

Waxa ka mid ahaa waxyaabihii ay la yaabka lahaa ee aan ku arkay sida tooska ah ee ay siyaasiyiin reer danmark ah ugu dhawaaqayeen hadalada cunsuriyadu ay ku dheehan tahay iyo sida ula kaca ah ee ay u qaadeen talaabooyin ay ku waxyeelaynayaan somalida oo ay u arkaan dad islaamnimadoodu ay tahay mid xagjir ah. Talaabooyinkaa qayaxan waxa ka mid ahaa Alle dulee isku sheegay inuu yahay gudoomiyaha degmada bröndby, waa xaafad Copenhagen ka tirsane oo aan filayo inuu xiligaa ka socday xisbiga socialdemocratiga oo yiri " somalida ayaa dhibaato nagu haysay waayo waa dad mashaqeystayaal ah hadana dhala caruur badan, si aan uga hortagno soomalidaa ku soo qulqulaysa bröndby waxan dib u dhisnay aqalada qolalka badan leh oo aan u badalnay kuwa leh qoljiif kaliya! sidaa ayaan uga hortagnay somalida ku soo qulqulaysay bröndby ee reeraha caruurta badan leh". Hadaladaa markuu ku dhawaaqayay alla duleegaa siyaasiga isku sheegay waxa wajigiisa ka muuqatay farxad iyo guul iyo inuu yahay nin caqli badan oo helay xalka mushkilad ay u caalwaayeen siyaasiyiinta Denmark. Waxa iyana jira barnaamijyo khasab ku ah dadka ku nool yabooha ay siiso ceydha oo lagu cadaadinayo. Waxa aqalada laga soo saaraa haween soomliyeed oo wali nuujinaya ubadkooda. Waxa lagu khasbaa inay tagaan xarumo amma gobo lagu sheegay in loogu diyaarinayo inay la qabsadaan bulshada oo ay noqdaan kuwa iyagu isdabara, shaqeysta oo aan ku tiirsanayn ceydha. Ubadkii oo ay dadoodu aad u yartahay mararka qaarkoodna aanan sanad gaarin ayaa la geeyaa xanaanada. Taana cawaaqibxumada ay leedahay akhristow waad garan kartaa.

Waxa kale oo aan ku arkay barnaamijkaa haweeneyda hogaamisa xisbiga cunsurka ah ee pia karsgård oo wax laga weydiinayay waraaqo xayeysiin ah oo ururka dhalinyarada xisbigeedu daabaceen kuwaasoo ay ku sawirnaayeen gabar xijaaban oo somaliyad ah sawirkeeda iyo halkudhigyo aad u xun oo loo nisbayno muslimiinta iyo soomalida. Waxay ku adkaysatay in dhalinyaradaasi xaq u leeyihiin inay fikiradahooda si xor ah u cabiraan oo arrintani aanay ahayn mid xadgudub ah. Waxay kaloo haweneydaa hogaamisa xisbiga cunsurka ah ee denmark ka jira ugu hanjabtay in ay swedishka ka xiran doonto bridgka amma buundada isku xirta labada dal haddii ay joojin waayaan dacaayda ay ku hayaan kolkii ay u ku adkeeyeen suaalaha.

Denmark waa dal aan ogolayn isdhexgalka bulshada aaminsana in dadka ajnabiga ahi ay raacaan oo ay qaataan qadariyaana dhaqanka reer Denmark kana haraan dhaqamada kale oo ay u arkaan kuwo dibudhac keenaya oo ka hooseeya kan Denmark. Waxay yiraahdaan " Denmark waxaa leh Danishka". Akhristow waxa laga yaabaa in halkudhigaani aadan u arag mid halisa waayo innaguba waxaan niraahnaa somaliya somalibaa leh laakiin dalalka reer galbeedka ah oo ay markii hore ku nooleeyeen dadyow isku heyb ah amma wadaaga dhaqan ayaa waxa ku soo biiray malaayiin ka yimid qaaradaha aduunka. Dadkaan soo haajiray ee dagay kana mid noqday bulshooyinka ku dhaqan dadlaka reer galbeedka ayaa la yimid dhaqamadoodii iyo diimahoodii. Taa waxay keeentay in dalal badan oo reer galbeed ah ay qirtaan in wadamadoodu ay ku nool yihiin bulshooyin kala duwan. Taasoo keenaysa in dadkaa ajnabiga ahaa ee soo galay wadamadan loo aqoonsado inay iyaga iyo dhaqankooda iyo diimahooduba ay yihiin qeyb kamid ah bulshada lana siman bulshada inteeda kale. Denmark taa way iska diiday waxayna hormarisaa xuquuqda dadka asal ahaan reer Denmark ah. Ajnabiga soo galay dalkeeda siiba muslimiinta waxay u arkaan kuwa halis galinaya jiritaanka dadka reer Denmark iyo dhaqankooda.

Waxa kale oo xusid mudan denmark iyo kaalinta ay ku leedahay dagaalka mareykanka iyo ingiriisku ku hayaan ciraaq iyo dacaayada joogtada ah ee ay ka faafiyaan carabta iyo muslimiinta. Waxay soo saareen shuruuc ay ku xanibayaan xuriyatul qowlka kuwaaso u gaara muslimiinta. Waxay kaloo cadaadis saareen imaamyada muslimiinta denmark iyadoo aan waliba maqlay in ninka madaxda ka ah xisbiga talada haya uu ugu hanjabay imaamyadu inaanay ka hadal ololaha doorashadii ugu dambaysay ee ka dacda dalkaasi. Imaamyada qaarkood ayaa sida la sheegay kula taliyay muslimiinta denmark inaanay u codeyn xisbiga talada dalkaa haya musharaxiintooda iyagoo fikradooda ku salaynaya in xisbigani uu ku xadgudbay xuquuqda muslimiinta denmark iyo dagaalka ciraaq oo ay ka qeyb ka yihiin.

Mar aan booqasho ku tagay Denmark waxan dareemay in somalida dalkaas ku dhaqani uu saaran yahay culays baaxad weyn oo kaga imanaya hayadaha dowliga ah, iyo warbaahinta. Culayskaas ayaa iila muuqda mid wax u dhimay kalsoonida iyo sharafta qaar ka mid ah dadka soomliyeed ee dalkaas ku dhaqan. Waxan arkay somali badan oo markii aan kala hadlay cadaadiska saaran qiil u raadinaya iyagoo ileh waa dhab oo somalidu mashaqeystaan, meelaha ayay taagtaagan yihiin iyo erayo kale oo la midah. Dacaayadii lagu hayay iyo dulinimadii lala doonayay ayay aqbaleen kuwaasi. Somalida ayaa lagu yaqaan inay yihiin kuwa aanan qaadan dulmiga iyo quursiga. Tiro badan oo somalida kunool Denmark ayaa iskaga hayaamay dalkaas iyagoo u guuray cariga ingiriiska ka dib markii ay u adkeysan waayeen dulmigaa joogtada ah ee qorsheysan, waxase wali ku nool soomali farabadan. Waxan u soo jeedinayaa soomalida ku nool Denmark inay ka guuraan oo ay badbaadiyaan naftooda, hantidooda iyo ubadkooda. Dega meel walba oo aad isoranaysaan waad ku badbaadi kartaan. Denmark waxay idiin muujisay cadwtinima aan laiska indhasaabi karin ee iskaga taga!. Waxa kale oo aan soo jeedinayaa in loo tabiyo warbaahinta carbeed, islaamka iyo soomaalidaba tacadiyada ay reer denmark ku hayaan muslimiinta iyo in ruux walba oo inaga midah uusan iibsan waxyaabaha ay denmark soo saarto oo aan ku soo rogno cunaqabatayn, walaalaha kale ee muslimiinta dunidana aan sidaa ka codsano inay Denmark cunaqabateeyaan. Ma aha caqligal in Denmark oo ah dal wax soo saarkiisa qeyb kamid ah ku salaysan yahay beeraha iyo xoola dhaqashada isla markaana suuq weyn ku leh dunida islaamka gaar ahaan dowladaha khaliijka carabta ay ku xadgudutbo alle, diinteena, nabigeena iyo sharafteena inaguna aan iibsano badeecadaha ay soo saaraan oo aan dhaqaalahooda kabno. Qof waliba oo inaga mid ah ha ka qeybgalo ololaha looga hortagayo cunsuriyada diin, midab, iyo dhaqan ee ay danishku wadaan!