-
Warbixin ku saabsan dagaalka Soomaalida Ethiopia.
-
C/llaahi Yuusuf oo xilkii ka
qaaday guddoomiyihii Bankiga
Dhexe..
Warbixin ku saabsan dagaalka Soomaalida Ethiopia.
Ridwaan Xaaji Cabdiweli.
ridwanhaji@yahoo.com
01.09.2005
Iyadoo Maalmihii lasoo dhaafay ay jireen Dagaalo
Beeleedyo ay ku dhinteen in ka badan 120 oo kasoo
jeeda Beelaha walaalaha ah ee Sheekhaal iyo Ogaadeen
ayaa waxaa soo badanaya hadal haynta ku saabsan
sababta keenta dagaalka soo laab laabanaya ee
dhexmaraya Beelaha Walaalaha ah ee iyagu wada daga
Gobolka Soomaalida ee Ethiopia.
Inta badan dagaaladani waxaa ay ku salaysan yihiin
dhulka marka aad waraysato labada dhinac ee
dagaalamaya oo 5 sano ee ugu danbaysay ay soo noq
noqonayeen dagaaladooda oo 100laal qof ay ku dhinteen
, tiro kale oo aad u fara badanna ay ku dhaawacmeen.
Waraysi Dheer oo British Broadcasting Corporation
ee Somaligu ay la yeelatay Ahmed sh
C/raxmaan oo kamid ah Odayaasha Beesha Sheekhaal ee
Magaalada Raaso waxaa uu sheegay in dagaaladani ay
qayb ka yihiin Maamulka Soomaalida isla markaana waxaa
uu ku eedeeyay dagaalka iyo weerarada dhinaca kale ee
kasoo hor jeeda.
Dhinaca kale waxaa uu muujiyay in dhulka uu yahay mid
aad u balaaran oo ay ku noolaan karaan dhamaan beelaha
wada daga dhulka Soomaalida ee dalkaasi Ethiopia ,
waxaa kaloo uu xusay in loo baahanyahay in maamulka
Soomaalida iyo Ethiopia ay wax ka qabtaan dagaaladani
soo laab laabanaya.
Odayaal ka tirsan labada dhinac oo iyaguna ku sugan
magaalada Jig jiga ayaa si wayn u muujiyay in ay aad
uga xunyihiin dagaaladani soo laab laabanaya ee la
isku adeegsanayo noocyada kala duwan ee hubka.
Hadaba waxaa dad badani ay is waydiiyaan maxaa keenay
in Dadka walaalaha ah ee Soomaalida ee hadana wada
daga in ay sidan u dagaalamaan oo ay si wayn ugu
mashquulaan loolanka dhulka xili ay ku suganyihiin
dhibaatooyin dhaqaala xuma ah iyo kuwo siyaasadeed.
waxaase aan shaki ku jirin in Ethiopia dawladeedu
aysan wax tixgalin ah siinayn Beelaha dagaalamaya oo
ay ku farxayso in Soomaalidu ay dagaalanto si aan loo
jaleecin Siyaasadeeda ku aadan soomaalida.
waxaa kaloo iyana Meesha aan ka marnayn in guud ahaan
Soomaalidu ay caalamka uga hareen Siyaasad xumo ay ugu
horayso dagaalo iyo dhiig ay xalaalaystaan iyagoo
haysta Diinta Islaamka , waana midda keentay in 14
sano ay wali soomaalidu caalamka kasii danbeeyaan.
Soomaalida waxaa inta badan dagaaladoodu ay ku
salaysan yihiin guud ahaan meel walba oo ay joogaan
dhulka iyo isticmaalka qabiilka oo si khaldan loo
adeegsado iyadoo xataa ay dhacdo in soomaalidu aysan
waxba isku ogolayn , taasina ay keento in qabiil walba
uu isku qanciyo waxa uu jecelyahay oo mararka qaarkood
ka fog xaqiiqda.
Diblomaasiyiin ka hadlay dagaaladan soo cusboonaaday
ee ka dhacay Ethiopia waxaa ay sheegeen in looga gudbi
karo in waxgaradka iyo Siyaasiyiinta beelahaasi
dagaalamay ay ka shaqeeyaan sidoo wax looga qaban
lahaa dagaalada isla markaana si cadaaladi ay ku jirto
looga wada hadlo muranka Siyaasadeed iyo kan dhuleed
ee u dhexeeya beelaha wada daga dhulka Soomaalida ee
Ethiopia.
Ridwaan Xaaji Cabdiweli.
ridwanhaji@yahoo.com
C/llaahi Yuusuf oo xilkii ka
qaaday guddoomiyihii Bankiga Dhexe..
amiinkhasaaro yuusuf
amiinkhasaaro@hotmail.com
24-kii Bishii
August wareegto uu soo saaray C/llaahi Yuusuf Axmed oo ah
Madaxweynaha Dowladda Federaalka ayuu xilkii kaga qaaday
guddoomiyihii Bankiga dhexe Dr. Max’ed Maxamuud Culusow
kaddib markii lagu eedeeyay in uu amar diido ku sameeyay
Ra’isul wasaare Cali Max’ed Geedi.
Guddoomiyaha
Bankiga dhexe ayaa magacaabistiisa waxaa ansixiyay golaha
baarlamaanka intii ay dowladdu ku sugneyd Magaalada Nairobi
oo lagu qabtay shirkii dib u heshiisiinta Soomaaliyeed .
Culusow oo ku
howlanaa howlo la xiriira dhinaca Bankiga dhexe ayaa waxa uu
ku tilmaamay xil ka qaaditaani mid aan sharci ahayn oo aan
la soo marsiin dastuurka.
Dr. Culusow waxa
uu sheegay in xil ka qaadista ka soo heertay Madaxweyne C/llaahi
Yuusuf ay qayb ka yihin Wasiirka qorsheynta Qaranka iyo
Iskaashiga caalamiga ah C/risaaq Jurile iyo xoghayaha
maaliyadda ee xafiiska Madaxweynaha Max’ed Ameeriko.
Dhinaca kale
Dr. Max’ed Maxamuud Culusow oo ah guddoomiyaha Bankiga dhexe
ayaa si kulul u beeniyay in xilkii uu ka qaaday Madaxweyne
C/llaahi Yuusuf Axmed wuxuuna ku tilmaamay xil ka
qaadistaasi mid aan sharci ahayn.
“Madaxweynaha
igama qaadi karo xilka ee waxaa xilka iga qaadi kara Golaha
Baarlamaanka iyo dastuurka” ayuu yiri Culusow, oo lagu
eedeeyay in uu amar diido ku sameeyay Ra’isul wasaare Cali
Max’ed Geedi iyo Wasiirka qorsheynta Qaranka C/risaaq Jurile
iyo rag ku dhow dhow Madaxweynaha oo uu ku jiro nin la
yiraahdo Max’ed Ameeriko dhinaca Madaxtooyada u qaabilsan
Maaliyadda .
Dr. Culusow waxa uu sheegay
in uu isagu yahay ninka dejiya wixii dakhli ah oo ay u
baahan tahay Dowladdu, sidoo kalena waxa uu sheegay in uu
yahay ninka soo qorsheeya Marka ay dowladdu u baahan tahay
sameynta lacag, wuxuu sheegay in arintaani uu maalmahaani
kala tashanayay mas’uuliyiin ka tirtan hay’adda Bankiga
adduunka iyo waliba shirkadaha daabaca lacagtaasi.
Waxa kalloo
sheegay in Madaxweynaha iyo Ra’isul wasaaraha uu ka diiday
in ay lacago dhigtaan Bankiyo taas oo uu sheegay in aysan
ahayn sharci.
Wuxuuna ugu
dambeyntii sheegay in uu yahay guddoomiyaha Bankiga dhexe ee
Soomaaliyeed, xilkaasna aysan ka qaadi Karin Madaxweynaha
iyo wax la mid ah.
amiinkhasaaro yuusuf
amiinkhasaaro@hotmail.com
Faafin: SomaliTalk.com |
Oct 1, 2005
Shariif
Xasan oo si weyn loogu soo dhoweeyay London...
Gudoomiyaha Baarlamanka
Soomaaliya Shariif Xasan Sheekh Aden iyo Wafdi uu Hogaaminayo ayaa...
Guji...
Sept 30
Mushkiladaha hor taagan soo celinta nidamkii dowliga ahaa.
Muqdisho: Baaritaan oo soo diyariyey
Guddoomiyaga guddiga markazka Abnu–Mascuud...
Guji...
Sept 30 Maalintii saddexaad oo uu galay shirweynihii Golaha Midnimada iyo Bad-baadada ee Islaamiga ah
Shiikh Xasan Daahir
Aweys “Maxaa islaamka ka reebaya in ay sameystaan hubka Nuclear-ka”.
Guji..
Sept 30
Dagaallo cadowga Itoobiya lagu jabiyay
ka akhri wararka Radio Xorriyo...
Guji...
Sept 30
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2 |