-
Cunto joojin ay bilaabeen
maxaabiista qaxootiga ah ee
ku xiran xabsiga Yemen
-
Beelaha Harti ayaa shalay si
aad uga soo horjeestey in
kismaanyo lagu qabto..
-
Xildhibaanada Baarlamaanka
ee ku sugan Jowhar oo cod
aqlabiyad ku ogolaadey in
Magaalada Kismaanyo..
-
Shirkadda xawaaladda Global
oo shalay Deeq wax ku ool ah
gaarsiisey dadkii ku
waxyeeloobey..
-
Xulka Qaranka Soomaaliya oo
galabta la cayaarayo Xulka
Jabuuti..
WARARKA MAANTA::: Nov 27,2005
Cunto
joojin ay bilaabeen maxaabiista
qaxootiga ah ee ku xiran xabsiga
Yemen
Sana`a-Yemen: Dhalinyaro tiradoodu gaarayso 11 oo laqabqabtay
maalinkii rasasaasta lagu furay
qaxootiga Somaliyeed
ee horseexda xarunta UNHCR ayaa bilaabay cunto joojin iyagoo ku xiraan xabsi u dhow xarunta UNHCR
ee magaalada Sanca,dhalinyaraddan oo dhaaman haysta aqoonsigii UNHCR ee Qaxootinimo
ayaa la garan laayahay sababta ay u xiran yihiin.
Mar aanu booqanay xabsiga ay ku xiran yihiin ayan noo warameen in Ciddamada amaanku su`aalo
aad u farabadan ay weydiiyeen kuwaas oo ay kamid ahaayeen cidda ka dambaysay isku soo
baxan ay wadaan qaxootiga somaliyeed, iyagoo raba inay ugaarsadan qaxootigan u afduubaan
mudada 15 sano UNHCR ta oo duudsiiyey xuquuqda ey lahaayeen.
Umadaan isku soo baxday ayaan haysan how iyo meel ay ku noqdaan intaba tiiyo waqtigan lagu
jiro u maraayo qaboobuhu meeshii ugu xumayd.
Abdi Said Mohamed (Dini)
Sanca, Yemen
salwe007@hotmail.com
Beelaha Harti
ayaa shalay si aad uga soo
horjeestey in kismaanyo lagu
qabto..
Wararka naga soo gaaraya
Magaalada Jowhar waxay
sheegayaan in Xildhibaanada
Baarlamaanka ee beelaha Harti
kuna sugan Magaalada Jowhar ay
shalay si aad ah uga soo
horjeesteen codkii loo qaaday in
Magaalada Kismaayo lagu qabto
shirka dib u heshiisiinta ee
xubnaha labada Gole ee ku kala
sugan Magaalooyinka Muqdisho iyo
Jowhar, waxayna sheegeen in
Magaalada Kismaayo ay tahay
magaalo uu xoog ku haysto Barre
Hiiraale.
“Haddii la doonayo in dhex
dhexaadin lagu qabto Magaalada
Kismaayo waa in Barre Hiiraale
ciidamadiisu ka baxaan Magaalada
Kismaayo” ayuu yiri Xildhibaan
Cabdi Xaashi oo sheegay in
xubnaha labada Gole ee ku sugan
Jowhar ay shacabka Soomaaliyeed
haatan u horseedeen burbur iyo
baaba’a.
Xildhibaanku waxa uu sheegay in
Barre Hiiraale uusan dhex
dhexaad ka ahayn is haysiga u
dhexeeyay xubnaha Dowladda ee ku
kala sugan Magaalooyinka Jowhar
iyo Muqdisho, waxayna
xildhibaana-daani ay ahaayeen
kuwo si aad ah u taageersanaa in
shirka dib u heshiisiinta lagu
qabto Magaalada Jowhar.
Xildhibaanada
Baarlamaanka ee ku sugan Jowhar
oo cod aqlabiyad ku ogolaadey in
Magaalada Kismaanyo..
Waxaa maalintii shalay ahayd
Magaalada Jowhar kulan isugu
yimid xildhibaanada
Baarlamaanka, waxaana shir
guddoominayay guddoomiye ku
xigeenka Baarlamaanka Prof,
Max’ed Cumar Dhalxa, wuxuuna
Baarlamaanku si aad ah uga
dooday halka lagu qabanayo
shirka dib u heshiisiinta ee
xubnaha labada Gole ee ku kala
sugan Muqdisho iyo Jowhar,
aaqiriitaanii waxaa la qaaday
cod waxaana la isku raacay in
Magaalada Kismaayo ay
martigeliso kulanka dib u
heshiisiinta ah, waxaa kalloo la
isku raacay in wareega labaad ee
kulankaasina ay martigeliso
Magaalada Jowhar.
Kulanka koowaad waxa uu dhici
doonaa 10-ka bisha December,
kulanka xigana waxa uu dhici
doonaa 17-ka isla bisha
December, waxaana ku qabashada
Magaalada Kismaayo ka soo
horjeesta qaar ka mid ah
xildhibaanada Baarlamaanka, gaar
ahaan Xildhibaanada beelaha
Harti.
Dhinaca kale Xubnaha labada Gole
ee ku sugan Muqdisho ayaa maanta
kal fadhi kayeelanaya hadalkii
shalay ka soo yeeray xubnaha
labada Gole ee ku sugan
Magaalada Jowhar ee ahaa in
shirka dib u heshiisiinta ee
xubnaha Dowladda lagu qabto
Magaalada Kismaayo uu ka taliyo
kaddibna wareegiisa labaad lagu
qabto Magaalasda Jowhar.
Xubnaha labada gole ee ku sugan
Muqdisho ayaa saluugsan qaabka
ay u wajahaan dib u heshiisiinta
xubnaha lada gole ee ku sugan
Magaalada Jowhar waxayna
sheegeen in labo haddii ay
dagaalaan loo baahan yahay qof
dhex dhexaadiya, balse taasi
waxay sheegeen in ay hareer
mareen xubnaha Dowladda ee ku
sugan Magaalada Jowhar.
Go’aanka in Magaalo lagu qabto
shirkad dib u heshiisiinta waxaa
iska leh cidda dhex dhexaadinta
wada oo ah Barre Aadan Shire
(Barre Hiiraale), hase yeeshee
ma ahan in go’aankaasi ay
gooyaan xubnaha labada Gole ee
ku sugan Magaalada Jowhar,
kulanka maanta aad ayuu xasaasi
u yahay, waxaana la filayaa in
ay ka soo baxaan labo go’aan
midkood in ay taageeraan
go’aanka xubnaha Dowladda ee ku
sugan Jowhar, iyo in ay ka soo
horjeestaan.
Shirkadda xawaaladda Global oo
shalay Deeq wax ku ool ah
gaarsiisey dadkii ku
waxyeeloobey..
Maalintii shalay ahayd ayaa
shirkadda Xawaaladda Global oo
ah shirkad ku caan baxday
dhinaca xawaaladaha ayaa shalay
gaarsiiyay deeq dadkii ku
waxyeeloobay dabkii ka kacay
xeradii qaxootiga ee ku taalay
jidka warshadaha gaar ahaan
agagaarka warshaddii hore ee
Birta.
Deeqdaan oo ka koobneyd 250
boorso ayaa boorso kasta waxaa
ku jiray raasin kala duwan,
iyadoo mas’uuliyiinta Shikadda
ay sheegeen in sbabaha ay
raashinkaas boorsooyinka ugu soo
rideen ay tahay si ay dadka
qaxootiga ah dib ugu
isticmaalaan boorsooyinkaasi,
waxaana ka guddoomay guddiga
taakuleynta oo iyagu uruurinayay
deeqaha kala duwan ee soo
gaaraya dadkaasi.
Mas’uuliyiinta Shirkadda waxay
sheegeen in u gargaarida dadka
tabaaleysan ay tahay waajib
diini ah oo saaran qof kasta oo
Muslim ah, waxayna u soo
jeediyeen shirkadaha kale in ay
gacan siiyaan dadkaas
tabaaleysan ee walaalahooda ah.
Todobaadkii hore ayay haayd
markii xeradaasi uu dab qabsadya
iyadoo dabkaasi ay ku dhinteen
saddex Carruur ah iyo nin Odey
ah, waxaa kaloo dabkaasi
baabi’iyay wixii hanti ah oo ay
haysteen dadkaasi, sidoo kale
waxa uu hoy tiray dabkaasi ilaa
iyo 400 qoys oo ah dadka soo
barakacay.
Xaafadaha Magaalada Muqdish ayaa
iyana ku howlan soo uruurinta
deeqahaasi, waxaana arkeysaa
guddiyo kala duwan oo wareegaya
xaafadaha dhexdooda oo dadka ka
qaadaya wixii ay awoodaan.
Xulka Qaranka Soomaaliya oo
galabta la cayaarayo Xulka
Jabuuti..
Xulka Qaranka Soomaaliya oo ka
qaybgalaya tartanka Qaramada
Bariga iyo Bartamaha Afrika ee
CECAFA, oo shalay ka furmay
dalka Rwanda.
Tartankaan oo sanadkiiba mar la
qabto ayaa sanadkaan waxaa ka
qaybgalaya min saddex qaybood,
waxaana galabata saacaddu markay
tahay 4-galabnimo Xulka Qaranka
Soomaaliya iyo Djibouti.
Xulka Qaranka Soomaaliya
diyaar-garow aad u balaaran ayuu
u galay sanad-kaan tartankaasi,
iyadoo sanadkaan lagu soo
biiriyay lix ciyaaryahan oo laga
keenay qaaradda Yurub, kuwaasoo
la sheegay in xirfadoodu aad u
sareyso, shacabka Soomaaliyeed
ayaa galabta u indha taagaya
natiijada ka soo bixi doonta
kulanka Djibouti iyo Soomaaliya,
iyadoo cayaarta labaadna ay la
yeelan doonaan xulka wadanka
Uganda, ciyaarta saddexaadna
waxay layeelan doonaan xulka
Ethiopia.
Tababaraha xulka Qaranka
Soomaaliyeed Tababare Geela ayaa
rajo wanaagsan ka muujiyay ka
qaybgalka xulka Qaranka
Soomaaliya ee tartankaasi
W/D Amiin Yuusuf Khasaaro
E-Mail
amiinkhasaaro@hotmail.com
Faafin: SomaliTalk.com | Nov 27,
2005
Coll. Abaas:
Barre Hiiraale Waa in uu Xasuuqa Ka Daayaa Beelaha Dega Kismaayo
Col. Cabaas Maxamuud Caddow oo soo saaray
qoraal ayaa sheegay in...
Guji....
Nov 26
Xildhibaan
Axmed Diiriye oo ka hadlay maamul u samaynta G/Banaadir
»C/lhi
Yusuf oo dalbadan in DFKM ku biirto isbahaysiga SANCA
»Muranka
xerada Sh. Aadan Dheere ee Degamada Wardhiigley
»Nin
gowracey laba wiil oo walaalo ah oo la qabtey...
Wararka oo
dhan halkan ka akhri.... GUJI... Nov 26
»Maxamuud
Saalax Jaamac oo Magdhaw Waydiisanaya Dowladda Britain
Xaflad
sagootin ah oo loo sameeyay xulka Qaranka Soomaaliya
ciyaaryahanada xulka Qaranka K/cagta ee Soomaaliya ee ka qaybgalaya
Koobka Bariga iyo Bartamaha Afrika ee 26-ka bishan ka furmaya Magaalada
Kigali, Rwanda...
Guji...
Injineer
Soomaaliyeed oo Lagu Diley Diinsoor
Eng. Max'ed
Ibraahim Dheel oo 15 sano ku maqnaa dalka Mareykanka ayaa waxa uu Degmada
Diinsoor ugu soo laabtay sidii uu gacan u siin lahaa dadkiisa, waana la
diley, warkaas iyo Muqdisho oo uu wiil naftiisa ku waayay Xabad Sigaar ah...
ka akhri..
HALKAN... GUJI... Nov 7