-
Waraaqo looga soo horjeedo
Idaacad ka hadasha Muqdisho oo
ay daadiyeen Midowga Maxaakiimta
Islaamiga ah..
-
Boqqore oo
sheegay in awoodiisii ay
isticmaaleen Cumar Xaashi iyo....
-
Wadamada IGAD oo
sheegay in ay wakiilo u soo
dirsanayaan shirka Jowhar..
-
Muuse Suudi
“Saddex baa laqdabo nagu wadey ,
labo wey nagatagtey..
-
C/llaahi Yuusuf
oo oo sheegay in Garoomadda
Dayniile iyo Ceel Axmed laga
dhoofiyo Daroogada..
-
Ciidamada ku
xareysan Xeryaha Hiilweyne iyo
Laanta-Buuro oo la siiyey Xaqu
Ciid..
-
Hay’adaha
xaquuqda Aadanaha WAHRO KAHRO
oo sheegay in qaar ka mid ah ..
-
Sidee Ciidul-Fitriga Looga
Ciiday Nairobi?
Waraaqo looga soo horjeedo
Idaacad ka hadasha Muqdisho oo ay daadiyeen Midowga
Maxaakiimta Islaamiga ah..
Warqado
looga soo horjeedo Idaacaddaas uuna ku saxiixan yahay
Guddoo-miyaha midowga Maxaakiimta Islaamiga Shiikh Shariif
Shiikh Axmed ayaa lagu daadiyay Magaalada Muqdisho.
Waxaana waraaqahaasi ku qornaa in Idaacad kamid
kua ka hadla Muqdisho ay sii deyso barnaamijyo lidi ku ah
Diinta Islaamka, sidoo kale waxay Maxkamaduhu sheegeen in
Idaacaddaasi ay u adeegto waxay ugu yeereen Kirishtaanka.
Waxay kalloo midowga Maxkamadaha Isaalamiga ah
ku eedeeyeen Idaacaddaas in ay saldhig u tahay in ay
difaacdo kooxaha dhaqan xumida ka dhex wada bulshada
Soomaaliyeed, waxay kalloo waraaqahaasi ku sheegeen in
Idaacaddaasi ay dhaleeceyso fal kasta oo wanaagsan oo ay
Maxkamaduhu ku dhaqaaqaan.
Qoraalkaan oo aad u dheeraa ayaa waxa kalloo
lagu sheegay in ay Maxkamaduhu sii wadi doonaan howlaha lagu
dagaalamayo dhaqan xumida iyo goobaha lagu faafiyo, oo aysan
ku ekaan doonin bisha Ramadaan.
Warqadaan oo wadatay Tiinbaraha midowga
Maxaakiimta ayaa waxaa kalloo lagu sheegay in aysan ogolaan
doonin waxay ugu yeereen Gadaal ka wareenka ay wado
Idaacaddaas iyo maamulkeeda ayna jawaab qancisa heli doonto
cid alaala ciddii carabkeeda uu soo dheeraado.
Waraaqahaasna waxaa ku xusan
magaca idaacadaas.
Boqqore oo
sheegay in awoodiisii ay isticmaaleen Cumar Xaashi iyo....
Kaddib markii uu
Guddoomiye ku xigeenka 2-aad ee Golaha Baarlamaanka Cismaan
Cilmi Boqorre uu ku biiray Xubnaha labada Gole ee fadhigoodu
yahay Magaaladda Jowhar ayaa waxaa soo baxay warar kala
duwan oo ku saabsan u wareegista ku xigeenka Baalamaanka ee
Magaaladda Jowhar, waxaana Khamiistii Shir Jaraa’id oo uu ku
qabtay Magaaladda Jowhar uu ku sheegay in ragga Xamar jooga
ay ku fashilmeen arrimo badan oo la xiira dhinacyadda Hub ka
dhista, Isbaara-qaadista, Xareynta Maleeshiyaadka iyo
nabadeynta Magaaladda Caasimada ah ee Muqdisho oo hore
hoggaamiyaasha siyaasadda ee Beesha Hawiye u sheegeen in ay
muddo sadex bilood ah Muqdisho ku soo dabaalayaan
nabad-gelyo buuxda, hase ahaatee arrintaas fashil xoog leh
uu ku yimid. Sababaha ugu waaweyn ee Guddoomiye ku
xigeenka 2-aad ee Golaha Shacbiga Boqqore ku qasabtay in uu
ka dago Jowhar waxaa ka mid ah in Jagadiisa ay ku tixgelin
waayeen Xidhibaanadda ku sugan Hotel-ka Saxafi, taas oo
wiiqday awoodiisa Guddoomiye Ku xigeen, waxaana arrintaas la
sheegayaa in ay sababteeda leeyihiin Cumar Xaashi Aadan iyo
Xildhibaan Suleymaan Colaad Rooble, kuwaas oo isticmaalay
Awoodii Boqqore, iyadoo sidoo kale ay jiraan Xildhibaano
marar badan ku gacanseyray amarka Guddoomiye ku xigeenka,
waxaana Boqqore uu ka mid noqday Xildhibaanadda Jowhar.
Boqqore wuxuu awoodiisa sare u sii qaadayaa guddoonka
Xubnaha Jowhar, maadaama uu halkaas ku sugan yahay
Guddoomiye ku xigeenka 1-aad ee Baarlamaanka Prof. Dhalxa,
wuxuuna dafiray in uu lacag ka qaatay Madaxweyne C/llaahi
Yuusuf, iyadoo arintaan ay dhabar jab ku tahay Xubnaha ku
sugan Magaaladda Muqdisho.
Wadamada
IGAD oo sheegay in ay wakiilo u soo dirsanayaan shirka
Jowhar..
Iyadoo
Degmada Jowhar la sheegay in ay martigelineyso shirka
Wasiirada arrimaha dibadda ee IGAD ayaa haddana wadamada ku
jira urur gobaleedkaasi ayan soo saarin war rasmi ah oo ku
saasban ka qaybgalka kulankaasi oo dhacaya 9-ka bishan.
Warar hoose oo aanu helnay ayaa waxay sheegayaan in wadamada
IGAD ay sheegeen in ay wakiilo u soo dirsan doonaan
shirkaasi, taasoo ay sheegeen in ay tahay mid tijaabo ah oo
la xiriirta xaaladda nabadgelyada ee Soomaaliya gaar ahaan
Magaalada Jowhar. In kastoo Degmada Jowhar ay tahay meel
nabadgelyadeeda si aad ah la isugu haylan karo, haddana
wadamda IGAD ayaa waxay sheegeen in kulankaasi uu socon
doono hal maalin kaddibna ay dib ugu laaban doonaan
wadamadoodii. Dowladda Eritrea iyo Dowladdu kale ayaa la
sheegay in aysan ka soo qaybgali doonin shirkaasi, iyadoo
maalinba maalinta ka dambeysa ay sii xumaaneyso khilaafka
xuduudeed ee u dhexeeya dowladaha Itoobiya iyo Eritrea sidoo
kale Dowladda Itoobiya ayaa la sheegay in ay shirkaasi u soo
dirsan doonaan danjirahooda Soomaaliya wakiilka uga ah C/casiis
Axmed, maadaama wadanka Itoobiya haatan ka socdaan rabshado
maalinba maalinta ka dambeysa sii baahaya.
Muuse
Suudi “Saddex baa laqdabo nagu wadey , labo wey nagatagtey..
Muuse
Suudi Yalaxow oo wasiirka ganacsiga ee Dowladda Federaalka
oo ka hadlayay munaasabaddii ciidul Fidriga ayaa shacabka
Soomaaliyeed ugu horeyntii Illaah uga baryay in uu sandkaan
sanadkiisa kale ku gaarsiiyo barwaaqo iyo bash bash.
Mar wax laga weydiiyay sida uu u arko tagistii
uu Jowhar tagay guddoomiye ku xigeenka labaad ee Golaha
Baarlamaanka waxa uu yiri “Saddex ayaa laqdabo nagu waday
haddii aan nahay kooxda Dowladda ee ku sugan Muqdisho,
saddexdaa labo ka mid ah way baxeen midka kalena waxaan
rajeynayaa in uu iska tagi doono”. Waxaa la weydiiyay waa
kee kan ku sugan Muqdisho ee ka mid ah ragga laqdabada
idinku wada, Muuse waxa uu ku jawaabay idiin sheegi maayo,
waad garananeysaan. Xubnaha labada ka tagay kooxda Muqdisho
Cismaan Cilmi Boqore, Axmed Caraale, Cali Baashi, iyo Qamar
Axmed Faarax iyagoo haatan ku sugan Magaalada Jowhar.
C/llaahi Yuusuf oo
oo sheegay in Garoomadda Dayniile iyo Ceel Axmed laga
dhoofiyo Daroogada..
Madaxweynaha Dowlad-da Federaalka C/llaahi
Yuusuf Axmed ayaa Maalintii shalay ahayd ka hadlay arimo la
xiriira xiritaanka Garoomada gudaha Muqdisho iyo deegaanada
ku dhow dhowba iyo canshuurta ay ku soo rogtay Dowladdu
Garoomadaas
Madaxweyne C/llaahi Yuusuf ayaa sheegay in
arintaan sababta ugu weyn oo ay u sameeyeen ay tahay iyadoo
ay jirto waxyaabo aan fiicneyn oo Garoomadaas loo isticmaalo
ayna yihiin kuwo dhibaato ku keeni kara jiritaanka Qaran
Soomaaliya ay yeelato, waxa uuna Madaxweynuhu ka dhawaajiyay
in Garoomada kala ah Ceel-Axmed iyo Deyniile ay yihiin kuwo
loo isticmaalo in laga dhuufiyo ama dalka laga soo geliyo
waxyaabo mukhaadaraad ah, isagoo sheegay in shakhsiyaad
dantooda wata ay gacanta ku yahaan garoomadaas, isla
markaana maandooriyaalkaasi ay yihiin kuwo dhibaato u keni
dadweynaha Soomaaliyeed, waxa uuna intaa ku daray in
Dowladda Federaalka ahi aysan u dulqaadan doonin waxyaabaha
xun xun ee lagula dhaqmayo shacabka Soomaaliyeed, isagoo
Madaxw-eynuhu tilmaamay in Bulshada Soomaaliyeed looga
baahan yahay in ay fahmaan waxa dhibaatadu uga imaan karto,
isla markaana aysan taageero siin.
Si kasta ha ahaatee hadalka Madaxweynaha ayaa ah
mid ka hor imaanay hadal uu horey ugu sheegay saxaafadda
Guddoomiyaha Gobalka Sh/hoose Yuusuf Indh-Cadde oo uu ku
beeniyay wararka sheegaya in Gobalka Sh/hoose lagu beero
xashiishad, isagoo hadalkaa ku tilmaamay mid aan sal iyo
raad toona lahayn. balse uu sheegay in maamulkoodu uu u
taagan yahay in uu wax ka qabto wixii wax u dhimi kara
Bulshada Soomaaliyeed.
Warbixin ku saabsan Dagaal dhex marey
Jabhadda Wadaniga Xoreynta Ogaadeenya iyo Ciidamada Itoobiya
Waxaa maalinba maalinta ka
dambeysa sii xoogeysanaya dagaalka u dhexeeya Jabhadda
xoreynta Ogaadeeniya, waxayna dagaaladii ugu dambeeyay ka
dhaceen deegaanada kala ah Jiriska Abaaqorow oo ka tirsan
gobalka Godey, Yucub oo ka tirsan Gobalka Doolo, Fiiq oo ka
tirsan Gobalka Nogob, Xamaro oo ka tirsan Gobalka Nogob,
Gasaangas oo ka tirsa Gobalka Nogob, Karin Bil Cille oo ka
isna ka tirsan Gobalka Nogob, Qabri Dahare oo ka tirsan
Gobalka Qoraxey, Kudnbuur oo ka tirsan Gobalka Qoraxey, Kuus
Cowl oo ka tirsan Gobalka Nogob, Duud Ciid oo ka tirsan
Gobalka Qoraxey, Bil Cil AFle oo ka tirsan Gobalka
Dhagax-Buur iyo Aabahey Gablan oo ka tirsan Gobalka
Dhagax-Buur. Dagaaladaasi waxay dhaceen 6/9/2005 ilaa
27/10/2005 isugu geyn ciidamada Itoobiya oo ay dileen
Jabhaddu waxay garayaan 235 waxaana laga dhaawacay 181 askri,
waxaana laga furtay hub iyo saanad aad u fara badan.
Markuu khasaare uu gaaro
ciidamada Xabashida waxa ay dhibaato gaarsiiyaan Shacabka
Ogaadeeniya waxaana u dambee-yay dhimashadii, dhaawacii iyo
xarigii ka dhacay deegaanka Farmadoow, waxaana war-saxaafadeedkaan
na soo gaarsiiyay wakiilka Jabhadda ee Soomaaliya Cilmi
Muxumad.
Ciidamada ku xareysan Xeryaha Hiilweyne iyo
Laanta-Buuro oo la siiyey Xaqu Ciid
Sida uu inoo sheegay C/llaahi
Turunbo oo ah sarkaal ka tirsan ciidanka ku xareysan
Laata-Buuro wasiirka ganacsiga Muuse Suudi Yalaxow ayaa
ciidamada ku xareysan xeryaha Laanta-Buuro iyo Hiilweyne
waxa uu gaarsiiyay maalintii ciidda ahayd deeq isugu jirta
xoolo, raashin iyo labo gaarioo xalwo iyo buskud ah oo ay si
wanaagsan ugu ciideen ciidamada labada xero.
Muuse Suudi waxa uu balanqaaday in uu isagu diyaar u yahay
taakuleynta ciidamada ku jira labada xeryood, isagoo sidoo
kalena saxiixay heshiis daawo iyo baaritaan lagu siinayo
shakhsi kasta ciidamada, taaso noloshooda lagu xanaaneynayo,
waxaan ciidamada oo ka mahadcelinaya deeqdaasi ay sheegeen
in Muuse Suudi uu uga sokeeyo xubnaha kale ee Dowladda
maadaama uu isagu dhibowga la galay isla markaana uu il
gooni ah ku hayo xaaladda ciidamada, wuxuuna C/llaahi
Turunbo uu xaqiijiyay in Ciidamada Hiilweyne iyo
Laanta-Buuro ay si wanaagsan u qaataan tababarkooda isla
markaana uu ka muuqdo is bedel weyn
Hay’adaha xaquuqda Aadanaha WAHRO KAHRO oo
sheegay in qaar ka mid ah ..
War saxaafadeed ay soo saareen
Hay’adaha Xaquuqda Aadanaha ee Wanlaweyn Human Right iyo
Khaliif Huudow Human Right ee (WAHRO iyo KAHRO) ayaa waxay
ku sheegeen in xadgudub aad u baahsan ay ka jiraan Gobalada
J/hoose, Sh/hoose, Bay, Gobalka Banaadir, Sh/dhexe, Hiiraan
iyo koonfurta Gaalkacyo waxayna sheegeen in Gobaladaasi ay
ka jiraan dil, kufsi, dhac iyo barakicin.
Hay’adahan oo ka wada tirsan isku
xirka difaacayaasha xaquuqda aadanaha Soomaaliyeed (IDXAS)
ayaa si wada jir ah waxay walaac uga muujiyeen
xadgudubyadaas ka dhacaya Gobaladaasi, waxayna cambaareeyeen
maamulada ka jira Gobaladaasi oo ay sheegeen in aysan waxba
ka qaban tacadiyaadaasi.
Sidoo kale waxay sheegeen in
Maxkamadaha Islaamiga ah ee ka dhisan Gobalka Banaadir ilaa
iyo xad ay wax ka qabteen nabadgelyada haddana waa kuwo ku
saleysan qaab Qabiil, sidoo kale waxba kama aysan qaban
isbaarooyinka yaala Magaalada gudaheeda iyo dibaddeeda,
kuwaasoo qaar ay isku hayb yihiin.
Waxay kalloo sheegeen in Midowga
Maxkamadaha Islaamiga ah oo sidii loo sheegay aysan u
mideysneyn ciidamadooda, oo aan ahayn kuwo u tababaran qaab
ciidan oo ay sheegeen in ay ka muuqaneyso dhaqan dableynimo,
iyagoo dadka ula macaamila si aan wanaagsaneyn taas oo ay
sheegeen in Maxkamadaha u keeni karto fashil ku yimaada
howlagalada ay fulinayaan oo dadka qaarkood ee ku dhaqan
Muqdisho ay tuhun ka qabaaan.
Waxayna ugu dambeyntii sheegeen
in loo baahan yahay in loo wada guntado sidii dalka nabad
loogu soo dabaali lahaa loogana hortagi lahaa tacayadiyada
ka dhaca dalka, waxaana ku kala saxiixnaa war saxaafadeedka
Eng, Siidow Xasan Mahdi iyo Prof, Cali Macow Dhalxa
W/D Amiin Yuusu Khasaaro
E-Mail
amiinkhasaaro@hotmail.com
Faafin: SomaliTalk.com |
Nov 4, 2005
Sidee
Ciidul-Fitriga Looga Ciiday Nairobi?
__________________________________
Qiyaas ahaan waxaa la
sheegaa in somalida halkaan ku nool ay kor u dhaafayaan
100,000kun waxaana lagu sii xantaa in islii oo kaliya ay
2meelood meel dagenyihiin,taas oo ugu wacan baa laleeyahy
iskaashigooda somalinimo iyo aygoo dhaqan ahaan leh
isladegista ama meel isku gaashaan buureysiga.
Ayadoo Nairobi aana looga
baran khilaafadka ciidaha lakiin waxaad moodaa in somalidu
ay la soo guurtay dhaqamaadkii iyo is qab-qabsigii lagu
yaqiinay.Hadaba waxaa jira dhowr masaajid oo somalidu aad
ugu taxntahy,lakiin kala mowqifyo duwan xagga
aaraahda.masjidka sida weyn ay soomalidu ugu taxantahy ee
6street,ahna hal-beeg somalidu intabadan ay wax ku cabiraan,
markeey timaado arimo nuucaan oo kale,ayuu Fiidnimadii xalay
maamulka masjidka daaha ka qaaday in baritoole ay
ciideysandoonaa,ayagoo taa u cuskaday ilo lagu
kalsoonayahy,iyo masjidka oo intabadan ku gees-mudan xagaa
iyo carabta gaar-ahaan sacuudi arebia.Masjidka ku yaala
xaafda 12steert ayaa fikir kaa kayara gadisan qaba,markeey
timaado ku teetsanaanta xogkta lagu ciidi karo,ayagoo
mabda’ahaan ay isku khilaafsan yihiin kuwa reer
6steert.waxeyna horay u sii afeefteen in ay ku afuridoonaa
arkti. lakiin masjidkaan oo aan looga baran khilaafaadaka
ciidaha iyo xusaska muhiimka u ah muslimiinta ayaa isna si
taxdar leh xalay ugu dhawaaqay ciidul-fitriga.waxaa jira
gudi musliimnta ree Kenya iyo kuwa kale oo leh nidaam xaga
xusaska nuucaan oo kale ah,taas oo run-ahaantii aan dhihi
karo waxa ay uga duwan yihiin dalalka aysan ka jir maamul
dhaxe,ayagoo intabadan qaada ama yeesha go’aanka saxda ah ee
lagu ciidi karo aygoo lafitigooda ku jaan gooya xoktooda
xagaa iyo (Kacbda)gaar ahaan sacuudiga oo ah halbowlaha
musliiminta caalamka oo dhan,isla markaasna ah meesha
somalidu ay sida weyn ugu dhawyihiin markeey timaado arimaha
nuucaan oo kale ah.al-cumuum,si is le’k ayaa looga iiday
sanadkaan dalkaan Kenya oo aalaaba aan sidaa ugu sii can-bixin
khilaafka mudaxan ee somalidu taqaan.Caalamka oo dhan waxaa
la sheegay in ciidani ay aheed mid ku dhamaata sinaan,oo
ayasan jirin marin habaab ku yimaada sdii loo cidi lahaa.
Nairobi
&Ciidul-Fitriga.
Waxaa barxda weyn ee “sir
ali club” isugu soo baxay in kabadan 50,000kun oo
ruux,waxaana dhamaantooda ka dheehan kartay wajiyadooda
farxad & reyn-reyn.dadkii halkaa isugu yimid oo isugu jiray
rag &dumar iyo caruur ayaa hal mar soo wada buux-dhaafiyay
barxada,waxaana aad u adkeed in aad gudha masjidka horay u
sii gasho,ayadoo dadka qaarkii ay ku dukanayeen
wadooyinka.Si aan caadi aheen ayaa loo soo camiray,waxaana
ku tilmaami karaa in ciidani ay aad uga tirabadntahy tii
sandkii hore xaga ka soo qeybgalayaasha salaada ciida,aydoo
saakay dadkii nasiibaka u yeeshay in ay ku dukadaan masjidka
ay ahaayeen dadkii saakay salaada subax masjidka ku
salaadeysatay. subxanimadii ayaa lagu wada waa bariyeysatay
takbiirta(Allahu-Akbarta),waxaa bilaawatay u dareerista
barxada weyn ee (Sir Ali Club)oo looga bartay martigalinta
ciidaha nuucaan oo kale.waxaa xarunta soo buux dhaafiyay
jaaliyado kala duwan,oo ay mugeeda ugu weyn ay laheed (Somali)qudbadii
salatu-fitriga ayaa ku bilwaatay jawi aad u
heersareeya,aydoo caadi ahaan uu halkaa ka akhriyo shiikhii
ku balansanaa qudba saakeytoole.saldaaii ka dib ayaan soo
dhax maquurtay gudah xaafda islee, oo ah xaafd ay somalidu
sida weyn isugu garab biirsatay, islamarkaasna ah xaafad aad
u weyn marka loo fiiriyo xaafadha
kale.haween,caruur,dhalinyaro,shaybab ayay ahaayeen kuwii
ugu badnaa ee ay qabtaan idhaheyga,waxadna dhamaantooda ka
dheehankartay farxad iyo rey-reyn waxaana la isku salamaayay
(Ciid Mubaarak).duuduub ahaan ciidani wax ay garabka ku
heesay tii kal hore xaga moqifka guud iyo qaabka loowda
ciidayba.Yaanan meesha ka saarin,caruurta ayaa ahaayeen
kuwii door libaax leh ka ciyaarayay ciidan, ayagoo ku
maanshoonayay waxyaabha lagu ciyaaro sida waxyaabaha qarax
(Baaruuda,bistooliyin..Haweenka waxaa aad u hareeyay
caruurta oo aley-leh aan dhihi karo looma yareesan
xaqul-ciidkoodii sandkaan. Lakiin haweenka qudhooda xubin
muhiim ah ayey ka ciyaareen ciidul-fitriga sandkaan, aygoo
iskula socday raxan-raxan ayey dhaxjibaaxayeen geesaha
xaafada islii.Raguna, sidaa uma sii buurneyn waxaana ka
cadad badnaa dumarka, lakiin qeyb weyn bay ka qaateen ciidul
fitriga sanadkaan.majiraan ilaa &hada war sheegayo in masuul
dowlada FKMG ah oo ka hadaly munaasabada ciidul-fitriga ama
isku soo bax ciideed oo ka dhaca dalkaan kenya. Ugu
danbeyntii ciidu waxey aheed mid aad loowada sugayay, la ina
isugu hambalyeynaayay dhamaan shacab weynha ku nool dalkaan
Kenya gaar-ahaan xaruntiisan Nairobi.waxaana sandkaan uu ku
biiray sanadahii kal-hore oo sidaan oo kale ciidu la isgu
waafaqay.Iskusooduudubow,dhamaan somalida halkaan jookta wax
ay salaan diiran u dirayaan dhamaan Somali weynta kale oo ku
nool daafaha caalamka wexyna leeyihiin (Ciid Saciid).Rabbi
ayaan ka baryeynaa in uu ciidan-ciideeda kale nagu gaarsiiyo
dowlad caadil ah,iyo baraare.
Aamiin..Aamiin..Aamiin
Farxaan-Ceynte
Nairobi-kenya
gaaraynte@walla.com
Nov 4, 2005
Nin Soomaaliyeed oo Laga
Tarxiilayo New Zealand
Dawlada New Zealand ayaa
qorshayneysa in ay dalkeeda ka tarxiisho nin Soomaaliyeed oo
magaciisa la yiraahdo..
Guji..
Minnesota oo Si weyn Looga
Ciidey
Minneapolis:
Kumayaal Muslimiin ah ayaa isugu soo baxay goobihii lagu
tukanayey salaada ciida, Waxaay ahayd isu soo bixi ugu
weynaa ee dad Muslimiin ah ay hal-goob isugu yimaadaan
Minneapolis oo..
GUJI
Dr.
Alnajjar oo Aad uga Dayriyey Xaalada Soomaalida....
»Cusmaan
Caato: C/laahi Yuusuf dagaal ayuu isu diyaarinayaa
»Saddex
markab kalluumaysato oo lagu afduubay Soomaaliya
Wararka oo
dhan ka akhri halkan... Guji... sept 2
| 
Daabaco
Boggan | Print
114 Suuradood ee Qur'aanka