Labada hogaamiye ee ka badbaaday doorasho dhacday duulintaanka Ciraq kadib waxay ahaayeen raiisalwasaaraha dalka Austareliya Mr.Howard iyo madexwene Bush, waxaana indhawaale isha lagu hayay bal sida uu u taabto doorashada dalka Ingiriiska oo raiisalwasaaraha dalkaas Tony Blair uu gacanta labaad ka ahaa ku duulaankii wadanka Ciraaq oo dhiig badani ka qulqulayo.

 

Haddaba wadanka Britain oo systamkiisu ku dhisan yahay habka soo dirashada wakiil matela deegaan cayiman, deedna xisbigii hela majoortigu uu soo dhiso xukuumada, ayaa waxay ku xirantahy hadba deegaankaas dadka ku nool nooca ay yihiin: midabka, diinta aydiyaloojiyada iyo wixii la halmaala. Sidaas awgeed saxaafadda wadankan waxay si wayn u falanqaynayeen oo asbuucyadii la soo dhaafay faalooyin isdaba jooga ka bixinayeen deegaanka Bethnal Green & Bow oo aad is oranayso ma degmo ka tiran wadanka maraykankaa sida looga xushay deegaamada kale.

  Yaa ku loolamayay Bethnal Green & Bow

 

Oona King oo 37 jir ah waa gabadha ku fadhiday kursiga xaafadaas 8dii sano ee la soo dhaafay waana gabadh madow maraykana oo waxaa dhalay- nin maraykanka madow oo u doodi jiray xuquuqda dadka dulman, lana yiraahdo Preston King isagoo ahaa Professor dhiga maadada  Plotical science, waxuuna dalka maraykanka ka cararay sanadkii 1961-dii isagoo lagu eedeeyay inuu dambi galay, waxaase cafiyay madexweyne Bill Clinton sanadkii 2000ka, waxaa kaloo xussid mudan in Oona King ay ka qalin jabisay Jamacadda Berkeley ee Gobalka California ; sidoo kale Oana King  waa gabadh yahuudiyada oo hooyadeed waa yahuuda ka soo jeeda dalka Hungary waxaana la yiraahdaa Hazel King--sharciga dalka Israil qofkii hooyadiis tahay yahuudiyad waa asal, laakiin aabaha lama aqoonsana oo daaqadduu ka baxayaa; sidoo kale waa gabadh Ingiriis ah oo waxay ku dhaltay sheffeiled oo ah dalka Britania. Oona King waxay caan ku tahay inay u doodi jirtay dadka laga tiro badan yahay sida madowga iyadoo si hagar la,aana ugu duuban jirtay inay u dagaalanto dadka ka soo haajira dalalaka ay ka jiraan dagaalda sokeeye sida Soomaaliya iyo Kosovo, waxaa kaloo lagu amaani jiray u howlgalka guriyeenta dadka hantida yar,iyo wax ka qabashad baahida bulshada, waxaase ay si toosa u taageertay fikraddii uu qabay hogamiyaheeda waa Tony Blair e ee ahaa  dagaalkii Ciraaq, taasoo wixii horumar ah ee ay kasbtay isku fuuqsatay, maadaama degmada laga soo doorto ay ku badan yihiin dadka Muslimiinta ah oo aan haba yaraatee raali ka ahayn ku duulaankii Ciraaq. 

 

George Gallow oo 50 jir ah waxuu 18 sano ku fadhiyay kursiga degmada Galasgow ee Scot.isagoo ka mid ahaa xisbiga Tony Blair ee Labourka, balse waxuu si toosa uga soo horjeestay go,aankii hogaamiyihiisu ku doonayay in la weeraro Ciraaq, waxuuna kamid ahaa dadkii ka qudbadeeyay mudaharaadkii ka dhacay London oo ay ka soo qaybgaleen in kabadan 1milyan oo qof. George Gallow waxuu safar ku tagay sanadkii 1994 tii wadanka Ciraaq isagoo la kulmay Sadaamkii Ciraaq waxaana laga hayaa inuu ku yiri saddam :" waxaan kuugu immid inaan muujiyo geesinimadaad iyo adkaysinka aad la timaadeen ", ayadoo jariidada daily Telegaraph ay ku eedaysay inuu ka qaatay Saddaam 600 kun doolar,balse George Gallow dacwuu ku soo oogay Jariidadaas isagoo yiri la imaadaa cadayntaan kaga qaatay lacagtaas Saddaam, aakhirkiina waxaa loo xukumay oo uu ka helay Jariidadaas 280kun oo doolar,lacagtaasoo anfacday, waayo loolankiisii ayuu ku kharshgareeyay. Tony Blair oo aan jeclaysan siduu u diidanyahay dagaalka Ciraaq waxuu ka eryay xisbiga Labourka. George Gallowna waxuu samaystay xisbi u gaar ah waxuuna ishaartay kursigii gabadhaas waa Oona kingiye oo is yiri kanaa taageero ka helaysaa maadaama ay ku badan yihiin Muslimiintu, isagoo ka baqaya in gobalkiisa  Scotland oo wax kastoo la sheego u codeeya xisbiga talada haya ee Labourka. Sidaas awgeed Gallow waxuu samaystay xisbi la yiraahdo Respect waxuuna diiradda saaray inuu u ololeeyo xamaasadda dagaal ka soo horjeesadka lagu wado Ciraaq. 

 

Bethnal Green & Bow yaa ku nool

 

Wadanka Britain iyo waqooyiga Ireland muslimiinta ku nool waxaa lagu qiyaasaa boqolkiiba afar(4%) Tirada guud ee dalkaas. Bethnal Green waa degmada labaad ee ay ugu badan yihiin muslimiintu, badina waa dad kasoo jeeda wadanka Bangaladhesh oo ka mid ahaa dhulalkii boqortooyada Ingiriisku ka talin jireen in ka badan 200 sano, ayadoo dadka lagaga badan yahay wadanka Ingiriisku ay u janjeereen xisbiga garabka bidixda-dhexe ee Labourka, tusaale xisbiga garabka midig ee Conservatigu waligii laguma arag qof ku soo baxa xisbigooda oo ah dadka laga badanyahay, waxaa kaloo xusid mudan in golaha wasiirada dalka Britain ee hogaanka u hayo Labourka uu ku jiro qof madaw ah ayagoo ka qatanaa golahaas in kabadan 110 sano dadka madowgu, marka dadku inay arkaan xaafadaas oo uu kasoo baxo xisbi aan ahayn Labourka waa wax ku fajac ah dhacdada doorashada Ingiriiska. 

 

   Warbaahinta Wadanka Maraykanku waxay ka qoreen iyo soo noqoshadii Raage Oomaar

 

Tan iyo markii raiisalwasaaraha dalka Britain Tony Blair uu ku dhawaaqay inay dhacayso doorashada dalkaas 5tii May, waxay Joornaalada iyo Telfeshinada wadankaan si wayn uga hadlayeen doorashadaas siiba xaafaddaas aan ka hadlayno ee Bethnal green & Bow. Jariidada Washington Post oo lagu tiriyo garabka bidixda-dhexe waxay bogageeda hore ku soo daabacaysay doorashada Bethnal Green iyagoo sawirada Oana King  kusoo lifaaqayay,sidoo kale Joornaalka ay cakiska isku yihiin ee Washington Times oo garabka Midig (far right) ayaa sidoo kale aan ka nasan soo bandhigidda dhacdooyinka ka socda guud ahaan dalka Britain gaar ahaanna dooda Oona King iyo George Gallow -doodaasoo marar badan hoos loo dhaadhacayo sida iyadoo la leeyahay George Gallow waxuu ku yiraa Muslimiinta waa yahuudiyade ha u codaynina, George Gallowse wuu beeninyay inuu waxaas ku hadlay, dhanka kale George Gallow waxaa lagu riixayay odaygii la tuuray ee Saddaam.Telefishinda ayaa faalooyin iyo qormooyin buuxda kasoo lalinayay bartamaha iyo bariga London iyo dagaalka ugu qadhaadhi inuu ka dhacayo xaafadda Bethnal Green & Bow oo aad moodaysay inay degamadaasi u ekayd Ohio-yadii Britain.

 

Haddaba ayadoo dhagahayaga iyo indhuhuba ay ka dhergeen doorashada xaafaddaas ayaa waxaa la soo gaaray maalmihii ugu dambaysay ee ololihii doorashada. Telfeshinada iyo wargaysyada waxay nagu asqeeyeen xayaysiis uu mid waliba uu ku kasbanayo inuu si toosa (Live) uu usoo gudbinayo natiijada doorashada, kuwaasoo ku beegay marka shaqada laga soo laabanayo ee 5:30 galabnimo ee saacadda washiongton, DC. Amase 10:30 habeenimo ee saacadda London .

 

Waxaase aan orankaraa Chanaalka C-span2 ayaa kasbaday daawadayaashii doorashada maadaama uu si toosa ugu soo qaadanayay BBC News Night oo ay isugu yimaadeen maqaawiirtii iyo khubaradii tiirarka u ahaa BBC da. Waxaa qaybinayay ruug cadaagii David, xagga kale waxaa indhahaagu ayna marna ka libiqsanayn Peter (Peter-dheere) oo kaga yaabiyay dawadayaashiisa hadba inta uu usoo jiro 3-da tartame 10 Downing Streetka uu galo raiisalwasaaraha; waxaa kaloo fadhiyay Jeremy oo qofkuu waraysto dhegta dambe ka dhidido, waxaana hal mar mud soo yiri xidigii wariyaasha dagaalkii Ciraaq ee Raage Xaaji Cabdillaahi Oomaar oo sii bilay haddana markii loo doortay inuu kasoo waramo xaafadda aynu ka hadlaynay ee Bethnal Green & Bow,taasoo muujinaysa inuu soo laba kacleeyay dagaalkii Ciraaq, marlabaadna uu kasoo waramayo xidigii kasbaday quluubta dawadayaasha adduunkoo idil waa Raage e. Saacaddu markay ahayd abaarihii 10:00 fiidnimo xagayaga ,Londonna u ahayd 3:00 aroornimo ayuu Raage A.Oomaar sidii uu usoo gabgabeeyay riditaankii Saddaam,usoo gabgabeeyay in Ms.King kursigii aan laga daba hadli jirin tan iyo 1997dii maanta laga tuuray oo nin kasoo hayaamay Galasgow ee Scotland marooqsaday, waxaana soo afjarmay warbaahinta maalmo ay nagu waalayeen dagaalka ka socda Bethnal Green & Bow. Qaarkood waxayba yiraahdeen wadadii aabaheed ma marin waayo aabaheed dambiga uu dalkiisa uga maqnaa 40 sano waxuu ahaa inuu diiday ka qaybgalka ciidamada loo dirayo dagaallada,iyana waxay taageeray dagaal aan caddayn buuxda loo hayn ee ah in hub waxgumaada lagu baabi'inayo. 

 

Aden-gas
Washington, DC.
adengas@hotmail.com