SOMALITALK.COM XAYAYSII
w w w . S o m a l i T a l k . c o m
SOMALITALK - WARAR
WARAR GOOGOOS AH:::
  • Madaxweynaha DFKG Soomaaliyeed oo looga Diyaar Garoobayo soo dhaweyntiisa Magaalada Boosaaso
  • Gudoomiyaha Baarlamaanka FKMG ah ee Somaliya oo ku laabtay Magaalada Mogadisho.
  • Maamulkii Idaacada STN iyo Wariyaal ka tirsan Idaacada oo Xabsiga loo taxaabay.
  • Booskii Alaha u naxariistee xildhibaan islaam maxamed cabulaahi xidig oo maanta loo  magacaabay xaaji xuseen axmed shabaab (xaaji shabaab)  
  • Kenya oo kordhisay xiliga isdiiwaan galinta dadka qaxootiga ah ee ku nool dalkeeda.
  • Laanta Qaramada midoobay ee WFP oo dalbanaysa in la sii daayo markab lagu afduubay xeebaha Somaliya.
  • Munaasadda Kowda luulyo oo laga xusayo Somaliya.

Madaxweynaha DFKG Soomaaliyeed oo looga Diyaar Garoobayo soo dhaweyntiisa Magaalada Boosaaso

Madaxweynaha DFKG Soomaaliyeed Col: CAbdulaahi Yuusuf ayaa Ilo lagu kalsoonaan karo ay noo sheegeen in uu ka soo dagi doono Magaalada Boosaaso ayadoo aad looga Dareemayo u diyaar garowga soo dhawayntiisa iyo Ciidamo laga ururinayo Xarumahoda si ay nabadgalyada u sugaan.

Warar aan ka helnay ayaa sheegaya in Madaxweynahu uu ka qaybgali doono Munaasabada 1 Luuliyo oo looga diyaar garoobayo Magaalada Boosaaso.

Madaxweynaha DGPL Gen: Maxamuud Muuse Xirsi (Cade) iyo Wasiiro ka tirsan DGPL iyo DFKG Soomaaliyeed ayaa la sheegay in ay kasoo amba baxeen Magaalada Caasumada DGPL Garoowe si ay u soo dhaweeyaan Madaxweynaha Dowlada Soomaaliyeed Col: Cabdulaahi Yuusuf iyo Wafdiga uu hogaaminaayo.

Warar aan la xaqiijin ayaa sheegaya in madaxweynaha ay ahayd in uu ka dago Magaalada Jowhar oo aad looga diyaar garoobayay lakiin ay jiraan xaalado ka badalay in uu Madaxweynuhu ka dago Jowhar tasoo la sheegay in ay jiraan Ciidamo ku soo dhawaaday Degaanka Jowhar, Cimadaa ayaa ah kuwo Taageersan Muuse Suudi, Qanyare iyo Hogaamiye kooxeedyada Muqdisho ee isku badalay Mudanayaasha ee ku sugan Muqdisho oo ah kuwa aadka u doonaya sidii ay gacanta ugu dhigi lahaayeen Madaxweynaha Col: Cabdulahi Yuusuf si ay u fashiliyan Dowlada Cusub.

Ilo ku dhowdhow Madaxweynaha ayaa sheegaya in uu Boosaaso uga sii gudbi doono Magaalooyin kale oo Soomaaliya ah.

###

Gudoomiyaha Baarlamaanka FKMG ah ee Somaliya oo ku laabtay Magaalada Mogadisho.
Gudoomiyaha Baarlamaanka FKMG ah ee Somaliya Shariif Xasan Sh.Aadan ayaa maanta ku laabtay magaalada mogadisho,kadin markii uu ka soo qayb galay munaasabada maalinta xoriyada Dalka jabuuti oo ku beegnayd 27 bishan.
 
Shariif Xasan waxaa la socday xubno  ka tirsan labada golle waxaana ku soo dhaweeyay Magaalada Xamar xubno ka mid ah gollayaasha dowlada iyo baarlamaanka oo halkaasi ku sugnaa.
 
Gudoomiyaha ayaa ka qayb galaya munaasada lagu xusayo 1da luulyo oo bari lagu wado in ay ka dhacdo Mogadisho,munaasabaad mid la mid ah ayaa lagu wadaa in ay ka dhacdo Magaalada Jowhar oo ay ku sugan yihiin Xubno ka mid ah labada golle iyo waliba Ra'iisul wasaaraha Somaliya Cali Maxamad Geddi.
 
Munaasada ka dhacaysa Jowhar ee Kowda july lagu xusayo ayaa waxaa kala qayb galaya ergo ka socota beesha caalamka oo maanta ka duulay Magaalada Nairobi iyo qaar ka mid ah Labada Gollle,xubnahaas waxaa ka mid ergayga dowlada kenya u qaabilsanaa arrimaha Somaliya Am.Pathwel Kiplagad iyo qaar kale oo mata bulshada caalamka iyo saxafiyiin kala duwan oo ka socota warbaahinta dibada.

###

Maamulkii Idaacada STN iyo Wariyaal ka tirsan Idaacada oo Xabsiga loo taxaabay.

Waxaa maanata Xabsiga loo taxaabay Maamulkii iyo Shaqaalihii Idaacada STN Boosaaso kadibna albaabaha la,isugu laabay Idaacada.

Mar aan ku booqanay Maamulka iyo Wariyayaasha ayaa waxaa naloo sheegay in ay ku jiraan Jeelka oo aan nala tusi karin, Ehaladooda oo aan kula kulanay saldhiga ayaa noo sheegay xataa in loo diiday in la tuso iyo in looga gudbiyo Cuntada.

Idaacada iyo Wariyaayasha ayaa lagu soo eedeeyay kadib markii ay sii daayeen Bayaan ay qoreen Xubno ka tirsan Degaanka oo diidan Doorashadii Dhawaan lagu soo doortay Gudoomiyaha Degmada iyo ku xigeenkiisa ee Golaha Degaanka Boosaaso.

Xubnahaa ayaa la sheegay in laga soo xiray labo Xildhibaan oo ka mida Golaha Degaanka Boosaaso oo uu ka mid yahay Musharaxii Gudoomiyaha Degamada Boosaso ee xiligii ay Doorashada socotay.

Waxaa hore loogu xiray Tafatirihii Wargeeska Shacab ee ka soo baxa Garoowe iyo Wariyeyaal ka shaqeynayay ayadoo Xabsiga loo taxaabay aydoon la keenin Maxkamad.

Waxaa baaq ku wajahan sidii ay xoriyadooda ku heli lahaayeen Wariyayaashaa u soo jeediyay Maamulka DGPL, Bahda SomaliTalk, Daladda ay ku bahoobeen Ururada Saxfiyiinta Puntland (PUMA Net), Ururka Saxafada Caalamigaa iyo Ururka Saxfiyiinta Madaxa Banaan ee Caalamigaa.

Booskii Alaha u naxariistee xildhibaan islaam maxamed cabulaahi xidig oo maanta loo  magacaabay xaaji xuseen axmed shabaab (xaaji shabaab)  

Xaaji xuseen axmed shabaab(xaajishabaab) oo ka mid ah ganacsatada aadka looga yaqaan gobolada jubooyinka ayay beeshiisa ugaratay inuu buuxiyo jagadii uu baneeyay allaha u naxariistee xildhibaan maxamed cabdullaahi xidig oo 27/6/2005tii ku geeriyooday magaalada kismaayo ee xarunta gobolka jubbada hoose  

xaaji xuseen ayaa sanadkii 1955tii waxa uu ku dhashay magaalada jowhar ee gobolka shabeelada dhexe waxa uuna waxbarashadiisi dugsiga h/dexe ku qaatay magaalada muqdusho asagoo inta badan noloshiisa ku qaatay gudaha dalka soomaaliya waxa uuna markii ugu horaysay dalka bannaanka uga baxay sanadkii 1975tii waxa uuna aaday dalka sacuudiga halkaas oo shaqo ujoogay mudo labo sano ah.

xajiga ayaa tan iyo intii ay burburtay xukuumadii dhexe ee soomaaliya waxa uu ku sugnaa gobolada jubooyinka marka laga reebo mudo yar oo uu joogay xeryaha qaxootiga ee dalka kenya waxa uuna inta badan ka shaqaynayey howlo ganacsi oo asaga u gaar ah isla mar ahaantaana waxa uu gobolka wakiil uga ahaa shirkada ganacsiga ee ramadaan ee fadhigeedu yahay magaalada muqdisho.

xaaji shabaab ayaa shir ay odayaasha beeshiisu lahaayeen sadexdii maalmood ee ugu dambaysay waxa ay isku raaceen inuu uga mid noqdo xildhibaanada baarlamaanka islamarkaana uu buuxiyo jagadii uu baneeyay xildhibaankii geeriyooday sidaana waxaa wabsedka u sheegay odayaal ay ka mid ahaayeen

xaaji yuusuf cismaan,  col.xasan cade jaamac,  caaqil yuusuf cabdulle,iyo nabadoon cabdulle cali oo sheegay inay yihiin gudiga odayaasha beesha 

xaajiga mar aan wax ka waydiinay sida uu u arko xilka loo dhiibay ayaa waxa uu sheegay in uusan doonayn inuu xil qabto balse hadii ay beeshiisu u idmadeen uusan diidi karin  waxa kale oo uu sheegay in uu doonayo inuu xiriir la sameeyo mas,uuliyiinta ugu sarsaraysa xukuumada si ay u aqbalaan soo gudbintiisa

soo gudbinta xildhibaankaan ayaan layaab ku ahayn umada soomaaliyeed maadaama ay xukuumada kumeelgaarka ku dhisan tahay awood qaybsi beeleed   

Kenya oo kordhisay xiliga isdiiwaan galinta dadka qaxootiga ah ee ku nool dalkeeda.
Shir Jaraa'id oo ay maanta qabatay Gabadha Madaxda ka ah Laanta Socdaalka ee Kenya ayay shaaca ka qaaday in ay kordhisay laanta socdaalka isdiiwaan galinta dadka aan haysan sharciga lagu joogo dalka kenya.
 
Wasiirada ayaa sheegtay in ay ku dartay bil iyo bar si ay ugu suurta gasho in ay isdiiwaan galiyaan dadka la gaynayo xeryaha qaxootiga ee aan haysanin sharciga daganaanshaha,waxa ayna intaas ku dartay in ay si toos ah isku diiwaan galiyeen dad gaaraya shan iyo toban kun oo ah dad aan haysanin sharci.
 
Dowladda waxaa qasab ku ah in ay masaafuriso qofkii aan haysanin sharci ama aan is diiwaan galinin ayaa ka mid ahaa hadaladii ay maanta jeedisay wasiirada laanta socdaa;la dalka kenya.
 
Dad badan oo Soomaaliyeed ayaa wallaac ka muujinaya arrintan,iyagoo Ganacsi u jooga dalka kenya gaar ahaan magaalada Nairobi,lama yaqaano waxa ay ka samayn doonaan maadaama badankood aysan diyaar u ahayn in iska diiwaan galiyaan laamaha qaxootiga ee ku yaala dalka kenya iyo xeryaha qaxootigaba.
###

Laanta Qaramada midoobay ee WFP oo dalbanaysa in la sii daayo markab lagu afduubay xeebaha Somaliya.

 
Af-hayeenka u hadlay Hay'adda WFP laguna magacaabo  Rene McGuffin,oo fadhigeedu yahay magaalada Nairbi ayaa sheegay in sida ugu dhaqsaha badan loo sii daayo markab u kireysnaa Hay'adda QM laanteeda Cunnada oo dhawaan lagu Af-duubay xeebaha Soomaaliya isagoo wadag deeq ay Hay'addu ugu tala gashay in ay gaarsiiso dadkii ay waxyeelada ba'an ka soo gaartay dhul gariirkii Afrikada bari soo gaaray lix bilood ka hor. 
 
Markabkan waxa uu ka baxay magaalada Xeebta ah ee Mombaasa,waxaana saarnaa toban ka mid ah shaqaalaha markabka,isniinti ayaa markabkan lagu afduubay meel u dhaxaysa Hobyo iyo Harar dheere waxaana afduubkan gaystay maliishiyaad Somaliyeed oo ku sugnaa Xeebta.
 
Af-hayeenka Hay'adda WFP  Rene McGuffin ayaa sheegay in dablaydaasi waydiisteen Qarash madax furasho ah in ay Hay'addu bixiso oo ku dhaw 400,000 oo dolar,waxaa socda wadahadalo lagu doonayo in markabkaas lagu sii daayo si loogu soo celiyo magaaladii uu ka baxay ee Mombaasa.

###

Munaasadda Kowda luulyo oo laga xusayo Somaliya.
Munaasabada kowda luulyo oo ah maalin astaan Qaran u ah dalka Soomaaliya kuna beegan markii ay midoobeen labadii qaybood oo ay u kala talin jireen Ingiriiska iyo Talyaaniga ayaa caawa lagu wadaa in saqda dhexe laga xuso magaalooyin badan oo ku yaala dalka Soomaaliya.
 
Munaasadan weyn oo ah markii ay Somaliya ka xorowday gumaystaashii reer yurub ee Talyaaniga iyo ingiriiska oo dalka iyo dadka Soomaaliyeedba ku hayay mustacmarad aad u xun ayay u dulqaadan waayeen halgamayaal badan oo Soomaaliyeed kuwaas oo dhibaato adag ka dib ku guulaystay in ay ka xoroobaan Wadamadii kala gumaysan jiran dalkana ka dhigay shan qaybood.
 
W/galbeed iyo Koofur Soomaaliya ayaa si wada jir ah calanka dhidibada ugu taagay iyagoo tuuray kuwii kale,waxaana halkaasi laga qaaday suugaan ka tarjumaysay is jacalka dadka Soomaaliyeed iyo halgankooda dheer oo ku yimid wada dhalashada ay iskugu hiiliyeen oo xiligaas ka dhigayay kuwo wax walba ka hormariya sidii ay u midnimo iyo xornimo u hanan lahaayeen.
 
Xaliimo Hirre Xuseen oo Buro weyn oo halis ah ay ka soo baxday xubnaha kaadi mareenka una abaahan qalliin degdeg ah.. Guji..
Dowlada Britain ayaa gumaysan jirtay waqooyi galbeed Somaliya una bixisay somaliland,shacabka W/qooyi galbeed ee Somaliya ayaa halgan gobanimo kadib ka xoroobay dowladaas waxa ayna qaateen xornimada 1960 bishii juun 26 keedi waxa ayna niyad sami ula yimaadeen walaalahood Koofur Somaliya si ay hal meel ugu wada xusaan maalinta xornimada Dalka Soomaaliya. 
 
Sidaas si la mid ah ayaa Gobolada Koofur Soomaaliya waxaa gumaysan jiray Dalka Talyaaniga,waxaana ku xusan taariiqda Soomaaliya ee xiligaas gumaysiga laga sameeyay in ay kala kulmeen shacabka Soomaaliyeed guud ahaan dhibaatooyin fara badan waa tan ku dhalisay in ay halgan sameeyaan.
 
Riyadii Midawga labada Gobol ee Waqooyi iyo Koofur Soomaaliya ayaa rumowday,1da luulyo ayaana u noqotay mid laga dhabeeyay in ay iskugu yimaadaaan habeen saq dhexe iyagoo labada gobolba ku guulaystay in taagaan Calanka Soomaaliya,waxaana lagu taagay niyad wada jir ah iyo Somalinimo Dhab ah. 
 
Hadaba kumanaan Soomaali ah oo ku kala nool gudaha iyo dibada Soomaaliya ayay caawa u leedahay xusuus gaar ah.

###

Faafin: SomaliTalk.com | June 30, 2005

Culimo wacdi iyo muxaadarooyin ka bilowday meelo ka mid ah G/Sanaag
Culimada ayaa hawshooda ka bilaabay iney la kulmaan Duqa degmada Badhan iyo odayaasha Guji... Jun 30

Kulaabo bogga  www.SomaliTalk.com 
© www.SomaliTalk.com

BAARID | SEARCH

 



HTML CD