::: SomaliTalk.com :::

Wasiir ku xigeenka W/Horumarinta R/Miyiga Dhirta iyo Daaqa ee DFKGS oo ka furay Xafiis Gobolka Sanaag, Degmada Dhahar.

W.D: c/fatax jaamac | Bosaso
Email: somalitalkpl@yahoo.com

June 12, 2005

Waxaa noo suuragashay aan la xiriirno Wasiir kuxigeenka W/Horumarinta R/Miyiga Dhirta iyo Daaqa ee DFKGS Horn: Saciid Xasan Shire isagoo ku sugan xiligaa Degmada Dhahar oo uu ka furay Xafiis uu ku magaacaabay Xafiiska Xiriirka iyo Wacyi galinta Dadweynah ee DFKGS.

Waxaa aan ugu horeentii wax ka waydiinay ugu Horeentii Xafiiskaa sababaha uu u furay iyo inu doonayo in uu meelo kale ka furi doono Waxaana uu ku jawaabay

Sababaha aan u furnay Xafiiska waxaa la socotaan in ay soo guurayso 14/06/2005 Dowlada ayna ka howl galayso dhamaan Gobolda Dalka iyo maamuladaba marka xafiiskaan wuxuu qayb ka yahay Xafiisyada ay ka howlgali doonaan Xubnaha labada Gole ee Dowlada ee ku soo laaban doona dalka, waxaana Xafiisyo la mida ka furi doonaa Gobolka Sanaag oo dhan sida Qorshaha noogu jirta.

Waxaan wax ka waydiinay Waxyaabaha uu ku arkay G/Sanaag intii uu maraayay waxaana uu ku jawaabay:

G/sanaag waxaa si Wanaagsan uga da,ay Roobabkii Guga waana Illaahay mahadii wax dhibaata ahna kama jiraan waxaa ugu daran Xaalufinta dhirta ee Degaanka iyo Gubida Dhuxusha oo meelo ka mida Gobolka si xowli ah uga socota iydana waxaan hada wadnaa sidii wax looga qaban lahaa inagoo la kaashanayna Maamulka ka jira Degaanadaas.

Waxaan kaloo waydiinayay meelaha kale ee uu booqday ee ilaa xiligii uu yimi dalka waxaana uu ku jawaabay.

Waxaan booqday Gobolka Bari oo aan kula kulmay Qayb ka mida Madaxda Puntland sida Madaxweynah DGPL Gen: Cade Muuse oo aan ka wada hadalnay sidii dagaanada G/Sanaag wax looga qaban lahaa maadama ay ka jiraan Dhibaatooyin ay u wayntahay Xaalufinta Dhulka Wuxuuna balan qaaday in uu Arimahaas wixii awoodiisaa uu wax ka qaban doono waxaan kaloo booqday Magaalooyin ka mida Degaanka G/Sanaag.

Waxaan kaloo waydiinay inay jiraan Xubno kale oo ka tirsan DFKGS oo imanaya G/sanaag waxaana uu ku jawaabay.

Waxaan filaynaa in ay imanayaan Wafdi balaran oo mari doona Degaanada Puntland oo dhan marka ay Dowlada dib ugu soo noqoto Wadanka.

Waxaan kaloo wax ka waydiinay Qilaafka Labada Gole ee sii xoogaysanaaya waxaana uu ku jawaabay.

Waa jiraa in uu qilaafkaa jiro waana qilaaf Rayi oo labada gole ay isku hayaan .

Boosaaso: Madaxweyne kuxigeenka DGPL oo kasoo Laabtay Itoobiya

W.D: c/fatax jaamac | Bosaso
Email: somalitalkpl@yahoo.com

June 11, 2005

Madaxweyne kuxigeenka DGPL Xasan Daahir Afqurac oo shalay dib ugu soo laabtay Magaalada Boosaaso ayaa ka war bixiyay Safarkiisii uu ku tagay Dalka Ethopia isaga iyo Wafdi uu hogaaminaayo oo uu ka mid yahay Wasiirka Maaliyada DGPL Maxamed Cali Yuusuf (Gaagaab) mar uu u waramaayay Idaacadda SBC ee ka How gasha Gobolada Puntland ayuu u sheegay in ay martiqaad ay ka heleen dawladda Itoobiya uuna ku saabsanaa Casumaad loo sameeyey Dadka Taageersan DFKGS iyadoo la raadinaayo sidii ay Dib ugu soo guuri lahayd Dalk Gudahiis ay ka wada hadleen Xubno ka socda Gobolada kale Soomaaliya Xubnahaa oo ah kuwa tageersan Dowlada Waxaana ka soo qayb galay ayuu yiri Madaxweyne ku xigeenka Gobolada Baladweyne, Baydhabo, Gado, iyo kuwo kale oo ka mida Gobolada Soomaaliya.

Waxaa kaloo aan kawada hadlaynay ayuu yiri Madaxweyne ku xigeenka sidii loo xoojin lahaa xiriirka u dhexeeya Puntland iyo Ethopia.

Madxweyne kuxigeenka Xasan Daahir Afqurac mar aay wax ka weydiisey Idaacada halka uu ku dambeeyey xiriirkii ganacsi ee labada dhinaca Puntland iyo Ethiopia ayadoo ay jirtay Heshiis uu soo saxiixay Wasiirka Ganacsiga DGPL Mudane Bindho ayuu u sheegay Idaacada in xiriirkii halkiisii taagan yahay iyadoo lagu heshiiyey in barta ganacsi ee wax la isku dhaafsanayo ay noqoneyso magaalada Wardheer.

Madaxweynaha ayaa sidoo kale maanta Kormeer ku tagay Dhismaha Garoonka Diyaaradaha iyo Dekada Boosaaso isagoo Warbixin kaga Dhagaystay masuuliyiinta Goobahaa.

W.D: c/fatax jaamac | Bosaso
Email: somalitalkpl@yahoo.com

Faafin: SomaliTalk.com | June 11, 2005