Waxaa Magaalada Boosaaso
laga furay Warshada CocaCola, Fanta...
![](coce2.jpg)
Noocyada Cabitaanka oo
Midmid laga soo bixiyay
![](coce3.jpg)
Cabitaanka 7_up ah
![](coce4.jpg)
Cabitaanka Biyaha Safaysan
ah
![](coce5.jpg)
Cabitaanka CocaCola ah
![](coce6.jpg)
Cabitaanka Trobikal Frut ah |
WERSHEDDA CABITAANKA EE
KAWSAR
![](coce1.jpg)
Eng Cabdicaziiz Bilaal
|
Waxaa laga furay
magaalada Boosaaso Warshad soo saarta Cabitaanka Coca Cola, Fanta iyo
Noocyo kale oo Cabitaana loona isticmaalayo Dhalooyin mar kaliya lagu
Isticmaalayo (One Time Use). Warshada iyo Aasaaskeeda oo uu warbixin naga
siiyay Eng. Cabdicaziiz Bilaal oo ka mid ah Mulkiilayaasha Warshada
waxana uu warbixintiisa ku bilaabay sidaan:
Eng: Cabdicaziiz:-
Mahad waxaa iska leh Rabbigii inooku nimceeyey nimcooyinka kuwa muuqda
iyo kuwa qarsoonba, kuwaas oo aan marnaba lasoo koobi karin, nebigiisana
nabad iyo naxariisi korkiisa ha ahaato.
Waxaa ku
shirkoobay Warshadaan Ganacsatado Soomaaliyeed oo ku kala nool Dalka
gudihiisa iyo Dibadiisa Waxaan kaloo kuu sheegayaa taariikhdii la
asaasay wershedda cabitaanka ee Kawsar iyo goortii ay dhaqan gashay.
Sanadku markuu ahaa
2002 dii ayaa waxaa bilaabatay hindiso,is-abaabul iyo isku duba rid.
Waxaa markaana xooga lasaaray oo lamuujiyey dadaal lixaad lex kaas oo
lagu doonayey sida ugu fudud ee arinkan uu ku hirgeli lahaa. Wax yar ka
dib waxaa hirgalay hindisihii iyo himilooyinkii uu qof walba
xanbaarsanaa taas oo la orankaro waxay noqotay murtidii somaliyeed ee
ahayd:
”Wixii rag u kaco rabbina aqbalo way rumoobaan”
Noocyada cabitaanka
Kadib markii ay
ogolaatay shirkad aan Ogolaasha ka soo qaadanay in xiriiir ganacsi iyo
iskaashiba ay layeelanayso shirkadda kawsar, ayaa waxaa fursad loohelay
in lala kulmay laba nin oo khibrad iyo waayo aragnimo u leh samaynta
cabitaanka waxbadana kasoo shaqanayey wershedo kala duwan oo yurub
gudaheeda ah. Mid kamida Nimankaa wuxuu ahaa nin khibrad weyn leh oo u
qaabilsan Microbiology-ga qaybta caafimaadka iyo baarista maadooyinka
cabitaanku ka koobanyahay. Kan kalena wuxuu ahaa Chemical analyst qaybta
tayada (Quality control) kuna fara dhuudhuuban daraasaynta maadooyinka dhadhanka.
Raggaa waxaa weheleyey nin somali oo ah Aniga Cabdicaziiz, soona bartay
chemical analyst kana shaqaynaayey muddo dheer wershed ka mida
wershedaha caalamiga ah ee cabitaanada sameeya ee ku taal Netherlands,
qaybta tayada "Quality-ga" dhinaca baarista maadooyinka chemicada, biyaha iyo
ansixinta cabitaanka, waxaana u laahaa fikradda samaynta cabitaanka
wershedda Anigoo ka faa'iidaysanaayey fursaddahaas lana kaashanaayey
shaybaaradaas (Laboratory). Taas oo macnaheedu yahay in awooda lasaaray
baaritaan cilmiyaysan si loo helo nooca cabitaanka ugu fiican tayo iyo
tiroba.
Waxaa baaritaankan lagu
sameeyey iyadoo la adeegsanaayo shaybaaro caalami ah noocyada cabitaanka
iyo miisaamidda dhadhanka muddo ilaa 7 bilood dhan sidii loo dejinlahaa
nooca cabitaanka loobaahan yahay iyo isu miisaamidda dhadhanka.
Waxay nimankaani
baaritaanka wadeen ilaa muddada kor lagu xusay ay wadeen sidii kor loogu
qaadi lahaa Cabitaanka diyaarna u yihiin inay shirkadda ku caawinaan
wixii aqoontooda ah inkasta oo aan baahi saa u weyn oo looga baahan
yahay aysan jirin isku filnaan awgeed.
Waxaa farxad weyn u
noqotay shirkadda Kawsar in natiijadii kasoo baxday baaritaanka ay
noqotay mid lagu guulaystey.
Cabitaanada ay
shirkaddu haatan ay soo saarto waxay kala yihiin:
- 1-
noocyada dhadhanka
CocaCola 400ml
- 2-
noocyada dhadhanka
Orangada (Fanta) 400ml
- 3- noocyada dhadhanka
lemon-lime (7 up) 400ml
- 4-
noocyada dhadhanka
Tropical Fruits. 400ml
- 5-
Biyaha macaan oo
caagadaysan (750 ml & 1000 ml)
- 6- Carbonated water
(SODA-WATER 400 ml)
- 7- Light-products (cola-light)
400ml
iyo noocyo kale, kuna
xiran hadba sida dadku inooga dalbado.
Tayada cabitaankan
wuxuu u dhigmaa ama lamidyahay noocyada cabitaanka ee yurub laga
isticmaalo.
Warbixintaa kadib ayaa
Eng: Cabdicaziiz uu ii sheegay in aad ay u heleen suuq fiican oo hada
Cabitaanka Kowsar laga isticmaalo magaalooyin badan oo ka mida Puntland
oo mar uu i geeyey Baqaarada uu i tusan Cabitaan badan oo Dalab ay ku
sameeyeen ayna u rari doonaan Magaalooyinka Gaalkacyo, Laascaano, iyo
kuwo badan tasoo keentay Dhadhanka oo ay dadku jeclaadeen.
W.D:
c/fatax jaamac | Bosaso
Email: somalitalkpl@yahoo.com