::: SomaliTalk.com :::

Daabaco Boggan | Print

Filimada anshaxa xun, ruugidda Qaadka
iyo isticmaalka Daroogadu Saamayn intee le'eg Bay ku Leeyihiin Faafidda Cudurka AIDSKA ee Soomaaliya.. Guji...

XAMAR DAAWO DACALLADA.. SAWIRRO

Fadeexada Paltalkga: iyo Dulmiga Walaasha Muslimada ah....... GUJI....

Qaabka Loo Qoro Wararka, Faalooyinka iyo Ra'yiga

IlleEn baroortu hiillo waa gashaa!! (Dilkii C/qaadir yaxye iyo Sh. Maxamed Muunin)

Geerdu markasta waa geeri, musiibana waa musiibo, waxayse ku kala duwanyihiin sida inta nooli ay u miijiyaan dareenkooda ku aaddan arrintaas. Soomalida ayaa waxay ku maahmaahdaa "Geeri nimaadan aqoon iyo geel jirey ku roontahay!".

Waxay aheyd maalintii labaad ee ka tirsan bishan July 2005, ee aan ku waabariisto war naxdin leh, anigoo u kallahaya raadinta nolo-maalmeedkeyga, 11 July oo aheyd dilkii C/qaadir Yaxye, iyo 30 July oo ahayd habeenkii la dilay Sheekh Maxamed Muumin Harrun! Khaddiibkii masjida Abuu Hureyra ee Muqdisho.

Waxay ahaayeen laba nin oo isku reer ah mid kastana aan u aqaannay asi aan qota dheereyn, waxayse ahaayeen laba qof oo wax waliba ku kala duwan, marka la yaab malaha inay kala duwnaadaan dadka u murugoonaya iyo kuwa ku farxaba!!.

laakiin dhacdadaas ka dib waxaa magaalada Muqdisho meel kasta lugu hadal haayey CRD, dadka badankooduna waxay ka aaminsanyihiin inay yihiin Jawaasiis reer galbeed-ka u shaqeeya.

Allaha u naxariisto C/qaadir waxaa aaskiisa ka qeyb galay, ehelkiisa, deriskiisa, saaxiibbadiisa. sidoo kale waxaa u ooyey (ama isu ooyinsiiyey), inta laga cawdibilleysto hadii ay yihiin Somali iyo haddi ay yihiin Ajnabi.

Dad badan oo aan ku jiro naxdintii ay ka naxeen dilkiisa waxaa beddelay yaab iyo isweydiin su'aalo fara badan oo ku saabsan howshiisii?? iyo sababta ay reer galbeedku ay heerkaas u gaarsiinayaan, iyo in lugu qanci karaa in sababtu tahay inuu ahaa "simply peace activist!"?? soomlida nabaddeedu ma ilaa heerkaas ayay muhiim ugu tahay??

Ma ogi xiirirka ka dhaxeeyay Marxuumka iyo dadkaas, waxaanse ogahay in nin kasta oo reer galbeedu u sare u qaadaan uu yahay nin danahooda ka shaqeeya.

Waxaa kaloon ogahay in ay mar kasta buun-buuniyaan dadka xambaarsan afkaarta dhibaatada ku ah dadka Muslmiinta ah. Dadka ay horay u maamuuseen waxaa ka mid ah: Taslim Nasriin (Bangaladesh), Shiirin cabbaadi oo u dhalatay Iiraan, Drs Maryan(IJOS), Ayaan Xirsi oo soomali ahaan jirtay iyo kuwa kale oo badan! Oo xitaa dowladohoodu ku dhicin inay canaantaan!

Waxaan shaki ku jirin haddii CRD ay tahay isha warbixinta ICG ay ka soo saartay Soomaaliya sannadkan 2005 in ay kasban karto cadaawad siyaasadeed iyo mid diineed oo sabab u noqon karta in dhibaato loo geysto dadka ka shaqeeya.

Waxaa kala duwan duruufihii aan kula kala arki jirey labada marxuum, C/qaadir waxaa la arki jirey isagoo ku socda baabuur muraayado madow oo ay saaranyihiin niman ay shartu indhohooda ka duul-duuleyso, Maxamed-se waxaan arki jirey isagoo lugeynaya oo ku deg-degaya kitaabbadii uu akhrin jirey ama shaqadiisa, markaas ayaan "Asalaamu calykum" iyo dhoolla-caddayn isku salaami jirnay.

Sidoo kale waxay kala duwan duruuftii ay ku kala geeriyoodeen, Sh. Maxamemed waxaa la dilay isagoo saaraan baabuur ay wateen cumlimo ay kitaab kasoo wada baxeen si ay u gaarsiiyaan gurigiisa, C/qaadirse waxaa muuqata in sidii ilaaladiisa ay ugu bixi jirey lacag badan , dilkiisana lugu bixiyey lacag iyo qorsheyn badan, oo lugu dilay dhagar si aad ah loo soo maleegay! Su’aalina ay ka taagan tahay cidda ku sugan Muqdisho ee fulin karta howl gal noocaas oo kale ah!

Aaskii C/qaadir waxaa ka qeyb galay shacab tiro badan, iyo Dhamaan qab-qablayaasha dagaal iyo dadka loo heysto inay yihiin dhagar-qabayaal iyagoo isku dayay inay munaasabaddaas uga faa'ideystaan in caradii tolkiisa ay ku jiheeyaan meeshii ay munaasab u arkaan. Iyagoo marna farta ku fiiqayay Garabka dowladda ee C/lahi yusuf marna waxa ay ugu yeereen argagixisada!

Sh. Maxamed aaskiisa waxaa ka soo qeyb galay dad weyne aad u tira badan oo u badnaa dadka dan yarta ah, xoogsatada, qaar ka mid ah cumumaaudiinka, iyo ganacsato.

Markii meydka sheekha la geeyey qabuuraha Barkaat, waxaa isku garbinayay boqolaal dad ah iyadoo uu qof walba isku dayayey inuu wax ka qaado dadkaasoo qaarkood indhahooda ilmo ay ka da'aysay!

Waxaa isheydu qabatay kafantii caddeyd ee uu ku jiray meydka sheekha ilaa ay dadkii siday ay hoos ugu dejiyeen gudkii loo diyaarshay, waxaanna yaqiinsaday inay dhamaatay dhoolla caddeyntii aan isku salami jirnay, sida aan u yaqiinsanahay in anigana maalin uun qabuurahaan ama kuwa kale la ii gelbin doono!

Ujeedda kasta ha lahaadeen kuwii dilay sheekha, waxaa hubaal ah inay sabab u noqdeen murugo iyo uur ku taallo, Waxaana halkaas uga billowday caruurtiisii marxalad cusub(aqoonnimo) oo ku qasbeysa inay noolaadaan nolol uu ka maqan yahay aabbohoodii jeclaa oo ay jeclaayeen oo Allah ka sokow ay wax walba ugu tiirsanaayeen.

Dadkii ka qeyb galay aaskii C/qaadir badankoodu ma joogin aaska sheekha, sidoo kale dad badan oo aaska sheekha joogay ma aysan joogin aaskii C/qaadir, taasoo caddayneysa kala duwnaashohooda noloshoodii iyo geeridoodiiba.

C/qaadir waxaa tebi doona, ehelkiisii ka sokow, saaxiibbadiisii uu la shaqeyn jirey, oo ugu horreeyo saaxiibiis Jiriil, Sh. Maxamedna waxaa tebi doona, ehelkiisii ka sokow, minbarka Masjidka Abuu hureyra, iyo meelihii uu ka marin jirey duruustiisii diiniga aheyd, haba ugu darnaadee cilmiga muhiimka ah ee faraaidka (dhaxalka) oo uu sheekhu si gaar ah ugu tilmaanaa.

Si kasta oo loo kala duwanyahay waxaa hubaal ah in qof walba uu u baahanyahay naxariista Eebbaha weyn. Waxaan Allah ka baryaya inuu u naxariisto wixii dhintay ee Muslimiin ah, ehelkoodiina uu ku hanuuniyo inay samraan beddel khery qabana siiyo iyo in uu xafido carruurtoodii una noqdo cudud iyo kaalmo, gashoodna uusan na fitneynin!